16-04-08, 01:08 AM
|
|
^_^الـزين ع ـندنا والشين ح ــوالينا^_^
|
|
|
|
الحب ماهو بستطاعة هـل الحـب
الحب شـيٍ يبعثـه رب الاربـاب
في قلب منهو في دروب الهوى شب
وعلى دروب الغي ومطارده شاب
وإلى سطى في قلب رجـلٍ تعـذب
ورجله يعّيها علـى كـل مرقـاب
واللي مشى بالحـب لابـد يتعـب
ولابد من بيض الغناديـر ينصـاب
وقلبه كما غصنٍ عليه الهوى هـب
يميل لاذعذع نسيم الهـوى الهـاب
وعينيه منها صافي الدمـع ينصـب
لاصار من يهواه عن ناظره غـاب
وترى المودة ياعرب مالهـا طـب
خطرة ولا ينفع بها طب الاطبـاب
والشوق يذبح لاتمكن مـن الصـب
اللي شكى فرقا الولايف والاحباب
يقولـه اللـي بالمحبـة مـجـرب جرب
ولكن مـــالقى غيــــــــر الاتــــعـاب
ولاصفى له من هوى البيض مشرب
واليوم عن طرد الهوى قفّل البـاب
وهــــج
|