|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
|
|
#1
25-01-09, 10:22 AM
|
||||
|
||||
رحمالوف .. فتاة العقيده .. كل يوم خليكم هنا ولا تغيبون ..
هههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه  هذه مقدمتي .. وقسم بالله ما أدري وش فيني امس وانا كاتب موضوع ولكن يدي تحكني وتبيني أكتب موضوع وكل ما رحت ابي أنام تجيني هواجيس وكوابيس مفجعه وتقول ترى ان آخر موضوع كتبته في قصيمي نت هو موضوعك الاخير لان الموقع بيتقفل وأنبهز من نومي وافز واجي أطامر على المنتدى وأفتح قصيمي وعلطول إضافة موضوع ما ابيه يتقفل وربي وبعدين من وين لنا بمنتدى زين مثل هذا بالله جاوبوني اللحين ..لكن هنا تكمن المشكله وهنا مربط الفرس وهنا رأس الحيه اللي محتاج له بتر وهنا الشر الموطى اللي محتاج حاجه من ثنتين وهما : صفر / يا أنهم ينقلون القسم الترفيهي من مكانه واحد /أو أنهم ينقلون بعض الناس من هنا معاد اقدر أستحمل وربي جسمي ياكلني وضميري يأنبني ويقول لي ويحيك يابو راس لماذا لا تحرك ساكنا .. وارد على ضميري واقوله بالله لا تسوي مصري على راسي وهذا مهوب وقتك بالله لكنه يعود ضميري بشكل ثاني مغاير عن اللي قبل ويجيني بصوره عجيبه بصوره هذاك الواعي المثقف ويقولي لي أكلتك أمك يابو رآس الغبي يبي يقولي ثكلتك امك بس شكله ما درس إلا عند سادس أبتدائي وفصل وناضرته بإستحقار وقلت له أها بس وأنحاش مني وهو مطئطي الرأس ممدود البوز مكسور الخاطر لكن لم يمكث الا بضع دقايق وجاني وليفي وحبيب قلبي وأنيسي في وحدتي وقال لي وش الأخبار يابو راس بصوت فيه تضخيم وكأنه عربجي وداق هذيك السيقاره اللي تعدل المزاج .. .. قلت بكل أدب له أهلن وسهلن حللت اهلاً ووطئت سهلا لزوم أكون معاه أدب الأدب وجلست أخذ وأعطي معاه على بعض المخططات والعمليات اللي بنقوم بها اليوم وبكره وتجهيز الاغراض ولوازم الأمور ..وفي وسط الحديث تذكرت موضوع مرّ علي في القسم الترفيهي وحبيت أعرض الموضوع والفكره عليه ويعطيني شوره السديد القويم لكنه فاجأني لمن قال لي وبضحكه فيها من الغرور والكبرياء أصلن انا شاركت فيه من قبل ما تشوفه وحطيت رقمي ..! ورمقته بطرف عيني وأستخصرته وقلت له يا أنك حقير يالكلب أنقلع ولا تجلس معي مرةً ثانيه يالخسيس ياللي فيك وفيك ......... وباقي الكلام مشفر وش السالفه رقم مين تعال أنت وياه ومن اللي منزل رقمه في المنتدى وليه طيب وين جالسين حنّا في منتدى بنت الحلال ابي افهم السالفه انا طيب وهذا اللي كان يكلمني صاحب القول السديد وهو الشيطان الرجيم زجرته وهجرته بعد هذا النكران منه بحيث انه نزل رقمه ولا قالي يعني هو اللي يستفيد وانا ما أستفيد وليه هو يحب نفسه وما يحب يعامل الناس كما يحب ان يعاملوه وليه وليه وتساؤلات ألين ما تشكل وجهي من كثر التسؤلات على شكل رابح صقر اللي كأنه كوع مغسله وبعد ما هديت شوي وقلت والله يا أخت فتاة العقيده أن كلامك صحيح لمن جلستي تنصحين فينا وفي بنو جنسك في المنتدى .. ومحتاجين لأحد ينصحنا لأننا نجي أحياناً على نكبات ما نتوقعها ومحتاجين لجرعه دينيه ثقافيه توعويه وتربويه لا احد يكابر ويقول انه متعلم ترى البعض والله محتاج اعادة تأهيل من جديد والبعض الاخر محتاج أنه ياخذ جلسات كهربائيه ليتخلص من أشياء كثيره ساكنه فيه محتاجين أن تمسكنا الأخت فتاة العقيده وتمسكنا كل واحد على أنفراد وتعطيه من النصايح اللي يغدي جديد ويلق لقان .. محتاجينك يا رحمالوف وهذا وقتك والله في الأشراف هذا وقتك و وقت التجديد في الافكار بحيث تتكون المواضيع المكتوبه تصاحبه ثلاث أشياء اساسيه بين أسطرها وهي فكره ومضمون وهدف من كتابة الموضوع ويا هيك تكون المواضيع ولا نروح نبيع جح لانه هذا موسمه اللحين وياكثره كثراه عندنا اللحين وسوقه في العلالي وصل لحد الألفين لـ صندوق الددسن أبو غماره وهالجح كأنه اسطوانات غاز من كبره ولا نقابل مواضيع تقول أكتب رقم جوالك بالله هذا الشيء يرضيك يا رحمالوف وبحكم أنك محترف أجنبي في صفوف المشرفين وش تسوي لمن تشوف هذه المواضيع وكيف تتعامل معاها ..؟وش الفايده من هذا الموضوع في قسم الترفيهي ووش المغزى من كتابته اعطوني اجوبه تقنعني وتردني للطريق الصحيح والسراط المستقيم أعطوني جواب يخليني أنام وانا مرتاح البال من دون ما أشغل المكيف أعطوني جواب بس تكفون لا تقولون لي بأن هذا القسم أصبح هو جزء من موقع بنت الحلال ولو صار كذلك بأتهور وأروح أنعم وأحلق دقني وروح لـ بيت العود اشتري هذاك دهن العود وما غير أتروش بالعطور ويمكن كمان أصير كريم وأروح أسدد الدين اللي علي في البقاله من يدري بعض ردود الافعال تكون غريبه ..تصدقون عاد أني مديت يدي لأبعد درجه من وجهي وصارت يدي مستقيمه 180 درجه وأفك قبضة يدي وأرجعها على وجهي بأقصى سرعه على خدي سببت لنفسي ألم فضيع أبي أفوق من الحاله اللي انا فيها ما قدرت .. وما كان مني الا أني أستسلم وأقبل بالواقعواللي نشوفه قدامنا وأجثو على ركبتي وأجلس جمب الحاسب وأبكي وابكي وأبكي الين أحمرّت وجنتاي ..يا أخون وش اللي يحدنا على هذه المواضيع ..؟ ووش اللي يخلينا نتجاوب معها ونكتب ارقام جوالات صدقيه ..! لا أحد يقول الارقام غلط او مهيب مستعمله وأتحدى اللي يثبت لي .. فتاة العقيده سامحيني اذ البارح ذميت تصرفك في نفسي وسامحيني اذ قريتي هاموضوع لاني قلت الحقيقه لك انتي مشاء الله قلبك سمح تبارك الرحمن بس لا تطيحين في الاعضاء على كل صغيره وكبيره ابيك تجين تنصحين هذولي اللي يحطون ارقام جوالات مثلاً وابيك تعطينهم نصايح وارشادات يصيرون بفضلك بعد الله مطاوعه وملتزمين مدى الحياه وانت يا رحمالوف ابيك تتصرف ابي شيء منك تخلي الداشر عاقل واللي قليل أدب يصير مؤدب بس ما نبي نشوف أرقام جوالات في المنتدى .. في الاخير سامحوني يا رحمالوف ويا اخت فتاة على وجود اساميكم في العنوان من دون ما أستأذنكم وأنت يا رحمالوف الرجل المناسب في المكان المناسب ولا يهونون البقيه إلا من أبى .. وانتي يا فتاة العقيده أسمك وردودك تدل أنك على العقيده السليمه ودورك الفعال في المنتدى والنصائح اللي نقراها كل يوم منك هي اللي خلتني أحط أسمك بالعنوان .. والعين ما تعلى على الحاجب ..
|
|
#2
25-01-09, 10:32 AM
|
||||
|
||||
جزاك الله خير يا ابوس راسك
ياخي مواضيعك كنك تحكي قصه تاريخيه هههههه طويييييله مرة ويبي لها برندا برتقال لا هو بارد ولا هو حار المهم كلامك سليم 100% الاخت فتاة العقيدة تريد الخير احسبها كذلك ولا ازكيها على الله وامس كلمت الاخوان بالديوانيه لا يتهكمون فيها ومقابلة نصائحها بأسلوب لين، وان شاء الله انهم ما رح يردون طلبي ولأختي فتاة العقيده، جزاك الله خير على اللي تسوينه، ولكن هذولا خواتك، ان انتي قسيتي عليهن من يكون عليهن مشفق؟؟انصحيهن ولكن ابتعدي عن الاسلوب الغليظ، وبإذن الله تجدين منهن آذانا صاغيه اما رحمالوف، ياخي بغيت اشق هدومي يو دريت انه بيصير مشرف، الرجل المناسب في المتسان المناسب والله والله يجعل الاشراف حجه له لا عليه ونبيه هو وغيره من المشرفين محاربة المواضيع المستهلكة >> حلوة محاربة لا من جد، نبي نشوف مواضيع سنعه، مواضيع تخلي الواحد يحس انه صدز في قسم سوالف>> ايكسامبل : ذيس سوبجيكت شكرا لك يا اللي تبوس راس الزمن
|
|
#3
25-01-09, 10:42 AM
|
||||
|
||||
|
الله يجزاك خير يا ابو راس
ويعطيك الله الف عافيه على كل كلمه كتبتها
|
|
#4
25-01-09, 11:26 AM
|
||||
|
||||
|
يؤ يؤ وش اللي صــآر  توي بعد ماقريت موضوعك شيّـكت عالمحذوفات اجل رقم جوالك ولاتحط رقمك !! يستهبل علينا ولا وش  لو كنت فيه كنت كسرت راسه  جزاك الله خير يابو راس ومانستغني عن مساعدنكم وتنبهكم لو لقيتوا شي من هالنوع برضوا حنا بشر وممكن يعدي علينا شي وفتاة العقيدة ماقصرت بالنصح بس احس فيه مبالغة بنصحها .. وشوي وتلقطنا من شوشنا وتشوتنا برا المنتدى  اقولها يااختي افترضي فينا حسن النية ولاتهوشينا عالطالعة والنازلة
|
|
#5
25-01-09, 11:26 AM
|
||||
|
||||
|
. . صح عليك .. يابو راس ..  ايش ذا الموضوع ..؟! اللي كل جمله احسن من جمله ماشاء الله .. والجمل مرتبه ترتيب كانها شعر .. عيني عليك بارده .. اما بخصوص الموضوع .. من جد .. فتاة نحتاج لها .. بس تخف علينا شوي .. وجزاها الله كـل خير رحمالوف .. بصراحه .. ما اعرفك .. .. بس من كلام الاخوان اشوف انك نشمي .. ومين ذا اللي رز رقمهـ .. هاااه .. ؟!  لا اله الا الله ..  استغفر الله .. من ذنباً يؤرقوني .. ويطرد النوم عن عيني ويحزنوني .
|
|
#6
25-01-09, 12:16 PM
|
||||
|
||||
|
يوووووووويل حآآآلي !!!
وش سآآآلة الي رآآزين ارقامهم ؟؟؟ <____________ حسافة مائخذت ارقامهم ولعبت فيهم هههههههههههههههههههه ويعطيك العافية يابو راس
|
|
#8
25-01-09, 01:09 PM
|
|||||||||||||||||||||||||||
|
|||||||||||||||||||||||||||
 ان طلعت مواهبي محد يتحداني 
|
|
#10
30-01-09, 11:50 PM
|
|||||||||||||||||||||||||||
|
|||||||||||||||||||||||||||
 
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
ـب واغليته؟!
....!! 
.،
ــــــق ][ في رمضآن .,!
.,! 
العرض المتطور
