ليه !
فيه فرق بين أنك تقول الحمدلله اللي اتضحت لي حقيقة العائلة وما تقدمنا ولا صار شي
وبين أنك تكنسل الفكرة بسبب هالموقف
أنت ماعندك أي فكرة عن زوج أختهم يمكن يكون بالفعل ماهو جدير بأنه يكون زوج
يمكن هالزوجة ما طلبت خلع وخاصه أنها عندها أطفال إلا وهي تشوف أنها مضطره
على العموم ماراح نفكر بأسبابها
بس أنت على أي أساس بنيت توقعاتك وتخيلت المصير وفركشت الفكره كلها
أخوها صاحبك وأكيد أنك تشوفهم عائلة كفء
فليش تخلي موقف أختها اللي حياتها أساسًا خاصة تأثر على فكرتك في طلب أختها لأخوك ؟!
طيب فرضنا لقيت وحده ثانيه وتم كل شي وصارت زوجه لأخوك
ثم وحده من أخواتها خلعت زوجها
وش بتسوي هنا ؟!
الخلع مثل الطلاق
ممكن يكون على أعظم سبب وممكن يكون على لا سبب !
مع أن اللي أعرفه أن الخلع ما يتم على أتفه سبب لازم يكون سبب مقنع الدعوه ماهي لعب !