|
كنت .. !
عندي احد اخواني يبي يتزوج
خريج جامعي وشطور ويحب الحياه . قلت في نفسي ابي ابحث له عن زوجه بنفس طموحه ومستواه الدراسي العالي . فيه احد اصحابي اخته خريجة احد التخصصات العلميه الصعبه وكل مستوياتها الثقافيه والعلميه قريبه من مستوى اخوي. قلت ابد غمزت الصناره وجاك الصيد يالعازف وبتكتمل حياة اخوك بمن يحب. طبعا لسا ماسويت شيء ولا فاتحت حتى اخوي بالموضوع كنت مع صاحبي اللي هو اخو البنت وجلس يتكلم عن اخته المتزوجه اللي هي اخت من غمزت صنارتنا عليها. وقال كنت انا وهيه امس بالمحكمه قلت خيرر وش فيه قال ابد رفعت شكوى طلب خلع من زوجها قلت ياستير شلي صار يابو احمد قال ابد ماتبي تعيش معاه واكتشفت ان التوافق بينهم زيروو وماقدرت تتعايش مع حياته وبدائية تعامله. قلت بينهم عيال قال ولاهمها وظيفتها موجوده والمحكمه بتجبره على نفقه وسكن . قلت طيب حاول معاها بالنصيحه قال لا والله انا كنت مؤيد لمطالبها . قلت انا وش صاير على الناس وليه صارت موضة الخلع عاده في مجتمعنا. المهم حمدت ربي ان الموقف حصل قبل لا أورط اخوي في زواج يمكن مايجني من وراه الا التعب والهم وجرجرة المحاكم.. (qq136) |
رد: كنت .. !
الحمد لله لحقت حالك
|
رد: كنت .. !
قلت في نفسي ابي ابحث له عن زوجه بنفس طموحه ومستواه
الدراسي العالي . فيه احد اصحابي اخته خريجة احد التخصصات العلميه الصعبه وكل مستوياتها الثقافيه والعلميه قريبه من مستوى اخوي ^ يعني الاختيار الحين بالشهادات والمستوى الدراسي؟(a21) طبيعي النتيجة اللي صارت اذا كانت هذي اسس الاختيار . وش صار بالدنيا؟ (hjh) |
رد: كنت .. !
اقتباس:
|
رد: كنت .. !
اقتباس:
لا مو بالقصد ولكن اعرف اخويه زين مايفهم في لغة المحبين أي شيءءء يعني تقدري تقولي سالك اتجاه معين ولا يعرف العالم الثانيه كيف عايشين . لذلك كان تفكيري ان من تناسب حياته زوجه قريبه من افكاره . هذا القصد يعني مش معيار للزواج .. ولكن ظروفه جايه كذا .. عموما اكتشفت انه في الأخير اغلب توجهات الحريم واحده مهما اختلفت مستوياتهم. تغلبها وتحكمها العاطفه ومتى ماتمكنت من الزوج تخنق بالطريقه اللي ترضي غرورها . موب تعميم ع الجميع ولكن ملاحظ اكتشفه الكثير من الناس وخصوصا بعد برامج تمكين المرأه . |
رد: كنت .. !
اقتباس:
تطلبون شوفة السجل الاكاديمي :c010: مهسترين انت واخوك المحب للحياة ههه |
رد: كنت .. !
اقتباس:
اما قرب الافكار اتفق ولكن الافكار لانستطيع ان نقيسها بالمستوى التعليمي!! ربما يجد فتاة تناسبه وتناسب افكاره ولكنها ليس لديها شهادة جامعية . المرأة عاطفية نعم ولكن ليس دائماً تحكمها العاطفة ولا اعتقد ان توجهاتنا واحدة ! الغرور بسبب المناصب والشهادات انما بسبب خلل في نفس المرأة ولا يمكن ان نعمم لذلك نرجع ونقول اهمية الاختيار الدين والخلق اولاً ، لأنها وان حصلت على اعلى الشهادات لن يكون للغرور مكان في حياتها |
رد: كنت .. !
اقتباس:
واذا ما خليت الشهادة اساس في اختيار شريكي الابدي في الحياة وش اختار اجل ؟! بعد الدين والعفه والحياء طبعاً والشهادة والتحصيل العلمي بند من بنود الاخلاق الزوجة المتعلمة اقدر من غيرها على فهم الاشياء واقدر من غيرها على اتخاذ القرارات الصائبة واقدر من غيرها على التخطيط ورسم الاهداف راح اقطع معها مدة طويلة من عمري برفقة اطفالنا نحتاج تأهيل عقلي جيد حتى ننجح بعد توفيق الله |
رد: كنت .. !
اقتباس:
شكلك منت مركز مجد وش جاب سيرة شوفه شرعيه بالموضووع . احنا يادوب قلنا ياصلاة النبي وتفركشت الفكره . ركزززز :whwhwh: |
رد: كنت .. !
اقتباس:
معيار الدين والأخلاق اساس لمن اراد حياه زوجيه سعيده بهذا الزمن صعب جدا ان تعرف عن أي احد سواء اخلاقه او طيبه او تدينه بسبب الأنفتاح الغير مدروس اللي لخبط كل إعدادات المجتمع للأسف . واصبحنا نردد عش رجبا ترى عجبا بكثره . |
| الساعة الآن 12:16 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir