|
نداء عاجل للاشتشاريين... انا مظلومه ولا اقدر ان اثبت له برائتي!!
احبتي بعد ان تعبت وعانيت اضع مشكلتي بين ايديكم لعلي اجد الحل.... احبتي تعبت وتعبت نسيتي حياتي صارت كئيبه عيالي اصبحت معهم ام ثانيه عصبيه وحزينه وعايشه معاهم بجسدي قفط..ترددت في طرح قضيتي..لاسباب عديده انا متزوجه من عشرين سنه وعندي خمسه اطفال اكبرهم عمرها 18سنه... زوجي محبوب من الجميع له شخصيه الكل يحترمها وله وظيفه مميزه ومرموقه طيب خدوم عرف عنه حبه لخدمه الاخرين ؟؟في البيت مرح معي وعيالي..عصبي جداًاذا غضب وهذا شي طبيعي ...يحبني لدرجه انه دائماً يتغنى باسمي يقول لي ان الاباء يحبون ابنائهم اكثر من زوجاتهم لكن انا احبك اكثر من عيالي...اذ رحت ازور احد يتصل علي لاتتاخرين .... من حوالي سنه رايته حزين لدرجه اني ماشفته بهاالحاله سألته قال بعدين اقول لك !!!وكانت عيونه حزينه جداً تركته ايام لكني اصريت اعرف اللي فيه..تفاجئت به يقول لي جيبي المصحف وابيك تحلفين عليه تقولين الصدق !!سويت اللي طلب لكني تفاجئت بالسؤال..ابحطكم في الصوره ..((كنا مسافرين لبنان من 13سنه وكان عندنا سواق سوري واخوه يشتغل بالرياض وعطانا رقم اخوه قال راح يكون السواق تبعنا وراح يخدمنا ..في مره من المرات كنا مسافرين لمدينه بحريه في لبنان وفيها شاليهات اخذنا شاليه وجلسنا ليله..اخذنا غرفتين غرفه لي وعيالي وغرفه لزوجي والسواق...يقول انه في ذاك اليوم حس ان السواق مانام وانه مالقه في السرير ومااهتم بالموضوع.. في الفتره هذي اخوه اللي بالرياض زار زوجي في مكان عمله وسلم عليه وساله عن اخوه قال له يسلم على المدام وعليك!!!زوجي جن جنونه ليه قال كيذا ويقول عيونه حسيت فيها كلام بس ماحبيت اساله..)) السؤال اللي سالنيه كان كصدمه كهربائيه لي انتي لك علاقه معه وش صار معكم ذيك الليله!!انصدمت بسؤاله واخذت اساله ليه تشك فيني وبعد 13سنه من سفرتنا تسالني طيب ليه ذكر لي القصه وانه كان شاك فيه وماارتاح وانه يوم كانويسبحون لاحظه جاء عندي يكلمني.... وزوجي كان بالبحر...ذكرت له السبب وانه كنت جاسه على كرسي انتظرهم كان فيه شباب يمرون علي كم مره ويرمون كلمات وقحه وكانويتغزلون بعيوني لاني كنت منقبه وكنت خايف منهم وعصبت من زوجي لانه مااهتم ..اهو لاحظ الشباب وجاوسالني وعلمته راح لهم وتفاهم معهم..ومضت القصه زوجي كان متوقع انه جاي يسولف معي على قولته اويخطط معي ..حلفت له وانه ماكان مني ومنه اي شي ..وبكى وقال الحمدلله كنت خايف من الجواب علشان كيذا ما ناقشتك!!! ومضت الا مور لكن بعد فتره عاد الموضوع وانه مازال في قلبه شك بكيت وحلفت له وحاولت اثبت برائتي والحمدلله انتهت المشكله ..وعدت شهور على خير.. لكن جتني مصيبه اكبر واعظم في يوم من الايام وبعد صلاه الفجر كنت اصلي سمعت صوت تحت غرفتي عفوياًطليت من الشباك وكانت غرفتي واجهه اليت يعني تحت مجلس الرجال وباب الرجال الخارجي كنت ابشوف مصدر الصوت !!حمق علي وقال ليه تطلين من الشباك وفيه سيارات .. تاسفت لكن من يومها وحياتي في جحيم..اصبح يشك فيني وانني اخونه وانه يشوف سيارات تجي عند الحاره واذا راح يصلي الفجر يلاقي سياره في الحاره ويطالعه وانه له علاقه معي...حاولت افهمه ان مالي علاقه معه وانني بريئه ولايمكن اخونه وانا اخشى الله واحبه ولكن لم يصدقني وحياته معي تغيرت اسلوبه ..اصبح حزين وكئيب..وكلما حاولت اقنعه يقول خليها على الله .. يوم من الايام جاء من صلاه الفجر واهو غضبان وقال خلاص يابنت ريحتك فاحت بس ليه تخونيني وش سويت وان عنده ادله واثباتات وعنده ارقام تلفونات وان عندي رسايل منهم واكلمهم..لاتسالوني عن موقفي اصبحت مذهوله من كلامه وابكي واحلف اني بريئه ولايمكن اسوي كيذا وسالته وين الصور ورنيها وين الارقام ضحك بسخريه وقال تلعبين على نفسك انتي تمسحين الارقام والرسايل بس انا اقدر اجيبها قلت خلاص جبها .. اخذ يستهزاء بكلامي واني خاينه ومااخاف الله ..قلت خلاص انا ابطلع واترك البيت لكن اذا عرفت برائتي ماراح اسامحك لانك ظلمتني..اخذ يستهزا ويقول ياليت انا ظالمك طلعت من الغرفه وجالي واخذيستسمح ويقول ليتني ماقلت لك لاني احبك ومابي اخسرك حتى لو سويتي شي ؟؟صرخت في وجهه وقلت انا ماسويت شي وانفجرت بالبكاء لدرجه اصبت بالدوار وانا اقول والله اني بريئه صدقني ...اخذني للغرفه وتسامح مني وانه ماراح يشك فيني.. قلت له خلاص الغي الشباك رفض كرهت غرفتي وحياتي معه...في رمضان كان اسؤءسنه لي وكل ماسالته ليه حزين واحاول ابين له اني بريئه لكن دون فائده .. يعني نجلس ايام مبسوطين ونرجع للهم اصبحت حياتي مهدده اصبحت اعيش في خوف من المجهول ..زعلت في رمضان وقررت اروح لاهلي واقولهم عن كل شي لكنه منعني ورفض بشده .. بينت له اني ماقدر اتحمل العيش معه وظلمه وقلت له... مابي ادعي عليك لان دعوه المظلوم مستجابه قال ياليتك مظلومه ,,واخذ يبكي ويقول خربتي حياتي ليه تخونيني انا احبك لدرجه حتى وانا بالعمل افكر فيك واشتاق للرجوع للبيت ..والحين كرهت البيت وكرهت العيشه فيه..اشفقت على كلامه لكن انا مظلومه كيف اثبت له ماني قادره يقول لي انه ركب كميره في المجلس بس ماشغلها مايبي يشوف شي يكدر عليه سالته وينها وحاولت اقنعه يشغلها لكنه رفض ...وبعدها تصالحنا لكن للاسف كل فتره يرجع للموضوع ... يقول انتي عارفه وانه شايف واحد طالع من البيت الفجر... يقول انه شايف واحد طالع من البيت الفجر...وانه طالع وركب السياره ..قلت له ليه مالحقته قال انحاش ومابي انصدم من كلامه!!!!!!!!!!!!!! احبتي اعرف اني اطلت عليكم اعذروني ..حاولت اقنعه يعرض نفسه على طبيب نفسي لكنه رفض وان مافيه شي لانه يجيب لي اثباتات ماهي صحيحه وانا ماسويتها... تكفون ساعدوني حياتي تبدلت من نعيم الى جحيم,,بيتنا اصبح كئيب ..وحزين ...بنتي تقول يمه شكل احد صايبنا بالعين...انا الان اعيش معه تحت سقف واحد بالجسد فقط لكن هو مازال يحبني ويقول ليتني مااحبك كان اهون علي لوتدرين يابنت الناس وش لك محبه في قلبي....ويقول لي اذا شفتيني حزين لاتخليني خليك جمبي ..... والله احترت وتعبت ساعدوني .. الى كل الاشتشاريين اناشدكم بالله ان تساعدوني لاني لم ولن احكي قصتي لاحد لانه حذرني خوفاًعلى بناته من الفضيحه.. مشكلتي لم تنتهي لها بقيه!!! |
احبتي يعلم الله انه
لااحد يدري من مصيبتي الاالله اللذي التجاء اليه في جنح الظلام انه يظهر الحقيقه امام زوجي ويفك ازمتي ويكفيني شر من ابتلا ني... يعلم الله ان صدري حزين وكان صخره عليه ولا اقدر ان ازيحها ... حياتنا تبدلت من فرح وسعاده لحزن وهم وكأبه.... ((اللهم يامخرج برائه يوسف عجلي ببرائتي اللهم اكشف لزوجي الحقائق)) |
لا إله إلا الله ولا حول ولا قوة إلا بالله العلي العظيم
اسأل الله العظيم رب العرش الكريم أن يفرج همي وهمك وأن يشفي زوجك والله يا أختي أني بكيت من سالفتك الله يفرج همك ويسر أمرك ويشفي زوجك ويكفيكم شر من ارادكم بشر انا انصحك بقراءة سورة البقرة في بيتك لأن النبي صلى الله عليه وسلم قال ان البيت اللي تقرا فيه يفر منه الشيطان وانا اتوقع ان الشيطان حسدكم على حياتكم وزرع الوسواس في قلب زوجك وزينه فيه حتى وصل لهذي الحاله الخطيره بس انتو وش وداكم لبنان .... الله يقلع لبنان والله اني ما احبها !!!!!!!! ماجاكم البلاء الا منها بس اقري سورة البقره وادعي ربك في جوف الليل ان يشفي زوجك ويذهب ما في قلبه من شك وتصدقي لعل الله يكشف ما بكي من هم الله يعينك ويحفظك وزوجك وذريتكم من كل شر |
هلا حبيبتي ..
زوجك مر بصدمة نفسية قريبة .. وهذا شي ما حسيتي بيه ويمكن هو كبحها وطواها في نفسه واتطورت الصدمة الى اكتئاب . واتطور الاكتئاب الى وسواس قهري واصبح الوسواس يتطور اذا مارح لطبيب نفسي رح يتطور الامر الى مالا يحمد عقباه انا ما ابغى اخوفك .. بس ابغاكي تكوني في الصورة واي شي تحتاجيه تامري امر اسألي باللي تبيه من استشارة الى جلسات نفسية واعتبري كل جلساتك هدية مني لين تنصلح امورك مع زوجك |
بسم الله الرحمن الرحيم السلام عليكم ورحمة الله وبركاته والله حاسه فيكِ وفي ضيقك أختي الكريمه والشكه لدخلت قلب الزوج صعب تطلع منه وتصير كل حركاتك مراقبه حتى لو عفويه .... أختي الغاليه... من قدرت تعيش مع زوجها عشرين سنه بسعاده وراحه ماتقدر تعدي هالأزمه وأنا أعتبرها أزمه وتعدي أول شي لازم ترجعي الثقه بقلب زوجك قبل كل شي بمراقبة حركاتك وكلامك وحتى جوالك ياقلبي لاعاد تردي عليه كل مادق أحد عليك أجعلي أحد يرد عنك تصرفي عادي جداً ولكأن شي حصل بينكم وإذا جاء زوجك أبتسمي في وجهه ولاتناقشيه في أي موضوع وحتى لو حاول يفتح موضوع معك روحي لأي مكان في البيت وحتى لو تجلسي تطبخي أهم شي لاتفتحي الموضوع أبداً... زوجك ياقلبي جالس يشك بكل شيئ حتى لو تضحكي ألحين فسر ضحكتك على أن فيك شيئ... سورة البقرة لاتتوقف في بيتكم على طول شغليها في البيت تحميكم من الشياطين ثلاث أيام... والأستغفار أكثري منه لاينقطع من لسانك أبداً والدعاء ياغاليه أكثري من الدعاء بصلاتك وخاصة صلاة الليل وفيه أدعيه أكثري منها: لا اله الا الله العظيم الحليم لا اله الا الله رب العرش العظيم لا اله الا الله رب السماوات السبع ورب العرش الكريم (دعاء البلاء والغم):لا اله الا انت سبحانك اني كنت من الظالمين (دعاء لمن اصابه هم او حزن):اللهم اني عبدك ابن عبدك ناصيتي بيدك ماض في حكمك عدل في قضاؤك اسالك بكل اسم هو لك سميت به نفسك او انزلته في كتابك او علمته احدا من خلقك او استاثرت به في علم الغيب عندك ان تجعل القران العظيم ربيع قلبي ونور صدري وجلاء حزني وذهاب همي وغمي (دعاء المكروب):الللهم رحمتك ارجو فلا تكلني الى نفسي طرفة عين واصلح لي شأني كله لا اله الا انت (دعاء ازالة الهموم):ياحي يا قيوم برحمتك استغيث (دعاء من اصابه كرب وشدة):الله ربي لا اشرك به شيئا (دعاء لدفع الهم وانواع البلاء):لا حول ولا قوة الا بالله العلي العظيم (الدعاء باسم الله الاعظم يزيل الهموم والكروب) اللهم اني اسالك بأن لك الحمد لا اله الا انت وحدك لا شريك لك المنان يا بديع السماوات والارض ياذا الجلال والاكرام اللهم اني اسالك بانك انت الله الذي لا اله الا انت الاحد الصمد الذي لم يلد ولم يولد ولم يكن له كفوا احد توكلت على الحي الذي لا يموت الحمد لله الذي لم يتخذ ولدا ولم يكن له شريك في الملك ولم يكن له ولي من الذل وكبره تكبيرا (دعاء ابراهيم عليه السلام):حسبنا الله ونعم الوكيل رب لا تكلني الى احد ولا تحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لا شريك له ولا ولد خذ بيدي من الضلال الى الرشد ونجني من كل ضيق ونكد اللهم امين و هذه الادعية الصحيحة التي وردت عن خير البشر صلي الله عليه وسلم دعاء الهم والحزن: " اللهم إني عبدك ,ابن عبدك ,ابن امتك ,ناصيتي بيدك ,ماض في حكمك عدل في قضائك ,أسألك بكل اسم هو لك,سميت به نفسك ,أو أنزلته في كتابك,او استَأثَرتَ به في علم الغيب عندك,أن تجعل القرآن ربيع قلبي ونور صدري,وجلاء حزني,وذهاب همي" رواه الامام احمد وصححه الالباني "اللهم إني اعوذ بك من الهم والحَزَن ,والعجز والكسل,والبخل والجبن,وضلع الدين وغلبة الرجال" رواه البخاري وكان الرسول صلى الله عليه وسلم يكثر من هذا الدعاء دعاء الكرب : "لا إله إلا الله العظيم الحليم,لا إله إلا الله,رب السماوات ورب الأرض ورب العرش الكريم" رواه البخاري ومسلم " اللهم رحمتك أرجوا فلا تَكِلني إلى نفسي طرفة عين وأصلح لي شأني كله,لا إله إلا أنت" رواه أبو داوود وأحمد وحسنه الالباني " لا إله إلا أنت سبحانك إني كنت من الظالمين" رواه الترمذي والحاكم وصححه ووافقه الذهبي والحياة ياقلبي تبي جهد وتعب وماهي دايم الحياة سعاده وراحه لازم تمر بالحياة ظروف صعبه وأمور تحتاج منا صبر وتحمل ولكن من لجأ لله سبحانه بصدق نيه إن شاء الله بتنحل كل أمورك وتمر بسلام ولكن نصيحة أخت لازم ترجعي الثقه بقلب زوجك وتتقربي له أكثر وأكثر من قبل وأهم حاجه لاتفتحي أي موضوع معه حتى يقدر ينسى كل ماهو فيه ألحين ... وأي شي أعتبريني أختك وصديقتك أختكم هدهد |
الله يكون بعونك
|
السلام عليكم ورحمة الله
اختي الكريمة اسمعي مني يرحمك الله زوجك لايقول هذا الامر رغبة في ايذائك وهذا واضح من وصفك للمشكلة لكن داخله شكوك اقوى منه وتجبره على التلفظ احيانا بما تكرهين وصدقيني انه يندم بعد كل مرة يقول لك مايجرحك فتأكدي اختي الكريمة انه مايفعله هو رغما عنه ليس بإختياره اختي اسألك بالله هل تتحدثين عن حب زوجك لك امام احد غير امك وابيك ؟ اجيبيني يرحمك الله |
اقتباس:
لاوالله لااتحدث لاحد عن حبه انا من النوع اللي مايحب يتحدث عن حب زوجي لي حتى لايفهمني الغير بانني ادعي ذالك او انني مغتره بحبه لي ...يمكن مشاعره هي اللي تتحدث اسلوبه معي في الكلام امام اقاربي واقاربه ....يمكن لانه مايبخل علي بشي |
اقتباس:
لاشكيه الاللواحد القهار كم بكيت في جنح الظلام وكم دعيته ان يفرج همي اختي انا اصبحت اخشى القادم .... بالامس كنت اميره ببيتي واليوم اصبحت كا الخادمه .. زوجي يقفل الابواب الخارجيه للبيت حتى مدخل الرجال يضع مفتاحه في سيارته واذا حظر احد لزيارتنا خجلت من تصرفه... مفاتيح البيت يضعها تحت الوساده اذا اراد ان ينام ..حاولت اقنعه اني مو.....خاينه لكن دون فائده .. اذا ممكن اتواصل معك بلقاء اكون شاكره ولن انسى هذا الموقف لك... لان حياتي تحطمت واصبت بالسكر وانا مازلت صغيره... |
اقتباس:
بالنسبه للبنان من 12سنه حياتناماتغيرت كانت عاديه ولله الحمد,, المصيبه ماطلعت في حياتي الا من سنه...واناولله الحمد ملازمه لسوره البقره كل فتره اقرأها كامله .. اخوي دعواتك لي جزاك الله خير |
| الساعة الآن 08:39 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir