يالله ما أجمل رمضان والعيد السنة هذي
الطقس كان رائع جداً جداً ..
العيد حلاته بالزيارات والفرفره على بيوت الاقرباء
والفرحة والتباهي بملابس العيد
والي جسمه حلو يفرح كثير بملابس العيد
اما الي اخذ راحته بالاكل يلاحظ الشيء ذا بلبس العيد
اشتريت سروال الاصيل مقاس 22
وفنيلة مقاس L
انا نقصت 2 كيلو برمضان الحمدلله
ويا زين الاطفال وفرحتهم بملابسهم
فرحتهم تعطيك شعور واحد دخل الجنة
والزيارات يادوب تلحق على الاقرباء من الدرجة الاولى
الجدان والخالات والعمات
انا الحمدلله جدي وجدتي الي من جهة ابوي كلهم ميتين
وكل واحد يحرص يجلسك للغداء
ويعزمك بدون اصرار ، لان ولائم العيد مافيها اصرار
لدرجة بعضهم صار يخلي ذبيحته الساعه 10 الصباح
وفي قرية مجاورة لنا فيها بعض الاقرباء
الذييحة عند واحد من الجماعة الساعه 8 الصباح
انا لاحظت شيء مهم جداً جداً يساهم في نجاح العيد
التنظيم وتوزيع الاوقات
بمعنى تمهد لمرحلة العيد من بداية رمضان
منها تتفرغ للعبادة .. ومنها يقرب العيد ومافيه شيء ناقص
حنا خلصنا ملابس العيد من اول يومين برمضان
والحلاقة وغسيل السيارة قبل العيد بثلاث ايام
والخروج من البيت بعد صلاة الفجر مباشرة
بحيث اصلي العيد عند جدي الي يسكن في ابعد نقطة عني
وبدأت من عنده ولفيت على 10 بيوت
وبدأت القسم الثاني من جماعتنا وانتقلت للقرية الي تبعد عنا 50 كيلو
وسلمت عليهم وتغديت ورجعت بيتنا الساعه 2 الظهر
من جد من جد انجاز رائع
التنظيم وراء كل هذا الانجاز الرائع .
اما الي ابوه او امه من كبار العائلة والكل يجيهم
هذا الله يعينه ( نظام ودع واستقبل ) ولا يطلع
والتنظيم لايتوقف على يوم العيد فقط
حتى ثلاث ايام العيد نسقنا لها انا واخوي
بحيث تكون فيها ثاني يوم كشته في الليل
واليوم الثالث عشاء فاخر في قرية تراثية فيها جلسات للعوائل ومدينة العاب
واليوم الرابع سفرة للبحر سهرة ونرجع بنفس اليوم
اليوم خلصنا اول يوم من البرنامج
باقي بكره وبعده
مين الرجل ولد الرجل الي بيعلمنا كم مقاس فنيلته
