احب اضيف شيء ..
فيه معيار خفي من المعاير الي لازم ناخذها بالحسبان إذا جينا نختار زوجة المستقبل
الروح وثقالة الدم
هذي للاسف ما يكتشفها أي مختبر
ولا تحاليل ما قبل الزواج
تقدر تكتشفها بالملاحظة إذا كانت العائلة من جماعتكم !
مثلاً حنا بجماعتنا نهتم كثير في الامراض الوراثية !
مثل البرص والبهاق ونحوه !
وهذي برضه ما تكتشفها التحاليل الطبية
هذي تسأل عنها الشيبان الكبار
لان البرص احيانا ما يظهر في الاجيال الحالية
ولكن الشيبان يتذكرون ان جدهم او ابو جدهم كان فيه برص
واحياناً يتتاقلونها جيل وراء جيل
مثل يقال
فلان الشايب الله يرحمه كان يقول ان الفخذ الفلاني كان جدهم او خالهم فيه برص
ويموت الشايب الي عرف الشيبان ذول
ولكن الخبر باقي .. ينقله لغيره بالتواتر !
واحيانا اخوان ثنين
تلقى جماعتنا يتزوجون من واحد ولا يتزوجون من الثاني
والسبب
يقولك صح الاخوين عرقهم مافيه برص
ولكن واحد منهم تزوج حرمة خوالها معروف عنهم قديم انه فيهم برص
ولو تزوج هذا الرجل من مرأة ثانية تلقى جماعتنا إذا جو يخطبون منه يسألون هي بنت فلانه ولا بنت فلانه
يقصدون حريمه الثنتين
لان وحده خوالها فيهم برص
والثانية ما عُرف عنهم هذا المرض
لذلك تصير عملية فرز دقيقة جداً جداً فوق ما تتصور
ولا اخفيك سراً ان قلت ان البنات الي ينحدرون منه نفس العرق الي ينحدر منه جداني مطلوبات للزواج بشكل ما تتصوره
والفخذ الي معروف عنهم هذا المرض يعنسون او يتزوجون من بعض
او يتزوجها واحد من خارج القبيلة
والحمدلله الذي عافانا
والله يجبر بخاطر الي الله ابتلاهم
واخطر شيء لايمكن تتصوره
وممكن يأثر على حياتك
ويأثر على شخصيات اطفالك
هو ( الروح وثقالة الدم )
اعوذبالله منهم
هذول ممكن تلقاهم نظيفين من ناحية الامراض الوراثية
ولكن يحملون سمات جينية ازفت من الزفت
تعرف الكلمة الدارجه الي تقول ( فلان قفل ) ههه
فلان عبوس
فلان نفسية
تعرف ذاك الرجل الي اذا كان المجلس مشعلل بالسواليف والبهجه والفرح
وهو اخذ ركن في المجلس وساكت ولا يضحك ولا يتفاعل شعورياً
هذاك هو العرق النجس ههه
انا اسميه العرق النجس هههه
ترى ماهو شرط يكون انسان سيء
بلعكس تلقاه انسان يحمل اخلاق رائعة
بس قفل هههه
وتخيل تعيش مع زوجة بهذا الشكل
ما تجيها الافكار الي تجي الافكار حقت الزوجات
تقول بروح الكوافير اغير اللوك
ابغى ابهر زوجي واخليه سعيد
ولا تجيها فكره تلبس لبس جميل وفاتن تبغى تلفت نظرك
كل هذا تحصله في الحرمة الي متجذرة من العرق النجس ههه
يا اخي اكرهم هههه
هذول تاخذ فيهم مقلب اذا كانوا من خارج قبليتك
لانك ما تعرفهم
يا اخي الحياة السعيدة عبارة عن ابتسامة
ووجه بشوش منشرح
وواحد اول ما يشوفك من بعيد يفرد يدينه الثنتين يحضنك ويرحب فيك
الحذر ثم الحذر من المرأة العبوس الكشريه
الله يشيلهم
ويارب يصيرون تجمع لكارونا وجميع الاوبئة الي ظهرت والي باقي ما ظهرت في الكون
يا اخي اكثر ابتلاء ممكن يحصل لك تتعايش مع انسان ميت شعورياً
انتبه لاخوك من ذول