العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
اني ارى رؤؤسا قد اينعت وحان قطاافها
تسيف حالكم يالترفيهين هاا نا جيتكم اركض والوح بموضوعي
وكلي امل انه يعجبكم >>>>بالله مبسوطه وانتي راجعه بمصالتس اليكم موضوعي سوف انطله عليكم عشان مااقرق عليكم>>> ايقونه ماسكه راسها بعد تخرجي من االكليه انا وبنت خالتي حصيصه قدمنا على الوظاايف وطلع اسمي انا و حصيصه بنت خالتي >>> يمديكم بس توظفنا طوالي واذا بنا نفرح كثيرا و نمنا من العصر عشان اول ايام دوامنا بكره وبهذا تبدا رحلتنا ........... في ليله من الليالي المقمره على وقت الفجريه كانت اصواااات صرصور الليل تتعالي >> سؤال ورى مسلسلات المصاريه دايمن يجيبون فيهاصوت صرصور الليل اذا كانوا يصورون في مزرعه >>>خذوا وخلوو ركبت انا وحصيصه في البااااص مع ابو شليوويح وبدخولنا لقينا بنتين لابسين كماماات والثالثه متلطمه وا نا وحصيصه ياربيه وش السالفه مع انا نشم ريحة صناااااان بس مطري من وين وبعد السؤال والتحررري وجدنا ابو شليوح هو المصدر الرئيسي وتزدااااد كل مارفع يده يسلمو بهذا جلسنا في جو مخملي يملاءة عبق رائحة الصنااان وقمنا نطامر في كل حي نلقط المطرسات وكل ماوقفنا جنب بيت وحده ابو شليويح طااااااااااااط البنت ت تجي وهي تنسبل همن وقفنا جنب بيت وحده طااااااااااط وماطلعت ابو شليوويح : طااااااااااااااااااااط البنت : ماطلعت ابو شليووووويح : طاااااااطاااااط ونفس الحاله وانا الي احمدز عليها واحمدز هم احمدز وافتح الدريشه وا خذ نعلتي واحلت بابهم الايوم رجعت من قوي الخبطه ودخلت علينا وصقعت خشت وحده من المطرساات وانا اللي اهجد همن قلت من قليلة الاطب اللي تحلت النعال علينا >>تبعد الشبهه عنها قسمن موووشكله انتم ؟؟ ماتخلون احد يخمد كل مانامت وحده والانعالكم تطاير في ذالموتر والتفت على ابو شليوويح واقوله امش وخلي اللي تاخرت تقعد <<< ايه يالقوويه ونمر علي الحااره اللي جنبهم وتركب المطرسه عبير ومعها سلتة القههوه وحنا نهلي بها وكل وحده تقوول تعااالي عندي وانا افحز لها جنبي وادز حصيصه الين تدربت >>> هذي اخرتها مالتس خاتمه والبنيه تجلس وتصبب لنا وحنا نشرب ونصفط الكرااسي ونحطها جلسه ارضيه ونتربع وهي تصب ونشرب ونفصم ونقط على النايمين وطبعن اللي تصوب خنافر جهير لها حلاوة>>حاقدين عليها وبينما نحن على هذه الحاااال من الشفط وااذ بي التفت على حصيصه ابي اسئلها والقى وجهها احمر ويدخن وعيونها طالعه وقعدت اسمي منها احسبها بسم الله قلت انتي من ؟ وين حصيصه؟؟ قالت لي:كولي تبن انا حصيصه بس ابي امام وانا : وش تبين انتي وجهتس قالت :الحمااام وانا : هانت كلها ساعتين والانا واصلين >>> ابوك يالتحطيم وهي : لاامااقدر عاااااااد انا خفت على عمارانا لانغرق وخاصتن ذالنايمين بيروحون فيها وانا دقيزه بس اكلم ابو شليووويح واويدز عليه ( فجعه اااااااءه) واقول ابو شليوويح وقف وقف وهو يوقف ويحلتني بعقااله ويقول يماال الجدري يالمهبووله ماتعرفين تكلمين بشويش قلت له الله يسامحك مااقدر المساله مسالة حيااة او موت وهو: وشلوون قلت حصيصه شاربه عشر ترامس قهووه ان ماوقفنا هالحين والاغرقنا وهو:طيب الله يقطع من يجي سوواق عندكم>>مااش الاخلاق قافله عند ابو شليويح و نزلهاوتقعد تدووج شوي و دخلت علينا وين الحمااام مالقيته ؟؟؟وانا اللي اتلها مع رقبتها ونرووح لمكاان استراتيجي محدن يشوفنا و اذري عليها بعبااتي وتفضي التانكي ونركب نكمل المشووواار يوم وصلنا ونلقى المطيره جااايه تستقبلنا وتاخذ ورد مجفف وتكبه علينا>>>طرانا مهمين وتغني اهلا اهلا بمن حضر وهمن دقتها سامريه وحصيصه تغني لها ياهيله ياعريدز البيدجاااانه ياهيله ياعريدز البيدجاانه والمطرساااات كلن تلفح بشعرها همن جابت المطيره دفتر الحضوور والغيااب وقالت وقعوووا اجل متاخرين ساعتين ايه هذاالي حنا خايفينن منه اجل كل ذالحفله عشانا متاخرين منااب موقعين الابحضور محامي تونا جدااد وهي الا بتوقعون وردعا للفتنه وقعنا >> طراهم ماخاافوا وانا اادخل على الطالباااااات راعين الابتدائي واخزهم ذيك الخزه قلت يالله خلني اسووي شديده عليهم لايقولون ذي كمخه ماعندها ماعند جدتي همن يدج الفصل كله وقولهم اسمعووا يابنااااااات اني ارى بانه هناك >>> استعدووا رؤ ؤؤؤؤس قداينعت و حان قطاافها واشر لهم بالمعلااااادز>>صارقته من موتر ابو شليويح من اللي ماحلت الوااااااااجب توقف ؟؟؟ من يالله؟؟ ماامداني الوح بالمعلااادز الا كل الفصل يبستون والخشوم تسوورب ومااسمع منهم الا منااشق وارقى فوق الطاااوله بس انتي وياه وتجي المطيره لمنا وترفع تنورتها عن الرطاريط وتقوول وش بلاااهم تو وش حليلهم وانا : مطري بس هددت اللي ماحلوا الواجب بالمعلا دز قالت أي واجب ياكمخه تونا باادين السنه ؟؟ وانا اللي تحز في نفسي واطب واقعد اسبح واسبح الين وصلت السيب واروح اجيب لهم علبة حلاووووو ثمن ربطتها في بااغه وحزمتها في رقبتي وكملت سبااحه الين وصلت الطااوله وانا اتعلدز بها وارقى واقسم عليهم منه ودلواااا يتبوسموون وانا انبسط واقوولهم بكره لاتجون اجاااازه >>امش ياوزيرة التعليم ونحن نفس المشهد ينعاد كل ابو يووم وفي مره من المرارير تهاوشنا مع ابو شليووح انا وحصيصه وقلنا مناب راكبين معك بندور واحد ازين منك انت وصنانك الاتسنه صنان افغاني مقابل محل تميس وهو : هذا مهوب صنااني من الموتر هو ميتين واربعين حصان شكل واحدن من ذالاحصنه فاطس والساعه البرتسه اللي ماترحون معنا وننزل انا وحصيصه زعلين ونصفق بااااااب موتره من الزعله ونرووح نكلم لنا نقل ثاااني ونلقى ابو مشعااب وندلي نرووح معه اول يوم همن ثاني يوم قامت حصيصه تمسك رااسها و تمسح خشمها همن ثالث يوم صاارت عيونها حمر وتمسح خشمها بطرف تسمها وانا اطالعها منهبله وا فاااا يالحصي هذي تاليتها تطلعين مدمنة مخدراااااااااات وتشمشمين ريحةالدزت قالت وش اسوي ادمنت الريحه ؟؟ وانا افاا هذا وانا صديقتس ورى ماعطيتيني اشم قالت وش تشمين انتي وجهتس قلت من ذاللي تشمينهن قالت لايروح بالتس لبعيد انا ادمنت صنااااان ابو شليوويح خلنا نرجع لنقله وانا اقوول لها لا ابتن ابتن طاردنا مانبااااااااااه وحصيصه اسمعي عاااااد ترى بكف راجعين راجعين وانا اللي خفت منها >>مهووب من شي بس تخبرون مدمنه وقلت ابشري طالع عمرتس ونكلمه يمرنا وناخذ له هديه حزمة نعناااع وما صدقنا انه تخلص السنه عشان نوودي حصيصه تعالج من ادماااااااااان صنااااان ابو شلييوح وحطينااااااااااها في مركز الامل قسم مكافحة ادماااان صناااااان ابو شليويح وبعدها اتضح لنا انها اووو ب اول وحده كل المطرساااات يتعالجون منها حتى ان المستشفى محطوط عليه لوحه للعلاج من صنان ابو شلييويح لفوا يمين انتهى
|
#2
|
||||
|
||||
واحد طش هع
|
#3
|
||||
|
||||
خخخخخخخخخخخخخخخخخ يامهبولة
وربي انك منتهية على هالموضوع قاعدة اقراه بالجامعة وصاحبتي معاي فشلتينا قدامها موضوع جونااااااااااان بس فيه شطحات مو صاحية يعطيك العافية البي
|
#4
|
||||
|
||||
8
8 8يؤيؤ وانا وش يطيرني انها تقرى معتس
|
#5
|
||||
|
||||
أنا شدني عنوان الموضوع وقلت أدخل يمكن رومانيا تبي فزعة
وأثاري الموضوع طلع منتهي مع أبو شلييويح بس طلعت عيوني وأنا أقرأ من الخط الصغير يا رومانيا
|
#6
|
||||
|
||||
ياطوله طولها
لي باك
|
#7
|
||||
|
||||
ياطول مواضيعس >> بس الصراحه دايم حلوه
لي عودهــ
|
#8
|
||||
|
||||
تعليقك هو اللي جناااااان بنوته والله يعافيك
|
#9
|
|||||||||||||||||||||||||
|
|||||||||||||||||||||||||
هاه كبرنااااااااااااااااه عشااااانك والف شكر يااستاذ حسن خليل على مرورك وتعليقك الجميل منووووووووور وتعااااال دايمن
|
#10
|
||||
|
||||
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |