[ميووس]

أهلين وسهلين ورمضان علينا وعليكم مبارك

ايه مشكلتي مع ولدي الي عمره اربع سنوات عزر فيني عزر ما يعلمه إلا الله

عندي بنت ما كلمت سنة ودايم اقول اليوم ولا بكرى يبي يموتها من غشامته ولعبه معها وعدم تقديره للاشياء الي يسويها معها طبعا ما الومه يبقى طفل ما يقيم تصرفاته خلوني اضرب لكم امثله

مرة دورت ميس ادورها ابحث عنها بكل مكان ما حصلتها طاح قلبي بين رجليني واسمع صوت لعب ولدي تحت بالحوش الصغير وحولت زي البرق اساله تدرن وش حصلت حصلته منزلها للحوش يقول ابي العب وياها كورة وحاطها قدامه يبغاها تشوت عليه ويشوت عليها ولا بعد من وسع الوجه العم يقول ماما ميس ماتعرف تلعب ما توقف وافقة جالس طول الوقت يبي يوقفها غصب وتملعت بنيتي

موقف ثاني مرة شالها وحطها بالدروج الي تحت مغاسل الرجال يقول بلعب ويها غميما المشكلة هو الي يغبيها ويبغى يدورها والمشكلة يوم جاء يطلعها على بالة انه حصلها يسحبها سحب يعني الحين اذا جيت امهدها ولمست يدها تبكي واتوقع انه ملع منه

موقف ثالث مرة حطيت له اكل عند المجد ورحت اكمل شغلي واسمع صياح ميس وجيت اركض تدرون وش حصلت حصلت يفتح فمها بقوة ويدخل الملعقة يبغاها تاكل معه وياعمري لثتها تجرحت وصبت دم

مواقف كثيرة هدت حيلي حتى نفسيتي تعبت منه وصار هو شغلي الشاغل لانه هو صغير ولا يفهم وبريء زوجي شديد استعمل كل الطرق بالنصح بالهداوة وبالهداياء وبالتعصيب ضربه ولاحياة لمن تنادي من بكرى ينسى كل شيء قاله له وسواه له لانه صغير

تصدقون وصلت الحالة اذا جيت اشتغل ولا اتروش اسكر عليها بغرفتي واذا جيت اطلع ولا شيء احطه عند خالتي ام زوجي والبنت عند امي مستحيل احطهم وياي بعض لان عيال خواتي عند امي فما اقدر اجيب ولدي عند امي يسوي بلاوي بعيال الناس هو جريء جريء ولا يخاف ابد ابد


عطوني حل تعبت تعبت

يله فوتكم بخير والي عندها نفس المشكلة تعلمني كيف تعاملت معها

مشاركة هذا الرد في Google Facebook Twitter Digg

أنت معجب بهذا.