09-09-11, 01:59 AM
|
|
هذي قصيده مني ..وعنوانها النكران
[النـــكران]
بنيت من الوفاء بيت ومن دمي لونه
حطيت ضلوع صدري لسقفه العمدان
وزينته بالزعفران صبغه لجدرانه ،
اجود زعفران انتاج اسبانيا وايران
وحطيت الثريا والشموع في كل غرفه
يمشي بنورها مكفوف النظر عميان
وزرعت داخل البيت وحوله حديقه ،
فيها اثمار خوخ وتين شامي ورمان
وجتني طيور السماء فرحانه بمنظره
تغـرد فـرح وتشكـر الخالـق الرحمٰن،،
وحطيت بقفص كل طير مني محبه وورده
فرشت اقفاصها ورق مشموم وريحان
عامين عشتها مع عصافيري حيل فرحانه
استمتع معها واسمع منها احلى الالحان
وعصفت بنا عواذل وشين الوقت عاصفه
وطارت عصافيري وانهدم ماكان والبنيان
مادريت أن سبب خراب البيت هو من القرابه
هذا ياحسبت ابونا جزاء الاحسـان ؟؟!
والتفت يقول مالك هنا بالمسكن مهابه
مكانك تـرى يابنت هو ورى الحيـطان !
ظلمني الله حسيبه وماعرف ذنب(ن) جنيته
ماادري كيف يحتمل قلبه قسوة انسان
تركت البيت وتقاطرت من العين دمعه
يارب ارحمني وارزقني نعمة النسيان
علمتك بأدب من صنوف الفنون الرمايه
يوم(ن) تعلمت الفراسه حطيتني نيشان !!
خلك بغيك وشف لاانتهت بك دروب الغوايه
هذي قصيده مني لك،، وعنوانها (النكران ) ببقى خارج بيتك بالعز ولاعليك حسوفه
وبتذكر مع الأيام وتعرف انك انت الغلطان
عسى العوض خير من بيت(ن) بوفاي بنيته
وابشر يالظالم بعد حين ولو طال الزمان
واصلي وأسلم على من لانبي وشريف بعده
على محمد الهاشمي شفيع الخلق وخير أنسان
بقلمي
التوقيع
|
ودّنا بالطيب بس الزّمن جحاد طيب..كل ما تخلص مع الناس كنّك تغشّها ! يدّك لا مدّت【وفا】لا تحرّى وش تجيب..كان جاتك سالمه حبّ يدّك وخشها ! ♥ لا إله إلاّ أنت سبحانك إنّي كنت من الظّالمين♥
|
|