الموضوع
:
سكري بعد التقاعد شغال مشاوير في اوبر وكريم
عرض مشاركة واحدة
#
664
21-04-21, 11:31 PM
غريب الماضي
القائـد الـفـذ الـمـهـيـب
رد: سكري بعد التقاعد شغال مشاوير في اوبر وكريم
ياسلام نموذج مشرف صراحة
أول مرة تاخذ مشوار زبونة كريمة
وبعد مميزة مع طالباتها
اقتباس:
المشاركة الأصلية كتبت بواسطة سكري حالي
فيه بعض المشاوير ماقلتها وتذكرتها الحين
مره من المرات وانا بالدوحه ( الظهران ) جاني طلب ورحت لمووووه جات الزبونه وركبت قالت ودني للسوبر ماركت نزلت وتقضت وحملنا الأغراض قالت ودني لاقرب مطعم بس يكون اكله حلوو
شفت ذاك البخاري الزين قلت هاذا يضبط البخاري ابي بس افتك منها واروح
قالت ويش احسن اخذ شوايه ولا مشوي قلت لا هاذا المطعم تخصصه شوايه بضبطها صح
المشوي لك عليه مايضبطونه زين
عارف انا انو المشوي بيطول وانا مستعجل ابي ارجع للدمام جات بتنزل للمطعم قلت وين يابو الشباب
قالت ابي اطلب قلت لها خليك بالسياره بضرب بوري يجوون المهم جاء الافغاني قالت عطنا دجاجه شوايه المهم رجعنا للبيت وهي تقول انا جايه من حفر الباطن للشرقيه وبمشي عيالي فيها وابغي سفينه نركب فيها عيالي طالبتها مني قلت السفن بجزيرة المرجان بالدمام قالت ويش رايك تودينا بعد المغرب قلت خلاص عقب مانزلت اغراضها عند عماره فيها شقق وقالت لاتنسي تجيني بعد المغرب
المهم جاء المغرب ومشيت لها وخلص شحن جوالي وانا قريب منها وتورطت ماقدرت اتصل عليها لاني نسيت شاحني
واجي ادخل العماره واضرب يمكن جرس خمس شقق كل ماطلع علي احد اسألهم انتم الي طالبين اوبر
تورطت وانحرجت مع أهل العماره
هي ساكنه مع اختها في الشقه المهم اخر محاوله ضربت الجرس وطلع لي ولد قلت ياخي فيه حرمه جايه من حفر الباطن للشرقية وطالبه اوبر بس جوالي مافيه شاحن اتاري الولد ولدها هو كبير بالسن
قال طيب خلاص هاذي امي رحت للسياره وشوي لهي تجي مع عيالها الصغار قالت ولدي فضحني
يقول مسكين الرجال قاعد يدور لك في العمارره
قلت معليه زين مشينا وهي معها اللاب توب وداخله المنصه .... الأخت طلعت مدرسه
وحاطه السبيكر وتحضر الطالبات وهي تمدح في الطالبات من الكلام الزين وحده من الطالبات تقول يابله منيره حنا نحبك قالت وانا احبكم
صارت السياره منصه للتعليم مهوب للمشاووير
المهم هي مع الطالبات حتي قبل مانوصل لجزيرة المرجان
عقب ماوصلنا قلت ماشاء الله عليك مع الطالبات قالت لازم ارفع من روحهم المعنويه
والله وحاسبتنا بمبلغ حلوو ورفعت من روحنا المعنويه
ونزلوا قلت اذا احتجتي اي شي اي مشوار انا بالخدمه
..مع تمنياتنا للجميع بالنجاح
مشاركة هذا الرد في
Google
Facebook
Twitter
Digg
أنت و
سكري حالي
معجب بهذا.
سكري حالي
معجب بهذا.
التوقيع
غريب الماضي
مشاهدة ملفه الشخصي
إرسال رسالة خاصة إلى غريب الماضي
زيارة موقع غريب الماضي المفضل
البحث عن المشاركات التي كتبها غريب الماضي