18-02-20, 05:14 PM
|
|
غيمة بيضاء عابرة تسير وينهمر منها قطرات المطر
|
|
|
|
رد: سلسلة أحضني الحلقة ١
*الحلقة ٢
خلي ابنك موده حلو*
مود العيال المقلوب ومودنا احنا الوحش من اكتر الحاجات اللى بتخلى البيت مولع
والعيال رخمة ....وانا مش مستحمله
وكتير جدا كنت بحس انى عاوزة اجيب مهدئ بخاخ 😅 زى المعطر كدة ارشه فى الجو
والعيال بجد مابيسمعوش الكلام وحاجة زفت
لحد ما فى مرة كنت قاعدة مع جماعة من السويد وبيتكلموا ازاى الام عالجت مشكلة بنتها العنيدة بالاحضان
وبيحكوا عن اواى لما ودوها لمتخصص تعديل سلوك قالهم وقفوا الجلسات معايا واحضنوا البنت
طبعا انا كنت راسمة ضحكة بلهاء على وشى وبقول فى نفسي العالم الساذجة دول بجد بيجيبوا احباط للواحد ...حضن ايه وهباب ايه واللى عندى عاوزالها عودين كبريت واخلص
الراجل بدا يتكلم والصراحة كلامه كان علميا مقنع جدا
قال ان السبب الاساسي فى المود الوحش هو مستوى الادرينالين فى الدم لما بيعلى
وعشان ننزله ......مابينفعش
لكن فيه السيراتونين ده بيعاكس الاكشن بتاعه والمود بيتعدل والمزاج بيتظبط
نفس اللى بيحصل بعد شرب القهوة واكل الشوكلاته واشباهم
قالى ان الحضن (الحقيقي) اللى بيطلع مشاعر تدخل فى قلب الاخر ....وقالى حضن (مشع💥)مش حضن تشريحى 😄
عجبنى اللفظ
الحضن ده بيفرز السيراتونين
اللى بيهدى ويعمل استرخاااااء فى الجسم كله وبيعدل المزاج العام
الحضن بيزيل التوتر والظغط وبيحسن المزاج لو ابنك اوبنتك بيحبطوا كتير ومودهم وحش بيغضبو بسرعه يبقى محتاجين حضنك جربي اديهم كل يوم ٤ أحضان كل حضن دقتين يعني ٨ دقايق من وقتك وهاتشوفي الفرق
كل حضن دقيقتين .....وخلى بالك انتى اللى هترتاحى قبلهم وهتهدى قبلهم
وفعلا جربت تانى يوم رزعت البنت حضن والله كان دقيقة واحدة
وفوجئت بواحدة تانية ...البنت اخوها ضربها 😃راحت قالتله هقول لماما ......بس كدة ؟؟؟ ده كانت زمانها عجنته
ومن ساعتها وانا دايره اوزع فى العيال سيراتونين ببلاش
وفعلا مودنا كلنا بقة زى اللى راشة مخدرات فى الجو بدل المعطر
جربوها يوم مش هتخسروا حاجة ....وادعولى
التوقيع
|
خُـلِقَـتْ أكتافُ الرّجالِ لحملِ البنادقِ ،،
فإمّا عظماءُ فوقَ الأرضِ أو عظاماً في جوفِها..
،،،
أُعلّلُ النّفسَ بالآمالِ أرقبها مآآأضيقَ العيشُ لولآ فسحةَ الأملِ
،،،
لا تخبروني عمن يكرهني أو يتكلّمُ عنّي،،
أتركوني أحب الجميع ،،
وأظنّ أنّ الجميع يحبني..
|
|