حادث منيره وبنتها ....!!!!!
 

السلام عليكم
منيره من اسعد الفتيات مع اسرتها الصغيره
عندها بنت بصف ثالث وولد بصف اول وبنوته في حضنها
عايشه حياه سعيده مع زوجها وابناءها
<<<. زوجها يحبها هذي لاقلنا زوجها خاتم باصبعها

منور هذي تشتغل في توصيل طلبات ومشاوير
كتب الله لها حادث مروري كانت عند الاشاره واقفه لمن ارادت المشي والتوجهه لليمين جتها شاحنه عن يمينها فنحرفت بسيارتها لليسار لتبتعد عن الشاحنه ووقع عليها حادث بسياره اخري

توفت من كانت معها بالسياره ( امراءه تريد الذهاب لمشوار )

واصيبت ابنتها بكسور وهي كذلك
الحوادث مكتوبه للرجال والنساء الشباب وكبار سن لاي شخص خلف المقود - الله يلطف بالمسلمين -


الموضوع ماذا بعد الحادث


زوجها رفض انها تقود سياره وهي مصره علي القياده فلما ماتوافقوا علي ذلك زعلت منيره وراحت لاهلها وخلت عيالها عند زوجها
ولا زال الزوج مصر علي رفضها وهي لا زالت تساوم الزوج عودتها لاولادها بموافقته علي القياده

انتم وش رايكم بتصرف الزوج والزوجه ؟؟؟؟

<< انا يضيق صدري علي اولادها كيف كانوا وكيف اصبحوا عشان معاند بين الزوجين
والمحزن ان الاب مايعرف لتربيه والعنايه باولاده حاطهم عند اخته واخته من اصلها مهمله عيالها
فضاعوا عيال منيره
الله يصلح شأن المسلمين يارب 🙏🏼🙏🏼

رد: حادث منيره وبنتها ....!!!!!
 

يصر على رأيه
من حقه يخاف على اولاده يتيتمواوالا تصاب لاسمح الله فحادث ثاني وتقلب حياتهم قلق

وواضح انها عنيده اذا هالحادث ماعقدها ولا اعتبرت منه

مدري ايش نوعية هالحريم اللي مايخافون

رد: حادث منيره وبنتها ....!!!!!
 

لو كل من عمل حادث هو وأبنائه ترك القياده
لم نجد من السائقين الاقليل ...
ةللمعلومية الحوادث بجميع اشكالها تبقى قضاء وقدر
وليس لك بها امر ..
الاب هذا مهزوز وضعيف رابعه ولاعنده من الاسلوب مثقال ذره ..
انا جرب بنتي تجلس عندي يوم واحد والله مانمت ولا ارتحت .
وشلون ثلاث ابناء وكلهم اطفال وبحاجة والدتهم
لو تطلب سيارة روز عطيتها بس تجلس مع عيالها .

رد: حادث منيره وبنتها ....!!!!!
 

صحيح شجون انا قلت كذا
ومن حقه يخاف علي عياله من اي شي يصيبهم
بس قلت لو هو منعها انها تاخذ عيالها معها وتقود بهم السياره افضل من انه كذا يضيع عياله بعناده وعنادها
الحين والله ياشجون عياله ضايعين حتي الطفل بصف اول مايدرس ولا يحضر الدروس عن بعد

وهي بكيفها تسوق ويصيبها الي يصيبها تموت وبدالها حرمه
اما عناد والضحيه العيال
الله يزين حالهم

رد: حادث منيره وبنتها ....!!!!!
 

المراءه حتي لو ماهو طبعها العناد
اذا صار فيه تساوم تتحول عنيده
كثير هذا طبع في الحريم والرجال
كل واحد بيثبت كلمته ووجوده

علي انوه دائما ماتتغير القرارات
هي لو تمهلت وقالت له ابشر ماعاد راح اسوق
فتره حماس رفض زوجها وراح يغير رايه مع الوقت اذا هدت الامور
ماهو كل زوجه وزوج يستطيعون ان يسيطرون علي مشاكلهم
صراحه نحتاج ثقافه بمثل هالامور الزوجيه

رد: حادث منيره وبنتها ....!!!!!
 

صحيح والله
كل شخص يصيبه حادث وهي قضاء وقدر
هو للاسف ماعتني باولاده ولا حطاهم عند اخت تعتني بهم
وينك يام نوره اسمعي رجلك وش يقول فرصتك اطلبي الروز 😂


؛

انا لو مكانها وقالي رجلي لاتسوقين قسم سم وابشر
كلها اقل من اسبوع وبيغير رايه
معروفين رجالنا حنونين اليوم لا بكره ايه ❤

رد: حادث منيره وبنتها ....!!!!!
 

مشكله منيره واللي مثل عناد منيرة
منيرة فوق راسها زوجها ولاهي محتاجه تمتمر هالخطوط وتهمل عياله وبيتها

السواقه للحاجه الملحه حتى النساء السائقات قبل عشر سنوات او اكثر خاصه في القرى والمحافظات الصغيره ماتسوق الا لحاجه لبقاله او الاهتمام في الاغنام او غيرها من الاشغال المهمه

بس اسوق عشان مشاوير مالها سنع واعرض نفسي وعيالي للخطر







يازين منيرة زمان ان ساقت ماتسوق الا لحاجه
وان ولدت تجيبهم عشر بزران ورى بعض كل سنه بزر
.
.
.
اييييه ليت الزمن يرجع (g)
ودي اصفر عدادات الاربعينيات ونخلق جيل جديد بنكهة الاربعينيات

رد: حادث منيره وبنتها ....!!!!!
 

😂😂😂😂😂😂😂😂
الله يوسع صدرك ياعساس
عطيتنا شوط خليتنا نهضم بعد الغداء



منيره تشتغل وهذا عملها مكسب قوت يومها ولاتخرج الا لحاجه
لاكن الشيطان دخل بينهم بعنادهم لبعض
الله يهدي سرهم يارب 🙏🏼🙏🏼

رد: حادث منيره وبنتها ....!!!!!
 

^
^
تعليقي دعم لـ الاربعينيات المنتدى

رد: حادث منيره وبنتها ....!!!!!
 

-



منيّرة ~> حرّمة عوّبا ،
زوَج منيّرة ~> رجِل في زمن قلْ فيّه الرِجال ،




مدامَها (محفوّلة مكفوّلة) في ظلْ زوّجها ومملكتها وش اللي يطلّعها تدنّجل بالسياره والمِشاويّر !؟
لو كانت وظّيفة رسميّة نقوُل معها حق ،
لكِن فرارة شوارع هذيّ شغلة مابها الا الهيَاته و ضياع الأطفال وتعريّض الأُسره للأخطار/للفقد/للمصايِب


حريّم مفروُض يتم (وأدهن) حتى مايكوُنن سبب في التكاثر و إنتاج أجيَال ضايعه ...