واليكم الحل ويليه اللغز الجديد
الأسبوع الماضي كان لغز الأسبوع من طرح الشاعر أحمد المحرج من الرياض والذي يقول:
إعداد: عادي الشمري
ياللي ببحر اللغز سباح ويعوم
يا صايد الافكار ارمع وحله
يا ويش رجلين لفاعنهم علوم
والكل منهم ملته غيرمله
واحد غذا واحد وخلاه زيزوم
وصار الصغير راعي الخير كله
وقد توصل للحل شعراً:
أنا قريت اللغز والحل مفهوم
والله وفقني وحصلت حله
فرعون مع موسى ولا نبعد الحوم
من جنب التوحيد ربي بذله
- علي رشيد الرشيد، رياض الخبراء
ياللي كتبت اللغز والحل معلوم
موسى نبي الله عن الحق دله
الحل جاك وعشت يا صاحبي دوم
وفرعون حامية اللظى مسكن له
- عبدالله سعود بن ثاني، الدليمية
مني تحايا للخزامى على الدوم
واهل الرياض وكل واحد محله
ونا اشهد ان اللغز موثق ومحكوم
عقده ابن محرج وناء اللي احله
موسى في بيت الطاغيه عاش محشوم
وفرعون ما يدرى عن العلم كله
- ماجد عبدالعزيز الثميري، المجمعة
يا مرحبا والحل يا صلك ملزوم
من واحد لا جاه لغز يحله
هذا كموسى صح لا قلت زيزوم
ارسل إلى فرعون عله يد له
- محمد أبو دحيم، البدائع
يا راعي الأفكار والقاف محكوم
يا للي طرحت اللغز تبشر بحله
اعلومهم بالذكر لا تبعد اكوم
للي قدا واللي سمع عبدة له
موسى كليم الله ترا العلم مفهوم
والطاغية فرعون علته عله
- عبدالله بن عاتق الغرابي، رياض الخبراء
لغز الأسبوع
كتبه للصفحة الشاعر فهد بن عقيل الطويان من بريدة ويقول:
يا ويش رجل للطبيعه مخالف
كبير يبدأ ثم يرجع صغيري
ثم يختفي ذكره يجي بالسوالف
بلسان من عاش وكسب فيه خيري
نستقبل الحلول على الفاكس
4871070 أو الايميل
[email protected]