من العايدين بعد الزحمه......
اهل الجيوب والعقول في راحه
الي عنده جيب مصفطه عند البيت وكل مشوايره لابس رياضه يقاله رياضي عشان الي يشوفه يمشي يقول هاذا مكمل رياضه مايدري بلا عويس هو البنزين...
الحين الواحد اذا وقف يعبي بنزين يناظر العداد وهو مضطرب
وعيونه محوله ويسمع صوت الليترات وهي تدوور وقلبه يخفق مع كل لتر بنزين ....
( خفقان قلبي واضطراب جوانحي ونحول جسمي وانعقاد لساني )
في احدي رحلاتنا السابقه ايام العز والرخص ركبت ولد واخته وأمه من حي العماره بالدمام ومتجهين لاقصي العزيزيزيه مشوار 40 دقيقه..
وحنا ماشين قال الولد شغل الواي فاي سكت انا قلت يمكن يكلم امه .. وبعدها قال ويش الخدمات الي عندك قلت انا ماني ساسكو ولاالقطار عشان يوفرون لك واي فاي قال عندي حصه مهمه وبدخل علي المنصه ...يادي المنصه اشغلتونا فيها البيت منصه والسياره منصه
قلت اوكيه
بعطيك نقطه اتصال عشان تشبك بس هاذي من عندي المهم وقفت وسويته لهم قلت هاه شبكت...... النفيخه يده ماشاء الله سريعه قال وهو يهز راسه ويطالع الاب توب يعني انو قاعد يتصفح
المهم عقب ماقربنا من بنده قالت امهم وقف وبنجيب اغراض كثيره وناخذ بعد اكل من المطعم الي بجنبه ويوم سمع النفيخه فيها مطعم واكل قال بجي يامي معك قالت ترا المدرس معطيك
اخر انذار ومعاد يقبل اي عذر قال بستاذن قالت منهو الي بياذن لك سكت شوي وقال لي عادي تستاذن لي كانك ابووي وسكت انا مارديت عليه وكلهم ينتظروون
قالت امهم هاااه ويش قلت..... وانا اقول أمري لله بستاذن له وبصبر علي كل شي... كفو ياسكري مالها الا انت هاذي الخدمات ولابلاش خدمه في اي بي خمس نجووووم
وين تحصلوونها.....
حيااتي كلها صبر وجلاده وغيري عايش عيشه سعاده