اهم شي يكون عطر نسائي
حتي الرجال الي حولى ماحبهم يستخدمون عطورات رجاليه
لان الرجالي يجي قوي يتعب وينرفز
انا رجلى كل عطوراته نسائيه
مره اشتري عطر رجالي وغثني فيه كنت وقتها حامل
اخذته ووزيته قلت لاولدت على خير طلعته <<< توقعت انها نساه
ويسال عنه واقول مادري
بعدين ولدت وطلعت ولا زالت ريحته تغث
قلت ماعاد فيه حل متي بيخلص هالعطر ولا اقدر اتحمل ريحته
اخذته ونطلته هههههههههه
وسال عنه قال والله انتي ماخذته قلت لا والله مادري وينه 😜
ولو طلع يشتري عطورات يحرم عليه الرجالي
وغالبا انا اشتري له عطورات على ذوقي
او يستعمل عطوراتي
<< انا احب العطورات للمناسبات الي علي عود ❤<<<<. فخامه بمعني الكلمه
اما للاستعمال اليومي عطورات هاديه ولا يمنع العود يوميا يبقي السيد 👍
اكثر عطوراتي من الماجد للجسم والشعر
ماستغني عن الماجد وقت التخفيضات اشتري بخمس الاف <<< يوصل لثلاثين نوع
استعمل منهم واهدى منهم تستمر عندي سنه الين التخفيضات الجايه
اغلبها تكون هدايا لحبايب قلبي بين فتره وفتره ❤
مرات يدخل بيتك شخص عزيز او كبير بالسن
ماتكون مجهز له هديه تلاقي عندك شي جاهز
ونفس الشي تكون طالع زياره مفاجئه تلاقي عندك شي جاهز تهديه
<<< ولا عندي وقت اشمشم العطورات
ادخل اقول له عطني افضل العطورات وينزل لي العطورات الحلوه
طبعا علي ذوقه يمكن جربت كل انواع عطورات الماجد
والي مايعجبني اخليه للبيت والكنبات والستاير وللمغاسل ودورات المياه تكرمون
<<< ونادر اجد عطورات ماتعجبني
الحين خلاص اعرف العطورات الزينه صرت اروح وانقيها
ولازال عندي عطورات للان ماشميت ريحتها