[خازباز]

http://www.freewebtown.com/khazbaz/k...17-1-1428-4.ra

	بسم الله الرحمن الرحيم لاحظت ان اسعار الرز قد ارتفعت هذه الايام فبحثت عن السبب وبعد جهد جهيد عثرت عليه انه صاحبنا ابالقوايل واليكم الدليل

	ابالقوايل والرز /القصيدة السابعة

يابطني اللي كل ماشفت ضايل= على الصحن كنه إيقلب ابملاس
يشوقني رزِّن سوات النثايل= على الصياني والمعازيم جلاس
وإيلا اعترض فوقه من الضان حايل= إمقمَّّرن يعطي كما لمعة إنحاس
والجنب والمعلوق حِطَّن كمايل= ومن الخَضَر حطوا به اشكال واجناس
حتى شواها جادلينه جدايل= ومدّوا ظهرها وادخلوا تحته الراس
تلقى الدهن ينضح سواة الثمايل= والرز نثري حايفه ولد مدراس
سلهوبها يشدا سراب القوايل= لاعمّدت شمسه ولا فيه نسناس
ادوخ لاشفته تضيع الدلايل= واضرب على النثري من الكف باخماس
وابدا اتخمص وانتهض واتمايل= واملا محل الزاد والما والانفاس
قصة غرامي فيه ماله مثايل= بديت اجيبه من وكيله بالاكياس
وقدري ابيتي يكفي اربع حمايل= اضبط به الكبسه موازين واقياس
ماتختلف لو يخلفن الوسايل= بشاوري بالليل والظهر ابو كاس
ولانيب احب اشرب عليه السوايل= غير اللبن الحق عليه اربع اطياس
وما همني من قولهم قول قايل= واللي هرج في كُبر بطني من الناس
من كبرها ضاقن علي الفنايل= حتى ثيابي كل يومن لي الباس
والطبخ واجد والحكي بالصمايل= كبسه ولا جاك الولد سم كبّاس

[size=7]صدقتوني والا لا؟؟

مع تحية من ابالقوايل و/خازباز[/size]

مشاركة هذا الرد في Google Facebook Twitter Digg

أنت معجب بهذا.