قصائد واشعار الشاعر مسلم البحيري - قصائد شعريه صوتيه mp3
من هو الشاعر مسلم البحيري ؟ :
هو مسلم حميد محمد البحيري العازمي من فخذ المساعده شاعر كويتي ولد بمنطقة السالميه في 1 - 1 - 1953 م
شغل عدة مناصب اعلاميه منها :
- محرر بمجلة النهضه
- عضو بجمعية الصحفيين الكويتيه
- عضو اللجنه العليا بديوانية شعراء النبط
- مشرف على ماتقدمه الديوانيه من برامج إعلاميه
- معد ومقدم برنامج ديوانية شعراء النبط
من اشهر قصائده
((الألفيه))
غاب القمـر والصبـح بانـت شروقـه
والعيـن حلـو النـوم عيـت تـذوقـه
وبديـت قــافٍ وافـيـاتٍ طـروقـه
ألفيـةٍ والمبـتـدى عـالـي الـشـان
(( الالـف )) ألفـت المثايـل وبـديـت
ذكر الله اللي محصـي الحـي والميـت
المعتـلـي عــلام مـاكـان كنـيـت
في ضامري وادعانـي اليـوم عمسـان
(( البـا )) بثنـي للنبـي والصحـابـه
حــقٍ عليـنـا ذكـرهـم ينثـنـابـه
ولامقصـدي مـن مابدعتـه طـرابـه
يعلـم بـي اللـي عالـمٍ كـل ماكـان
(( التا )) ترى مايبـدع القـاف مرتـاح
ولايضحـك المفجـوع حلـو التمـزاح
ولو يبدعـه كنـه طعـامٍ بـلا امـلاح
ماله طعم يثـر علـى الحـال نقصـان
(( الثا )) ثمان اسنين والقلـب مفجـوع
لاطايـعٍ غيـري ولانـيـب مطـيـوع
اسهـر الا ان الفجـر بــان بطـلـوع
متكـدر جفنـي عـن النـوم سهـران
(( الجيم )) جار الوقت والوقت مذمـوم
ولاصفالـي بالهنـا مـن لــو يــوم
جار الزمـان وبـدل القـوم فـي قـوم
ولايذكـر إلا اللـي مـن المـال مليـان
(( الحا )) حرار القوم ضاعت مع الناس
الوقـت عـاداهـم وداس الــذي داس
وطاوع كثير المال لو هو من الانجـاس
وعصا بعض يانـاس ذربيـن الايمـان
(( الخا )) خوي الطيـب ماظـن تلقـاه
اللي ليـا حـدك عنـا الوقـت تنصـاه
اقفا زمـان الطيـب ويـن انـت ويـاه
فقيـر ماعـنـدك رصـيـدٍ وعـمـران
(( الدا )) دوابي من عنا الوقت دالـوب
كن الغضا في ماسـط القلـب مشبـوب
عفت الطعام وعفت انـا كـل مشـروب
من ذا الزمـان اللـي جزانـي بنكـران
(( الذا )) ذهب هالوقت ماهوب صافـي
نـاسٍ يغـرونـك بـزيـن اللصـافـي
وإليـا بحثتـه بـان ماكـان خـافـي
حديد مالـه مـع هـل الجـود ميـزان
(( الرا )) رفيع النفس بالديـن محمـود
لو هـو فقيـر يـدرك الجـود ويجـود
ولو تطلبـه شـي ولا هـوب موجـود
فـي منزلـه يوقـف مواقيـف ديقـان
(( الزا )) زرعـت الطيـب والله شاهـد
وبالعـون ماقصـرت فـي حـق واحـد
انـا احسـب الـزرع يثمـر لحـاصـد
واثريه صبخا مـن زرع فيـه خسـران
(( السين )) سل عن صاحبك قبل الاسفار
قبـل تغـرب مـن مرابـعـك لـديـار
كانـه عنيـد ودايـم الـدوم عـسـار
خلـه تـرى مايبصـر النـور عميـان
(( الشين )) شاب الراس والسـن تـوه
مـن ذا الزمـان اللـي فلابـه مــروه
يــاالله راع الطـيـب يــاالله قــوه
علـى زمـانٍ شيـب الـيـوم شـبـان
(( الصاد )) صابر والصبر درب الافراج
وارجي الـذي منـه المخاليـق ترتـاج
انـه يفرجلـي مـع الضيـق مخـراج
واجازي الطيب علـى الطيـب بإحسـان
(( الضاد )) ضحك الوقت لا تنخدع بـه
لـو هـو حـلا نومـك وزادك وشربـه
الله مـن تاجـر زمانـك غــدر بــه
خـلاه عقـب المـال مايملـك غــران
(( الطا )) طبيب النفـس غايـة مناهـا
ولا تسمع اللـي عـن طريقـه نهاهـا
كـم نفـس ماتـت ماوصلـت مبتغاهـا
انشـد وتلقـا اللـي نظمنـاه وكــدان
(( الظا )) ظهر خافي ضميري وسجلـت
قافي وانا مبطـي عـن القـاف ماقلـت
ولانيـب خايـف بالتماثيـل مـا علـت
والحـق يظهرلـه شـهـود وبـرهـان
(( العين )) عن هرج القفا دوم حـذراك
تـراك ماتكسـب ورى شيلـه امــلاك
كم من هـروجٍ قطـه الهـرج بشـراك
واسبابهـا مـن قولـة فـلان وفــلان
(( الغا )) غني النفـس ياطيـب فالـه
يقـالِ لٍـه نعمـيـن يـاجـا مجـالـه
وإلا ردي النـفـس راعــي نـذالــه
لانافـع نفسـه ولا هــوب ربـحـان
(( الفا )) فعول الطيـب ترفـع جلالـك
ياصـرت طيـب كـل شخـص يعنالـك
ولو مت في وسـط المجالـس عيالـك
لوهـم صغـارٍ مايشـوفـون حـقـران
(( القاف )) قلّـت حيلتـي واجتهـادي
في ذا الزمان اللي بـه الطيـب غـادي
عنـدك خبـر ماكـل عـلـمٍ وكــادي
بالنـاس صدقـانٍ وبالنـاس كـذبـان
(( الكاف )) كم من طاح بالحبس مظلوم
وهـو سليـم الجـوف لاشـك متهـوم
ماقدر المولـى علـى النفـس مقسـوم
ولا لـك علـى مـاقـدر الله عصـيـان
(( اللام )) لاتبدي على النـاس خافيـك
ماكـل مـن يضحـك بوجهـك يدانيـك
كم من صديـقٍ تحسـب انـه مصافيـك
وهـو خسيـسٍ بالمواجيـب خــوان
(( الميم )) مالـك عـن نصيبـك مفـرّا
ان كنـت فـي جـوِّ وبـحـرٍ وبــرّا
مـاقـدر المـولـى علـيـك استـقـرّا
اللي خلـق مـن طينـة القـاع انسـان
(( النون )) نوح الطيـر لاتحسـب انـه
غنا طـرب يـا القـرم مـن زود فنـه
يمكـن معاسـيـر الليـالـي وطـنـه
ماكـل طيـرٍ يزعـج الصـوت طربـان
(( الها )) هنـي اللـي تمسـك بدينـه
قبـل العمـر بالغـي تقضـي سنيـنـه
نفسـه لصومـه ولصـلاتـه فطيـنـه
هـذاك لـه فـي جنـة الخلـد مسكـان
(( الـواو )) ودي ميـر ماهـو بكيفـي
ان العـرب تمشـي بقـلـبٍ نظيـفـي
غنيهـم يلـطـف بـحـال الضعيـفـي
حتى اتساوى الناس فـي كـل الاوطـان
(( اليـا )) ياعـل الله يقبـل دعـاتـي
حيثـه علـيـم بسيـتـي وحسنـاتـي
والخاتمـه صلـوا كثـيـر الصـلاتـي
علـى نبـيٍ خـاتـمٍ كــل الاديــان
وايضا هذه القصيده
حل الفراق وفتـق الجـرح بجـروح
راع الهوى يامـن يـداوي جروحـه
عقب الطرب صرت أقضي الليل بالنوح
والدمع حرق محجـر العيـن فوحـه
بأمر الوحيد المعتلي منشـي الـروح
كلٍ يجيه الـي انكتـب لـه أبلوحـه
أثر النصيب وما كتـب لـي باللـوح
فرقى الذي روحه لروحـي نصوحـه
الجـادل الـي بالتواصيـف مملـوح
قبل أمس جاني نور عينـي أبروحـه
يقـول دربـك مالنـا فيـه مصلـوح
عطنـي مكاتيبـي بنفـسٍ سموحـه
صح الخبر ماهـو هرابيـد ومـزوح
أثرك على غيري تسـوق الصبوحـه
ولا تحسب أنك ياهوى البال مسمـوح
خليـت قلبـي كـل طـارٍ يشـوحـه
ودنق وحلفنـي عـن السـد لابـوح
وأقفا كما تقفي عـن الحـي روحـه
استماع وتحميل قصائد الشاعر مسلم حميد محمد البحيري العازمي mp3
قصيدة الالفية - غاب القمر والصبح بانت شروقه بصوت مسلم البحيري mp3
قصيدة ياعين كفي عبرتك لاتهلين بصوت محمد المطيري mp3
قصيدة هذا كتابي ياهل العرف بالله بصوت محمد المطيري mp3
قصيدة بالله يا نور الدجى صارحيني بصوت محمد المطيري mp3
قصيدة راجعت دستور الليالي والايام بصوت محمد المطيري mp3
قصيدة حل الفراق وفتق الجرح لجروح بصوت محمد المطيري mp3
قصيدة الحمد للي بدل العسر بالهون بصوت مسلم البحيري mp3
قصيدة البارحه جتني عنود المزايين بصوت مسلم البحيري mp3
قصيدة الشيك بصوت مسلم البحيري mp3
سيتم اضافة مزيدا من القصائد مستقبلا هنا
قصائد الشاعر مسلم البحيري mp3