|
مسابقه : يا تقنعنا نكون معاك ، يا نقنعك تكون معنا
السلام عليكم ورحمة الله وبركاته اطرح بين ايديكم موضوع يتميز بتواجدكم دائما تتكاثر المواضيع التي تتخلص في كلمتين دائما ما نرددها ونحن نناقشها ولكن ارى ان الاغلب نسي او تناسى مفهومها او الى اي مدى تصل هنا اطرح لكم موضوع جديد يجدد روح النشاط ، له ابعاد قد تبعد مئات المواضيع واختلاف الاراء ما الله به عليم ،،، يتكون من اطراف تشمل جوابا شافيا وكافيا ومفصلا عن : مفهوم ، وفاعلية ، ونقاش ، وحوار ، وسبل الاقناع عن موضوعي المعنون بـ : يا تقنعنا نكون معاك ، يا نقنعك تكون معنا هنا طريقتنا في انه نختار عضوء ونضع له نقطه او محور من محاور الحياه الزوجيه ويكون لديه فرصه لمدة ثلاث ايام يناقش فيه الاعضاء من كل جوانب الموضوع وطبعا المكافئه تكون له بعد ثلاث ايام المده المحدده لكل عضو زيادة مشاركات :وهي 500 مشاركه لكل عضو يكون ضيف معنا ويكون لكل عضو موضوع لوحده مستقل عن هذا وهنا يكون ضيفنا لهذه الليله هو (ghqv) الغامض واول محور هو العصبيه بين الزوجين اعداد اختكم: سحابة شوق واخوكم : ابو وريف |
مجددة الافكار انتِ يالسحابة0
اشدّ على يدك. |
اقتباس:
وعليكم السلام ورحمة الله وبركاته حياك الله اختنا سحابه شوق وبارك الله بالجهود ولكي كل الشكر على اختياري والشكر يتواصل للذيب ابو وريف المسابقه ماشاء الله شكلها روعها مع اني ما فهمتها (qq152) يا اقنعكم يا تقنعوني حلو وانا متأكد اني بقنعكم وبتقولون الا صح عليك يابطل :c010: لكن مدري انتم تبوني اهذر عن العصبية والاعضاء يتداخلون معي والا الاعضاء يسألون وانا اجاوب والا اسألهم وهم يجاوبون الثمره اني بتكلم عن العصبية بين الزوجين وبطلق العنان لفكري وافكاري الجهنميه ليستفيد الجميع باذن الله متزوجين او على قائمة الانتظار (a21) |
هلا بك شاعرنا , لا شكر على واجب .
مثل ما تفضلت الاخت سحابه , موضوعك عن العصبيه , وانت تكتب اسئله ونتناقش فيها مع بعــض والعكس . وان شاءالله راح يكون للموضوع فائده للجميــع . |
عندي سؤال لك يا الذيب .
1 - ما هي الاثار السلبيه على الزوجين من خلال العصبيه ؟ |
مشكورين
س/اذا الزوج يعرف وش اللي يعصب زوجته ومع كذا يسويها وحجته احب انرفزها او احب شكلها وهي معصبه هل هذا يعتبر حب او كره؟؟ |
الله يعطيش العافيه سحووبه مسابقه رووعه:c010:
يالغامض الحين بعض الرجال يجيك عصبي ونفسه براس خشمه وأسلوبه زفت ويكون متعمد وأخلاقه أعوذ بالله مقفله لادخل للبيت وماغير ينافخ ويصارخ وبطبيعه الانثى بعض الحريم تتروع من العصبي واللي أسلوبه وطبعه كذا وتكرهه وتبغضه ومستحيل تتقبله بقلبها الا مجبوره بعد فوات الاوان يجي الزوج يرمم أخلاقه وطباعه ...اذا ماتقبلته الزوجه ..من يتحمل الغلط الاكبر؟؟ سؤال ثاني ..الحين ليش بعض الرجال يفكر أن العصبيه والاسلوب الزفت انها رجوله ويعنني شخصيه؟؟ |
اقتباس:
حياك يالذيب الاسحم تسلم |
اقتباس:
العصبيه وانا اخوك لها تأثير كبير على حياة الشخص عموما وحياته الزوجيه خصوصا من الاثار السلبيه 1- انها تجعل البيت دائما مشحون متكهرب الجميع على اعصابه في اغلب الاوقات 2- انها تدفع الطرف الاخر لتوخي الحذر ويحسب لتصرفاته ويعيش تحت ضغط نفسي مستديم 3- اتخاذ القرارات الخاطئة بل والقاتله احيانا 4- تجيب الضغط والسكر للعصبي واللي معه وحوله 5- تؤدي الى خلق فجوه بين الزوج او الزوجه والابناء وبالتالي يتجنبون الحديث معهم عن مشاكلهم وحاجاتهم طلبا للسلامه |
الله حلو الموضوع
يلا شد حيلك يالغامض وخليك ريلاكس ماينفع يكون الزوجين كلهم نار شابه تلاقي البيت كانه حلبة مصارعه الافضل ان يكون احد الزوجين عند حدوث خلاف بينهم هادئ ومتحلي بالصبر اذا احد الزوجين شد الحبل فالاخر يرخي من الجهة الاخرى لكي تكمل سفينة الحياه مسيرها وتتجاوز العقبات لكن هناك رجال او نساء مبدا العصبيه لايتنازلون عنه ياخذون بعض بالصراخخ ماشين ع مبدا خذوهم بالصوت لايغلبوكم فمتى وجدت العصبيه والصراخ وعدم الاحترام ف المنزل فقد احلى واروع هدف ف الزواج وهو الموده والرحمه بعض الرجال تلاقيه مع اصحابه قمه ف التعامل ولادخل بيته كشر واخفى ملامح السعاده يامر وينهى وياويل لو تخالف اوامره هنا تبدا الحياه الزوجيه ب وضع الحواجز بين الزوج وزوجته فيبدا ظهور الطلاق العاطفي وحابه انبه انه حتى لو جات ازمه زوجيه وعصب احدهما من الاخر لايمنع ان يكون تعصيبه باسلوب وعدم استخدام الكلمات الجارحه ويعطيكم الف عافيه |
| الساعة الآن 03:09 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir