منتديات قصيمي نت - بنتي تسوق !!! وانا ضايق صدري وش رأيكم ؟؟؟

منتديات قصيمي نت (http://www.qassimy.com/vb/index.php)

- ملتقى الحوار الفكري المفتوح (http://www.qassimy.com/vb/forumdisplay.php?f=5)

- - بنتي تسوق !!! وانا ضايق صدري وش رأيكم ؟؟؟ (http://www.qassimy.com/vb/showthread.php?t=762174)

بنتي تسوق !!! وانا ضايق صدري وش رأيكم ؟؟؟

السلام عليكم ورحمة الله وبركاته
اخواني اخواتي كل عام وأنتم بخيرين، دنيا واخرة
....
وشبكم هاجدين ، المنتدى ينادي صحصحوني بي النوم
الصدق كنت باكتب عن فلسطين (غزة) الله ينصرهم
والصهاينة الكلاب المفترسة لعنة الله عليهم
/
وثاني في الشئون الداخلية في مملكتنا الجميلة الحبيبة السعودية
/
ولكن جد جديد واخر احداثه من قبل شوي
بنتي تسوق !!! وانا ضايق صدري وش رأيكم ؟؟؟

البارح وام صالح تسولف قالت بنتنا مها تسوق
قلت نعم كيف شلون
المهم بلغيها انا مش راضي عليها
علما انها بذمة رجل.............
.
طبعا هي ما نامت زين وتنكدت وضاق صدرها , ما تبيني ازعل
المهم اتصل علي زوجها هههه مع الاختيار الوقت المناسب أكون رايق
/
اتصل قالي عمي بكلمك بموضوع بس بشرط انت رايق وفاضي والا اخليه بوقت ثاني
قلت وانا عكم تفضل خذ راحتك
قال الصدق بنتك كل البارح وهي ضايق صدرها ومتنكده
الموضوع وما فيه انت عارف انا عسكري وضابط أحيان يجيني مهام وفجئه وامور كثيرة
وثاني شيء فقط تسوق بالحارة للأشياء الضرورية او مستشفى لا قدر الله
ثالث شيء أتوقع افضل من السواق. واكمل بكلام طويل ليقنعني
(طبعا وهو يتكلم اسمعها جنبه تبكي ما تبي زعلي)
/
قلت له الله يرضي عليك انت عارف انا اب أخاف عليها لا قدر الله من الحوادث

وثاني شيء اختلاف الأجيال ، بالنسبة لي شيء ماهو مناسب
ثالث شيء تقدر تجيب شغالة سواقه، قال يا عمي انت عارف فقط شغالة
ولنا اشهر ماجت .وكلام كثير كثير ليقنعني
.
قلت علا العموم ان شاء الله الوقت جدير بحل المسائلة
اهون الموضوع وأشبعه تفكير

وش رايكم انا حيران
ابي رائيكم كلكم ، جميع الأفكار
المتدين والوسط والعلماني
طبعا ما أعلاه تعبير مجازي المتدين والوسط والعلماني، والنفساني

وبس