السلام عليكم ورحمة الله وبركاته
أسعد الله جميع أوقاتكم
تراي مااعرف للمقدامات يعني بدخل بالموضوع دووووغري
امممممممم
الله يسلمكم اجتمعنا نحن شلة الدشرة انا ومحمد وعبدالرحيم يوم السبت وقلنا وش نسوي اليوم اجازة عندنا ولازم نفلها
قال عبدالرحيم وش رايكم ناخذ سياكل وندور نشوف ستانلي بارك
قلت من جدك انت وخشتك
قال ايه من جدي وعمي وخالي وولد جيراننا بعد
قلت يابن الحلال تراي دووووووووب ماينفع سياكل
قال والله انا نفسي فيها ودي اركب سيكل ودي اتذكر ايام الطفولة
قلت طيب توكلنا على الله
ورحنا لمحل السياكل
اخذ كل واحد منا سيكل وركبنا
تراي مابغيت اطيح ابدا <<<< ترا هذا سيكل مو خيل
المهم
المحل بزاوية الشارع ونبغى نقطع الشارع عشان ندخل بمواقف الحديقة وبعدين ندخل بالحديقة
قطعنا الشارع ولله الحمد والمنه
طبعاً اللي كان قدام عبدالرحيم
وبعده محمد
وبعدين الاجسام الثقيلة
طبعا أنا وهـ بس فديتني
وبعد مارحنا المواقف شفت خوينا عبدالرحيم قدامي يتقلب بالسيكل ماادري وش سالفته
رحت لمه واشوف الا الرجال رايح فيها شوفوا الصور
بعدها قال برجع خلاص قلت يابن الحلال تراك انت اللي محمسنا للروحه اركد بس وتعال معنا
قال طيب
لعبنا براسه خخخخخ
مشيــــنا
وحصلنا وحده تعطل سيكلها
وجينا طايرين نفزع تعرفون بنت ومحتاجه اكيد نبي نفزعلها هع هع
طبعا مافيه امل يصلح سيكلها لان الدراجه منكسره
المهم تعذرنا لها وقلنا للأسف مانقدر نصلحه لانه منكسر
طبعا خوينا عبدالرحيم ماقدر يكمل معنا ورجع للبيت
وقلت يلاه نكمل
هذي المجسمات حقات الهنود الحمر
تشوفون البنت اللي جالسه على الحصاة على يمين الصورة
هذي صورتها بعد ما طقيت لها زووووووووووم
حسبتها انسانه مثلنا تاكل وتشرب وتنام << لايكثر بس
تشوفون الجزيرة الصعنوووووونه يلاه نبي نروح لها
طبعا الطريق مررره ضيق يعني اما تصقع الجدار والا تطيح بالبحر
الشجر مررررررررررررررررررررررره طويل وجذورة كبيررررررره مره
واخيرا وصلنا
شكل الحصى مصمغينه بباتكس والا الصمغ ابو نص ذاك اللي يجي طباقته زرقاء ياقدمي صح
وبعدها قلنا نبي ندخل داخل الحديقه نشوف وش فيها
دخلنا فيها وشفنا مناظر روووووووعه بس للاسف ماقدرت اني اصورها لاني لو انزل الصور هنا تبون تطيروني كله حريم متجمعات
هذي صورة لبحيرة بمنتصف الحديقه خققاااااااااااااااااااااااااااااان
اللي يبغى بط ترا مليااااااااااان ومجدع بالشوارع
هذا حيوان الراكوون
واللي يحب السنجاب تراه مثل البسس عندنا بكل شارع تحصله
هذي النافورة بوسط البحيرة روووووعه
وهـ يامخققتني انتي
وهذا وحنا طالعين من الحديقة رايحين نرجع السياكل
وسلامتكم
الله يسلمك
العذر والسموحة فيه صور كثيره عندي بس مااقدر انزلها لانها شاطحات فيها بنات موش ولابد
مراسلكم من كندا الفارس المغوار عسول السعودية