06-08-06, 08:43 PM
|
|
|
8
8
اقول امتلا الجدار  هههههههههههههههههههه
أوّاه من همٍ ضلوعي محلّه
لاقادر أجهربه .. ولاقادر أخفيه!
إن جيت أبجهر به .. خشيت المذلّه
وإن جيت أبسكت عنه .. زادت بلاويه!
والصاحب اللي شدّ قلبي وتلّه
ليته على كثر المضرّه .. يواسيه!
ماهوب يسرف في عذابه وغلّه
ثم يتركه بين العتب والمشاريه!
وأنا أتحمّل مايجي فدوةٍ له
لاصرت أحبّه واجب إنّي أداريه..
عن الخطا وأظل جنبه وأدلّه..
للسكه اللي ماتغيّر مباديه
وإن كان عيّا .. وأسرف بجرح خلّه
مانيب قايل جعل ربي يجازيه!
ألا بقول اللي حصل منه زلّه
مسموح والله يهنيه .. ويرضيه!
وليا بغى وصلي .. وهو راحةٍ له
بطلبه شي .. ولازم إنه يسوّيه
أما يجي كلّه .. أو يروح كلّه
حبٍ ماهوب يدوم .. وش حاجتي فيه؟!!
|