|
[§][ كــشكـوول عمـري راح كلــه شخــابـيــط (1) ][§]
هــذا المــوضــوع برعــاية
عصار فكس لعيون جميله وصحيه عصــار فـكــس مــش حـتـقدر تــفــتـح عـيـنيك <<< وش رايكم اصلح مسوق للمنتجات ~ مدخ ــل ~ الا ليــت الـشبـاب يـعــود يـــوما فــأخبــرهـ بـما فـعـل الـمـشـيـب في الخامس عشر من تموز شباط ايلول الثالث عشر في ليله هي من خلتني استعيد سيدي الذكريات <<<< ساقط مع مرتبة الشرف في التعبير واللغة العربية (a14) كنت قد خرجت من المنزل لكي اقبع الزقاره واعود (q30) ذهبت متجها الى حوض الددسن فتحت الباب الخلفي وانسدحت على ظهري <<<محشش يدخن وهو منسدح ياألله كم هي جميله تلك الرائحه الموجوده بالحوض <<< الددسن لنقل الغنم على فكرهـ نظرت الى السماء فأبهرني ذاكـ المنظر فما أجمل خيوط الشمس مع وجود القمر هذا المنظر اللي لو تفحط ما راح تشوفه ولكي اجعل الأجواء اكثر رومانسيه نقزت من الحوض الى الغماره عشان اسوي ترن اون للمسجل <<< متعوب عليها وبدون تفكير وظعت شريطي المفضل لفناني المفضل بشير شنان ثم رجعت للحوض وانسدحت مرهـ اخرى وهنا بدأت استعيد الذكريات ايام حلوهـ لا تنسى فهل هناكـ من ينسى أيام النطفه ... أيام المضغه ... أيام الرحم وايام وايام <<<<< متخرج بإمتياز من مستشفى شهار :z03hhhh9: دعوني اشطف كل هذي الأيام وأبدأ من أيام الطفوله اصرفلي واصرفلكم °o.O » شلــــــــــــــة الشــــــــــارع وأيــــــــــــام الطفـــولة « O.o° كنت طفلا مثل اي طفل <<<< ينقاله جاب شي جديد نشأت وترعرعت في حواري الرياض وشوارعها النظيفه فما اجمل العاصمه بأحيائها الجراديه والمنفوحه والعريجا وغيرهـا كثير كنت السابع في الترتيب من الأكبر الي الاصغر بين اخواني ويصغرني خمسه<<< اذكروا الله والأدهى والأمر هو انه لا يوجد اي شباصه من بين هؤلاء الجحلط لذلكـ فأنا لا اجيد التعامل بلطف مع الفتيات الصغار كرومانيا مثلا(a14) <<< انـا بوجه رحمالوف حتى بلغت الخامسه من عمري وصار لازم ادخل في المرحله المعتاده لهذا العمر الا وهي مرحلة °o.O » الـلـــــــعــــــــب بــــــــــالـــــــــــشـــــــارع !!! « O.o° وبحكم انا صغار السن كان ما فيه شي اسمه عوايل لذلك كونت شلة كانت عباره عن مجموعه من البراءة والبساطه في التفكير تظم الاتي رئيس الشله احم احم نورهـ نائبة الرئيس ولو تبي تصفق رحمالوف حلالها (a24) <<< اشوا اني بالرياض ماتقدر تسوي لي شي(a26) دحيم دلخ الشله (confused)<< افادني في أمور كثيره اهمها راح اقولكم بعدين عبادي ورع المهمات الصعبه سارهـ يحلفون انها تزوجت واحد وحمل منها (z) كنا دائما نلعب كرة القدم وكل يوم يطلع واحد مصاب والسبب سارهـ ودايم فيه اختلاف على تحكيم عبادي <<< أكبر غشاش بالدنيا يلعب على مبدأ الأعمال بالنيات يعني اذا ضيعت الهجمه وكنت ناوي تجيب هدف يحسبه هدف لذلك هو اكوس حكم بالدنيا(a14) اما دحيم كان اذا صار بلنتي اخليه هو يصير حارس واحرك يدي كأني أعشق سيارهـ وكانت الحركه ذي تدل على تلميح اني راح العبه اتاري واللي ما يعرف الأتاري هي عباره عن لعبه عصا التحكم فيها على شكل قير سيارهـ هو يفهم ويخلي الكورهـ تجي هدف :40ghr21: <<< مع مرور الوقت صارت حركة التعشيق تدل على شئ ثاني الله يكفينا الشر (qq152) لكن الان الشله كلها بجهه ونورهـ بجهه ثانيه (a13)°o.O » قصــــة الحــب ويــادانـه بعين بحاركـ ترى الإحســاس ربانــكـ « O.o°(a13) كنت دائما سارح البال يأخذني التفكير بعيدا خاصه وانا العب معهم فقد كانت نورهـ طاعجه قلبي طعج<<< يا روحي يالتعبير الرقيق (a24) كانت نورهـ ذات عينان زرقاوين وشعر اشقر ناهيكـم عن الطول الفارع والعضلات المفتوله <<< كل تــبن كنت انظر الى الهواء وهو يداعب خصلات شعرها المغبر واختلس النظر الى ساقاها الجميلان اللي تقول سيقان شغاله <<< قال برائه قال ولا يخفاكم شكلي وانا مفهي وفاتح فمي وساعبيلي تقوطر كان هناك شي يجذبني لهالبنت ارتاح عندما اكون بجوارها لكن الـمـصـيـبـه ان الشعور لم يكن متبادل فهي تعتبرني احد افراد الشله فقط هنا بدأت افكر كيف اسحبها على وجهها <<<< يا شيخ وفي ذاكـ اليوم الجميل والمشجع على الرومانسيه كانت سماء الرياض تمطر علينا بغبارها الجميل انطلقت لصديقي الصدوق دحومي تذكرونه<<< الظاهر انكم معاي بالحاره وانا مدري المهم انطلقت له وكلي ثقه انه راح يقبل اللي بقوله بحكم دلاخته مباشره اتجهت لزاوية البقاله حقت ابو ذياب ولقيته كالعاده ينقش خشمه وينصب على شلة الحارهـ اخذته من بينهم قلتله اسمع دحومي بعد شوي راح نبدأ اللعب وأبيك تعكرشلي وفي راويه تعكربلي وفي روايه اخرى تكسرني بعدها اقوم انا وصطركـ قدام نورهـ وافق الدلخ بشرط اني اخليه يلعب عندي اتاري فقد كنت الوحيد الذي يمتلك هذا الجهاز بدأ اللعب وانطلق دحيم متجها الي فردسني ردسه لعنت نورهـ بعدها وقالي انت حمار ما تعرف تلعب لم يكن هذا بالاتفاق مما خلاني ارقعه بكف فقد على اثره حاسة السمع لمدة اسبوع تزاعلنا وانا دحيم مده وتراضينا لكن المهم أن الخطه نجحت وجاكـ يا مهنا ما تمنا (qq92) ومن تلكـ الحظه اصبحت نورهـ نائبة الرئيس واخذت فيني مقلب اني قوي وصرنا بدل مانلعب العصر نتمشى سوا وناخذ لفه على الحاره وطفرت بي من كثر ما اباشرلها من البقاله <<< المباشره عن الشخص هي ان تدفع عنه مثاله لو قال احمد لصعفق باشرلي بريال فأن صعفق يقول اكد عليك انت ووجهكـ (zm)<<< مستقبل مدرس لغة عربيه(a24) المهـــم مــرت الأيــام والشهور والسنين وحبنا في ازدياد حتى وصلنا سن العقل قصدي سن السادسه °o.O » ســــــــــــنــــــة الصـــــــــدمـــــــــــــــــــة « O.o° فاجئني أبوي بموضوع لم يكن بالحسبان انصدمت وتأثرت ورحت فيها وجتني نفسيه وبواسير <<< الاخيره مدري وش دخلها والسبب بيسجلوني بالمدرسه!!! لا .. لا مو معقووول تكفى أبوي لا مابي مدرسه تكفى تكفى اصيرلك خادم ابوس راسكـ ابوس ايديكـ طلبتك انا ولدكـ تسوي فيني كذا يمه تكلمي تكفين بمووووووت فكوني بمووووووت ارحموني انا ولدكم <<<<وانتهى هذا المقطع من المسلسل الخليجي لكن في النهايه رضخت للأمر الواقع وسجلوني في المدرسه لكن وين وين مستحيل لا ما يصير مو معقول ما اقدر اتركها ليه تسوون فينا كذا نورهـ ياناس ماعاد فيه نورهـ ماعاد فيه لعب بالشارع ما عاد فيه فرفرهـ على السيدين <<< اللي يشوفه يقول معه سياره ذاكـ الوقت كلها سيكل ابو ثلاث كفرات(a14) من بعد هالموقف طلبت من عبادي الجوهر يغني تدرين وادري بنفترق تدرين قلبي بيحترق <<<< اقول لا يكثر تأثرت بشكل كبير انطلقت لغرفتي واغلقت الباب<<<< اي غرفه انت وجهكـ ينام معك اربعه من اخوانكـ وكانت دموعي تسيل فأغلقت النافذه لأن الغبار ادمع عيوني بما فيه الكفايه شغلت طلال سلامه <<< سياره هو عشان تشغله وأغنية مجبور انا اعيش من بعد فرقاكـ وأخفي جروحي بين نفسي وذاتي على فكره هو طلع الأغنية مرتين مرهـ وانا صغير ومرهـ قبل كم شهر<<<< والله من النصب الزايد واللحين ان شاء الله عرفتم ليه سميتها سنة الصدمة لا يجي واحد يقول عشان صارلك فيها حادث والان اعزائي القراء فاصل من بعدهـ نواصل وقصيدهـ للشاعر الكبير أبو عكرش يقول فيهــا البارحه ما تعشيت شربت شاهي مع فليت ونقزت من بيت الى بيت حتى وصلت الكويت 8 8 حفاظا على سلامة عقول الاعضاء راح ارجع للموضوع °o.O » أولـــــــــــــــ يـــــــــــــــوم دراســـــــــــــــــــــي « O.o° الروتين اليومي مع أبوي الله يحفظه ويطول عمرهـ كشكوول يا كشكوول قوم جعلكـ ما تقوم <<< مدري كيف تجي بروح اصحي اخوانكـ وارجع يا ويلكـ لو ما احصلك صاحي يروح ويرجع وانا فاتح فمي واصبعي بخشمي ما يصحيني الا جرته لي مع الجهه الخلفيه للفانيله ومكان الهبوط عن دورة المياه وانتم كرامه عاد منها اغسل وجهي واتجه الى صاله الطعام <<<< قصده السفرهـ اللي عليها الأكل وفجــــــــأه !!! حدهـ شفه جاكـ سكر الباب يا فيصل جرهـ مع شعرهـ نزلوهـ من فوق الجدار فظحنا <<< كانت اوامر الوالدهـ الله يحفظها ويطول عمرها لأخواني وتبدأت هالمعركه يوميا عندما تقبل علي وهي تحمل العطر في يدها الكريمه وانــا لا ما ابي اتعطر ابي ريحة الشارع فكوني ريحة نورهـ تكفيني <<<< اقول لا يكثر ولكن بالأخير اجبروني اتعطر والبس ملابس نظيفه وخربوا روتين حياتي بهالحركه المهم ما تلاحظون اني اكثر من المهم(a24) وحنا طالعين للشارع مديت يدي بمسك يد أبوي التفت لي وقال مسوي حنان انت وجهكـ انقلع بس فنحنيت لكي اجمع ما تناثر من وجهي وبقلبي اقول مردودهـ <<< وش يتسوي يعني واحنا في منتصف الطريق نمشي على رجولنا طبعا بحكم ان المدرسه قريبه جدا واقتصرت مرافقت الوالد لي على أول اسبوع فقط تحاشي الهروب والفركه فإذا بي اسمع صوت مو غريب علي فعلا مو غريب طلع صوت آآآآآآآآهـ يا ويل قلبي صوت نورهـ طالعه من بيتهم مع أبوها وتطالعني وتبكي وفي عيونها نظرات الشوق لي <<< اكتشفت بعدين انها تبكي ما تبي تروح المدرسه انتهى اليوم الأول ببعض الأصابات الطفيفه وبعض المصارعه الحره وقت الفسحه حتى ترجع ريحتي القديمه طبعا مع وجود الشنبات عبادي ودحومي لكن في ذاكـ اليوم اكتشفت اني منكوب بالوراثه صفقت واحد طلع ولد المدير والحمدلله مر اليوم بسلام و كانت أيام اول ابتدائي وثاني ابتدائي ايام حلوهـ بتقولون ليه لأن نورهـ طلعت ما تستحي وتلعب معنا العصر كوووره الــمـهم مرت السنون والشهور والقرون وخلصنا الأبتدائية بفضل الله ورعايته حتى اتت المرحله المتوسطه مرحله مختلفه !! مرحــلة النكبــات!! اشيــاء فعلتها لم اكن لأفعلها يومــا !! بــدايــة الهجوله والزحـف بتعرفي عــلى البلغاري !! ظهــور شــي لطالما انــتظرته كثــيرا !! كل هذا وأكثر في الجزء الثـــاني ومع المتوسطه والثانوي يإذن اللـــه <<<<< أمــــوت في أســلــوب التــشويــق |
اول طنق
|
اقتباس:
|
شـكــ وبارك الله فيك ـــرا لك ... لك مني أجمل تحية .
|
^
^ شكلهـ يقرب صوتو .. خخخخخخخ طنق ... ولي رجعهـ يالمنتهي ..ههههههههه |
اقتباس:
افاا عليكـ ماسوينا الا الواجب كلها الف ريال ما تسوى شي اهم شي سلامة الولد |
اقتباس:
احلا طنق |
اقتباس:
برعاية فكس عز الله عيون العالم راحت وطي ياحبيل ساره بس ياليته مكفختك ومخليتك تروح وطي(vv) اجل طايح قصة حب انت ونوره ماحبتك جود عشان يقالك قوي ههههههههههه يازين البزران(vv) ماودك تروح المدرسه كل هذا عشان نوره(q69) الا تعال وينك امس تطنزتبي وهجيت:SmileyBunny: ننتظر الجزء الثاني بشوق وحماس>> امحق من تعبير يسلمووووو كشكوووووول موضوعك يهبل يهبل يهبل |
كشكول اول مره اشوف لك مووضوع صاحي http://vb.eqla3.com/images/smilies/grins.gif
لي عوده http://vb.eqla3.com/images/smilies/grins.gif |
اقتباس:
|
| الساعة الآن 12:02 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir