فكره غريبه ورومنسيه وخياليه للزوجه لتفاجأ زوجها(رحله شاليه على حسابك)
 

اهلين بنات 00

جبت لكم فكره اذا سويتوها لرجالكم راح ينجن وماينساها لك ابدا00

فكري للفكره هذي قبل بأسبوعين حاولي تاخذين اجازه من الاربعاء للجمعه وهي انسب ايام الزوجك عشان يكون ماعنده دوام رتبي سفره على حسابك (لان مو كل مره على الرجال ريحيه هالمره) :) كلمي على احسن شاليه تبين تقضين انتي وزوجك فيه هاليومين واكثر ماكثر الله شاليهات جده والشرقيه

وانصحكم انكم تاخذون شاليه مع المسبح وهذا الاهم (وانصحكم بشاليهات موفنبيك الي بجده لان الشاليه بمسبح وقدامك البحر على طول) مافي احسن من هالمنظر اما اذا كنتي ساكنه بره السعوديه دوري لك من الشاليهات الي عندكم بس لازم يكون المسبح خااص لك انتي وياه يعني محد يقدر يشوفكم

المهم قبل ماتحجزين اسألي زوجك اذا كان عنده شغل ولا ارتباطات في اليومين الي بتروحين له وخلي ابو الشبااااااااااااااااااااب يفضي نفسه في هاليومين واذا سألك صرفي الموضوع ولا يحس


المهم رتبي اغراضك الشخصيه طبعا الاهم (مايوه 00ملابس داخليه رومنسيه00 احلى العطورات00 والشورتات الجينز 00والتنانير القصيره المثيره) واذا خلصتي من اغراضك ابدأي بأغراض زوجك الشخصيه وهو مايدري طبعا(من كلوتات وشورت السباحه وعطوراته الخاصه فيه) لكن بدووون علمه انتبهي لايدري


واذا انتهيتي طبعا هذا بيكون قبل السفره بيوم قوليله واكدي له ان لايرتبط يومين كاملات واذا سأل لاتجاوبينه

واذا جاء يوم السفره اكتبي له برساله حلوه واعطيه اياه واكتبي عاد بأسلوبببببببببببببببك الناعم بأنك تبين تفاجأينه بطلعه رومنسيه لمده يومين طبعا بيشيل هم الطريق لكككككككككككككن اذا درى بانها رومنسيه والله بيطيررررررررررر طيراااااااااااااااااااااان وقوليله ان كل اغراضك معاي بس شغل السياره (بالتفصيل بعد اكتب لكم عشان ماتتورطون) :)

عااااااااد على حظ الي ساكنين بمنطقه عندهم هالشاليهات لالالاسفره ولا شيءمو مثلنا احنا بالرياض يالله يابنات جده شدو الهمه والشرقيه بعد بتصير فكرتكم ومشواركم اريح

المهم ماخلصنا بعدين انشاءالله اذا وصلتو بالسلامه وبعد مادفعتي البانزين بالطريق(الله يعينك حتى البانزين ادفعيه عااااااااد خليه يرتاح ابو الشباب والله بيفلها فللللللللللللله) واذا وصلتو قوليله يروح للشاليه الي انتي حجزتيه له وبيتفاجأ وخبريه عاد بالطريق وفهميه عاد بطريقتك الحلوه بأنك تحبينه وحبيتي تفرحينه بالرحله هذي وودك تسوين له اكثر من كذا

انزلو بالشاليه واكشخي عليه بالمايوه وفكي شعرك وخليه مبلل شوي لان الحركه هذي مثيره للرجال والله ان ينبسط بهالحركه وينجن وخليك رومنسيه معاااااه وفاجأيه بأنك جايبه المايوه حقه والله بيروح فيها الرجال وعاد طبعا مو مخليك هههههههههههههههههه افهموها

واذا جاء الليل البسي ملابس مثير واجلسي انتي وياه بجنب المسبح وكلميه بكل رقه ونعومه وعبري له عن حبك له وبعدين اطلعو عالبحر لان البحر يحرك المشاعر الرومنسيه

وباليوم الثاني اتصلي على محل حلويات واطلبي كيكه فخمه وخليهم يوصلونها لك بالشاليه(ترى التوصيل مجانا على فكره لاتشيلين همها هههههههههههههههههه ادري انكم دارين بس عشان اسهل لكم الطريقه) واطلبي منهم يكتبون على الكيكه احبك يااغلى زوج ياسلالالام قمه الرومنسيه

وفاجأيه ودخليها بالغرفه بدون مايشوفها وحطي عليها شموع والبسي واكشخي له وخليه يدخل والله انه ماينسىىى الي سويتيه ابدا

وخلالالالالالالالالاص خلصت الرحله وتذكري بعد هالرحله بتشوفين زوجك حاطك فوق راسه لانك عبرتي له عن مشاعر حبك له


لاتبخلون بهالافكار الرومنسيييييييييييييييه

وانشاءالله انا بوعدكم بالافكار الي احسن من كذا


وعلى فكره هذي الفكره جربتها انا وانا امووووووووووت بالافكار الي كذا والحمد لله زوجي بأتم سعاده

وكانت توافق عيد زواجنا

يالله انبسطو يالرجال لاصرفيات ولا شيء هذا اذا كانت زوجتك تشتغل :)






والله يوفقكم انشاءالله

اختكم00 غزال الرياض

سلطان00شوف ترى انا ماسرقت موضوع ولا اقتبسته ولا شيء وهذا كله من عندي لاني سويت هالفكره وجربتها وكتبتها وانا مادريت عن موضوع بنت علي ولا قريته ولا مر علي بحياتي احد كاتب هالموضوع لاني جديده في المنتدى وانا بحلف مو عشانك ترى ولا دريت عنك انا بحلف عشان المشرف والاعضاء يصدقوني(اقسم بالله العظيم رب العرش العظيم ان هالفكره من عقلي ومجربتها بعد) وانا مايهمني تصدق ولا ماتصدق عشان قبل ماتحكم علي اني مااحترم حقوق الغير احترم ردي واشكرني اولا عليه بعديييييين تكلم معي باحترام ان هالموضوع طرح قبل ولا تجلس تعصب وتقول يحذفون الموضوع ومسوي نفسك في محكمه وظلم وماادري ايش شوي شوي على نفسك اخاف تحكم علي بالاعدام :)

الهالدرجه حاقد علي بعد هذاك الموضوع الي كتبته

المهم تبون تحذفون الموضوع احذفوه اهم شيء في بنات استفادو

يالله باااااي

مساكم الله بالخير جميعا.. وهدوا أعصابكم يا جماعة الخير.. وانا بقول رأيي ويمكن ما يهمكم في شي..
يعني أخوي سلطان المغيري .. أنا عتبان على أسلوبك في الكلام من البداية واضح تماما أنه قاسي وجاف حتى لو كنت متأكد من الموضوع ما أظن أنه يكون بهاالشكل أبدا... ونفسي أعرف ايش مزعلك بالضبط .. واذا كان الموضوع فعلا لبنت علي.. ياخي خلها هي ترد... واظن المشرفين ما تمر عليهم مثل هالمشاكل..
بالنسبة لأختي غزال الرياض.. ردة فعلك قوية ويمكن ما تلامين ومافي داعي تحلفين أصلا .. الانسان اذا كان واثق من نفسه ترى مايهمه أحد..وفكرتك أكثر من رائعة...وبانتظار جديدك القادم......
ورجائي لكم أنكم تهدوون الموضوع وترى كلنا بهالمنتدى أخوان وحبايب.. والدنيا والله ما تسوى الزعل..
دمتم بخير..دمتم بود....

خلي البال00 مشكور يالغالي بصراحه ماادري وش اقول لك ياليت كل الناس مثلك في احترامك يكفي انه عاجبك وانا ماحلفت عشانه انا حلفت عشان الاعضاء يعرفون ويصدقون اني مااخذته وااني احترم حقوق الغير

وشكرا يالغالي

الاخ سلطان
ياخي اول شي ليس من باب التحامل ولا شي
اخوي الله يستر عليك وكل مسلم ومسلمه
لو كان التوضيح هذا على الخاص
للاداره او للاخت الكاتبه
لكان افضل من التجريح على العام
اخوي التاكد اول" ثم النقاش وعدم التشهير
اخوي لاتزعل الله يديمك
احنا اخوان فى هذا المنتدي وغيره ان شاء الله
ارجو ان لاتزعل من تعليقي هذا
ودمت بود
اخوك الهجان

الاخت غزال الرياض
موضوع رومنسي وجميل وفكره اكثر من روعه

الله الله الله يابنت ما انتي بهينه
احترامي وتقديري لشخصك
اخوك الهجان

ابو الحلا00 كفيت ووفيت ومشكووور(خير الكلام ماقل ودل) :)

الهجان00 مشكور يالغالي في ناس ماتفهم شوي حسيت ان في رجاجيل بهالمنتدى محترمين شوي والله يعطييييييييييييك الف عافيه