الــوداع
 

الــوداع


أنت بتسافر حبيبي نعم سافـر وغيـب
بس تكفي سم بالله على عقلي لا مـاع


لأني ماني قادر اوادعك وأنـت قريـب
كيف وأنت بعيد تبغاني أقـول الـوداع


بـس لحظـة قبـل لأنسـى ياللبيـب
كل ما تملكه من مغريات ومـن متـاع


إنـي احبـك واحبـك ليـن أشـيـب
يعني لين أموت وأنـا احبـك للنخـاع


احبـك بالحيـل والـشـي الغـريـب
إني اكره كل فكرة تقـودك للانصيـاع


كان ماللمشكلة وتوصلنا للحل (عيـب)
كب حبي لك وسمّه متاهـات وخـداع


لأني أطهر من بيخسر على الدنيا حبيب
ولأنك أنقى من وطت رجله ظهر وقاع


كثر مايدعوني أهل الهوى ولاستجيـب
وكثر ما أصفّط على بعدك ذراع وذراع


آآه لا وقفت مابيـن تصيـب وتخيـب
بيني وبين المواليف وفـواه السبـاع


وآآه لاغ من ذكرت كـل لـه نصيـب
وآآه لامنّي ذكرت إن على وجهك قناع


اشعر إنه منخلق من عسل ورد وحليب
واشعر إني كل ماأذكره مجموعة جياع


ليت مالك في حياتي خوي ولا طليـب
كان أبخشّك وسط قلبي وأقـول ضـاع


أمحق الله ساع ولف الهيام وقطع صيب
من يبكّي مقلتين الشجاع ابن الشجـاع


لو على البحرين شرهة ودمعات ونحيب
كان ماخلتك تقفي عن حـدود الرفـاع


لو جنيف تحس بجرحي المر العطيـب
كان ماتاخذك منـي وتعطينـي ضيـاع

سعد علوش

رد: الــوداع
 

رد: الــوداع
 

وش هالفخافه في القصيده صح ذوقك وابدعت

ذكرتني باغنيه لسلامه العبدالله رحمه الله اللي مطلعها

هل دمعي على خدي نهار الوداع
يوم قالوا فمان الله جاني بلاي
التفت والتحظني بالعيون الوساع
وارسل الدمعه اللي زاد منها عناي

رد: الــوداع
 

رد: الــوداع
 

الله ، الله ، الله
والله يا أحبه بعض الشعراء لازال يدهشك ويكسب أعجابك تلقائياً
وسعد علوش ، من الشعراء المميزيين والفارقيين

وتحياتي لكم

رد: الــوداع
 

ياسلااااام سلم اختيار موفق

تسلم عمدتنا ع الابيات الحلوه