[** ريـــــــــم **]

صباح الخير

صباح الخير مدرستي

مدرستي ليست كامثل المدراس .. مدرستي جميله.. وفيها ساحه كبيره.. وشجرتان فقط
محجوزات لبعض البنات. .. ..
في هذا العام بنات صايره اشكالهم غريبه .. و كلهم قاصين شعورهم
قصة الايمو ..
وشعرهم فيها خصل ورديه وبنفسجيه .. كانهم ساحرات ..

يصلحون في فلم رعب..
قررت انا وصديقاتي في البدايه ..اننا نقلدهم ..
لكن المديره .. وقفتهم على الجدار ..وعطتهم تعهدات ..
على البس, .والمخالفات..
قلنا اجل مافيه احلى من الطبيعه ..
ماعجبتني المقدمه..
نعيد..

OOOOOOOOO

مع كل صباح فيه قومه جديده من النوم .... واتحدى واحد يقول اني قمت مثل امس...

ماعجبتني المقدمه. ..
نعيد..
OOOOOOOOO
مع اشراقه شمس جديده مع صباح جديد ..
وريحة فلونزا الخنازير تدور في السماء..
ماعجبتني ..
احس اني في امتحان التعبير .. وكل شوي اطلب ورقه<<<كم تطلبون ورقه.. ..

مب لازم... ..
( مب بعض الاعضاء يستخدمونه) ماغشيت
ارتب شعري والبس ملابسي ورتب دروسي وبعدين انزل
مع الدرجه مثل كل يوم..
مااحب افطر الصباح ...وماعمري افطرت الامره اوثنتين..
لكن اشرب مويه ..<< فطور
لكن مع فلونزا الخنازير لازم قبل ماروح للمدرسه ..
اشرب عصير برتقال دافي مع ملعقة عسل ..وسبع حبات حبه سوداء ممنوع الزياده..
بيالة شاي اليانسون ..

OOOOOOOOO

وكل يوم اسمع تعليمات عن الفيروس .. ولازم مانلمس عيوننا وانفنا وفمنا الابعد من بعد نعقم ايدنا..
لكن انسى احيانا..

مع كل صباح في الساحه ... فيه جلسه لحل الواجبات..
اليوم انا ماعرفت احل الواجب ..وحليته بقلم رصاص ..
قلت اسال البنات .. اذا رحت للمدرسه ..يوم سالتهم
.. قالوا ننتظرك نشوف كيف حليت الواجب .. قلت
ماعرفت.. طيب كتبتوا شيء .. قالوا : خرابيط اهم شيء نكون حالين..
قلت اجل انا كاتبه خرابيط وكاتبته بقلم رصاص ...
وجلسنا نسولف .. وجت صديقتنا وسلمت ومدت ايدها بتصافحنا ..
بصوت واحد لا فلونزا الخنازير...
محنا فاضين نعقم ايديننا..
قالت : بنات ناظروني .. حنا ما ناظرها .. قالت بنات تكفون كلكم
ناظروني مفاجاه
كلنا قلنا طيب / وترين شعرها قصته .. كلنا متى قصيتي شعرك .. قالت /
حلو .. قلنا ايوه ..اليوم الصبح لفيته بالليل ... يوم فكيته الصبح
لاشعري ماصار قصير قمت قصيته بالفافات حقت الشعر ..
ونزلت لاهلي لابسه العبايه علشان ماحد يشوفني..
حنا مصدقناه .. وصفرت وحنا نضحك عليها مومصدقينها ..
ورحنا للطوابير وهي تسولف علينا .. جات المدرسه قالت اص يابنات ..
وهي تسولف .
قالت المدرسه " وبعدين ..وقربت منا.. قالت " وش فيكم بنات" ...
قالنا لهاالسالفه ... ...
جلست تضحك المدرسه.. وقالت " العقاب جالسك الظهراذا رجعتي للبيت..
عاد بدات الحصه الاولى والثانيه وكلها دراسه بدراسه..
عادقبل من نطلع...
للفسحه لازم نغسل يدينا بالمعقمات .. ورائحة مدرستنا ديتول
في كل مكان ..
وانا فطوري اكون جايبته من البيت علشان نكون بعيدا عن تجمع البنات ..
احلى شيء اليوم عندنا حصة فراغ .. الحصه الخامسه..كنزنا ..
جاتنا مدرسه قالت : بنات عندكم فراغ اليوم.. قالنا بصوت واحد لا
كنزنا هذاااا..
قالت بعض البنات.. ايوه الخامسه استاذه ..بعض البنات ..
جالسوا البنات يصارخون ويعارضون .. قالت المدرسه انا باخذكم الخامسه
علشان تطلعون لساحه الاخيره..وافقنا..
واتفقنا كلنا بالنهايه الحصه السادسه نستعد ..للخروج للساحه..
علشان ماتاخذنا مدرسه..
صفرت وطلعنا ..واذا لقتنا مدرسه قلنا لها المدرسه قالت اطلعوا لساحه
وتقول امشوا بهدوء .. تامرين استاذه ..
وانتشرنا بالساحه ..
عاد يقولون البنات ان المديره طلعت وسالت البنات ..

عاد اذا صفرت طالع لبيت البنات يتجمعون عند باب المدرسه كانهم اول مره يشوفون
باب ويلبسون عبياتهم ..خاصه بنات الباص..
يتزاحمون .. بيجي يوم ويقلعون باب المدرسه ..مسكين الباب..
واذا نفتح الباب ..تشوف مضاربه ..ودف وصراخ ..
اليوم الاربعاء عاد الحماس للخروج اشد..
و يبدا الفراش ينادي ..الباصات ...الباصات ..ياراعين الباصات
يحمسهن اكثر لدف.. والمسابقه للخروج..
بس انا مستغربه ليه يقول يارعين الباصات..ليه مايقول ياراعيات الباصات..بنات..
اليوم وحده من البنات نادى على العائله الفراش وماطلعت جالسه تسولف ..
وتاخرت..
بدا الفراش يقول :: يارعيه الكامري.. ياراعيه الكامري..
وينها .. راعية الكامري
كلنا ندورها حتى المدرسات المراقبات علينا ..نتعرف عليها ..راعية الكامري..

عاد جاء اخوي وطلعت من المدرسه..

هذه كتبي ودفاتري ...

وهذه قلامتي ومقلماتي ...

مشاركة هذا الرد في Google Facebook Twitter Digg

أنت معجب بهذا.