بقولكم موقف يبين فضل علماءنا في باب العقيدة
في العمل عندي اثنين يسافرون مع بعض ويجون مع بعص للدوام
وجو مره يطلبون مني اجازة غير رسمية
ولدي صلاحية طبعاً ..
وقلت بشرط تقعدون تسولفون مع بعض 5 دقائق
وانا بستمع لكم … وبعدين ترجمون لي وش قلتم
الاثنين هذول من الجنوب من فيفا
واخذنا نتكلم عن فيفا .. وثقافة فيفا
وقالي واحد منهم حنا اصلا عقيدتنا زيديه !!
بس بعد الملك عبدالعزير تدرجنا شويه شويه حتى تركناها
ويقول فيه بس كم شايب باقي على الزيديه
ومتعاطفين مع الحوثيين روحياً وليس عملياً
ويقول اي واحد بديرتنا ما دخل المدرسة تلقاه باقي على الزيديه
لاحظتوا كلامه ؟؟!!
يقول اي واحد ما دخل المدرسة !!!
يعني تأثير الدراسه كان اساسي في تغير المنطقة كلها
وطبعا الدراسة يعني كتاب التوحيد والفقة والتفسير
ويقول فيه كم مسجد لجماعتنا الزيود
بس قليل مره مره .. على حد قوله
ويقول يسبلون وهم يصلون
عرفتوا الان كيف فضل الملك عبدالعزير وعلماء نجد في العقيدة ؟!
وحتى اذا ذكر الي باقين على الزيديه
يقول هذول باقين على الجهل
وصارت الزيدية بعقل الشباب قرينه على التخلف والرجعية
ولولا الله ثم الملك عبدالعزيز وعلماء نجد تلقى قبورنا اضرحه
واعتقادات باطله …
وجزاهم الله عنا خير الجزاء