21-04-23, 06:53 PM
|
|
|
رد: سناب سوالف قصيمي الكتابي
ليله العيد قلنا بنروح نسلم ونعيد على الوالده مسكنا طريق الرياض مروورا بالخرج والحوطه والجو كان جميل جدا بالغيوم....
وعقب ماوصلنا الافلاج كان أهالي الافلاج طالعين يتنزهوون على البحيرات من كثر ماجاهم من الأمطار كان المنطقه منطقه بحريه..
بعدها مشيت وصلت منطقه السليل قلت بروح واخذ شقه ارتاح فيها خذيت شقه وقلت بانزل اروح احلق عشان ارجع اريح وهبت ذيك العاصفه القويه مابعد شفت مثلها.. وأمطار وهواء وطفت الانوار...
وزبنت الحلاق والجو مظلم تورطوا الحلاقين وعقب ماهدت العاصفه صارو الحلاقين يحلقون في الشارع وكل زبون ينور بالسياره على الحلاق حتى يخلص من حلاقته.... جاء دوري وحلقت في الظلمه المهم خلصت بروح ارتاح انام الشقه ادخل الشقه مظلمه ادور غرفتي في الظلمه ماحصلتها الا بعد جهد جهيد.
واجلس في الغرفه مثل الجني قلت بس اطلع من الشقه وواصل طريقي طلعت حتى وصلت الديره بعد جهد جهيد وعيدنا عند الوالده والإخوان وكل ماجاء احد يسلم على يناظرني قلت ياولد شفيني المهم جاء واحد وقال شفي شنبك مقطوع نصه. عاد عرفت السالفه وعلمتهم اني محلق في الشارع..
هاذي حلاوه العيد خذيتها من الحلاق....
|