|
قروب الاحباب ...
بالصدفه في البرنامج حق الاتصالات حصلت رقم باسمي ناسيه مفصول وعليه فواتير
من الفضول سددته وطلعت شريحه بدل فاقد وجابوها الين عندي .. شغلت الشريحة وحملت السناب والواتساب وشغلتهن ... والا ويطلع لي قروب الاحباب الله يازمن مع موسيقى حزينة .... رجعت بي الذاكره الى الخلف 15سنة ايام الدراسة والزملاء والزميلات في قروب واحد .. واسبط شوي الا والترحيب من زملاء الدراسة الله ياهلا بعبود ويامسهلا .. انا كلجت الاسماء مضيعها ولا اعرف ولا واحد الا بوجهه ما اعرف الارقام .. تملكني شعور جميل مع شوي قشعريره مع ارتفاع هرمون الشموخ والكبرياء .. القروب هذا على اسمه الاحباب فعلا .. اللي تزوج واللي مات واللي عاطل باطل .. عاد البنات اللي معنا من الاخوان العرب كانو معطيني بلوك لكن من هول الصدمه فكوه .وقامو يسلمون علي ماهو حب فيني لكن يبون يعرفون وين وصلت هل حققت احلامي اللي كنت اتغنى بها عندهم واشخص بها .. ودي اسألكم احد مر بهالتجربه وهالشعور من قبل ... انا الان افكر اكسر هالشريحه اخاف ام نوره تكتشفها.. واطيح في اسئلة ماتنتهي .. ############# في المقابل فيه قروب ثاني عندي اسمه قروب العائله اطلع منه ويرجعوني الا تسمع هواشنا وحشنا في فلان وفلنتان .. وياويلك ماتفزع معي اذا تهاوشت مع ولد فلان ... ولازم تشاركنا هالمصايب .. مدري ايش التناقض هذا .. |
رد: قروب الاحباب ...
والله ماهقيتها منك يالفصيح .... وزميلات وسواليف !!!؟؟ 😂
ذكرتني قصتك بقصه لي شخصيا . كان لي حساب بالراجحي . بعدين نقلت قشي وتعاملاتي الى بنك ثاني واشبك معه علطول , وزلبت الحساب الاول اللي بالراجحي .... وتروح الدنيا ..ممكن ست سنوات . واضطر لتنشيط الحساب القديم اللي بالراجحي والاقي فيه فلوس مجمده لي بمبلغ عشرة الاف ريال ..... ناسيهن هههههههه 😂 وبعدين يافصيح .. انا عندي ست قروبات وماعندي اي مشكله مع اعضاء القروبات ... خلك حقاني مع الكل وتعيش وتفرض نفسك ولاتكثر النقاشات بالقروبات , خلك بالمدرج تتفرج وانت تمزمز عصير ليمون بالنعناع ورايق وبس . |
رد: قروب الاحباب ...
|
رد: قروب الاحباب ...
ههههههههههههههههههه تذكرت يوم واحد هنا حط مقطع لمحمد المقحم
وانا أنصدمت من فخامة الصوت والاسلوب على باالي هوو ياااااصدمتي ذاك اليوم بس الحمدلله فعلا صدمة ������ |
رد: قروب الاحباب ...
عاطفتكم جيآشه ياخي 😁
|
رد: قروب الاحباب ...
اقتباس:
عموما وان كان هو وش بيفيدك ! |
رد: قروب الاحباب ...
الغريب أن الرقم كل هالوقت ما انلغى من اسمك مع ان النظام الجديد الرقم 3 شهور بعد الفصل و يتم الغاءه نهائياً
ويتم بيعه للغير . |
رد: قروب الاحباب ...
اقتباس:
مستحيل محمد المقحم شخصية راقية وصوت فخم عكسك تماما |
رد: قروب الاحباب ...
الماضي على قد مااحن له الا اني اتصدد واحد من اقرب اصدقائي توفي قبل 4 سنوات الله يرحمه ويغفر له ماقدرت ارجع اشوف رسايلنا بالواتس🥲 . |
رد: قروب الاحباب ...
اقتباس:
المهم الفعل الفعل مايعرفه الا من خالطني وخالطه ممكن اكون افخم ممكن يكون هو يمكن يكون ثنينا ماعندك احد اللي ابي اوصله لك انك كمخه ماتقيسين الامر بموازين العقل ممكن لان ماعندك عقل من الاساس وممكن لانك ساذجة تغوص في براميل من الاحلام الوردية اخت طالبة تذكرين لما تكتبين مواضيع اطعمه وتقدمينها في صحون ماتاكل فيها التسلاب اقسم لك ان الود ودي وقتها ارسل لك اطقم صحون وفناجيل بيالات يعني وبراريد وطيس اقول البنت هذي مبين انها من عائلة منتوفه الحال حرام خن اساعدها خاصه لما اشوفك تكتبين مداخل ومخارج شعرية تستدرين بها عواطفنا المرهفه اذكر لك مدخل شعري اتوقع انه ذا العنكبوت بنت بيتاً على وَهــَن تأوي إليه أو مالي مثلُه وَطـــَنُ والخنفساء لها من جنسها سكنٌ وليس لي مثلها إلَفٌ ولا سكنُ يا انه غاضني هالبيت حتى اني ارسلت لوحده من الاخوات وقلت لها تكفين نبي نساعد طالبة باللي نقدر عليه وابيك تكوني حلقه وصل بيني وبينها تكفين يالاجوديه البنت هذي مبين عليها الفاقة كان تموت ضحك قالت هذي ياخبل مدرسه وتقصد ونيتات على شيبان ربعها قلت معقوله قالت اجل وش تحسب بناجرها تتمرن بها اثقال من كثرها وعندها كرسي جابر قلت وش كرسيه حمام فرنجي مطلي بالذهب قصدك كان تموت ضحك قالت هذا زي الرشرش عندكم قلت اجل علام الصحون مطموسه معالمها !! قالت تخاف من العين قلت من زين الصحن والعيشه اللي مطشوشه فيه تقول عيشه عزبة بنقال قالت ولله في خلقه شؤون انت وش يخصك يالملقوف قلت ع قولك انا فعلا وشلي وشلها ان شاء الله تقدمها في كيس نايلون حق البقالات |
| الساعة الآن 06:05 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir