منتديات قصيمي نت - $ فضآآآوه $

وااااااااااع واااااااااااااع >>اااااااه ياراسي ارحموني شوي طسوا عن وجهي دقايق بس
واااااااااااااااااع واااااااع >>هذا صياح اختي الصغيره
ابي افهم انتي شتبين قولي خلصيني لا بارك الله بالشيطان
وااااااااااااااع ابي اروح البقاله الحييييييين ابي دانيت
نعم ماسمعت بالله عليك ضاقت عليك دانيت الا الحين حبيبتي الحين مافيه بقاله مفتوحه نعنبو بليسك الساعه 2بالليل وين تبيني القى بقاله (qq11)
وااااااااااااااع >>لا زالت تبتسي (g)
انا شوي ويجيني انهيار عصبي بس مسكت اعصابي
يابنت الحلال مافيه احد قايم بابا الصباح نروح مع بعض للبقاله واجيب لك اللي تبين >>مسويه فيها متفاهمه (zm)
سكتت شويه بعدين قالت طيب انا جوعانه ابي اكل
اااااااااه ياراسي طيب بقوم اشوف المطبخ (q99)
واروح اسويله سندويشه جبن ويجيني اخوي الصغير يالله بعد انا ابي سويلي وحده حلوه وحطي معه عسل بعد
انا اطالع له بطرف عيني شغالتن عندك انا ماتعرف تكلم زين
طيب سويلي بسرعه تراني جوعان مره>>انخرش (a14)
انا خلاص لحد هنا وكفايه مابقى الا هالبزران يتامرون علي ااه وينك يايمه تجين وتشوفين اففف ماني قادره اتحمل الحين هي يوم سافرت ليش مااخذتني معه ابي افتك من وجيه اخواني شوي لو اسبوع واحد >>طبعا كل هالحتسي احتسيه مع نفسي الا ع دخله نظره علي تطالع فيني انتي وش بتس تحاتسين نفستس لا الظاهر بك جني تبيني امسطك عشان يطلع (qq166)
انا طالعت له واعصب الحين احر ماعندي ابرد ماعندك
نظره : ليه وش بتس عسى ماشر (a14)
انا : ماتشوفين اخوانتس التسلاب وحده تبتسي تبي البقاله الحين والثاني يتامر علي تسني شغالتن عنده (qq11)
نظره : ايه هانت كله يوم وامي تبي تجي تحملي وانا اختتس ولا تنيسن تغسلين المطبخ (a14)
انا : صبر ايوب ع بلواه ناقصتك انتي الثانيه :gcr852:

وسويت لهم وغسلت المطبخ وطسيت جلست ع الكمبيوتر (r61yty)
ماامداني اجلس نص ساعه الا اسمع صراخ اخواني
انا : ياربي هذولا وش بهم والله لو يقوم عليهم ابوي يمسح بهم البلاط وانا اناديهم تعالوا يالسلنتح وش عندك انت وياه هاه(zm)
قالي اخوي انا ماسويت شي بس هو اللي يصيح يقول ليه ماشريتي لعبه هو ضيع فلوسه بالخرابيط وماشرى شي وانا شريت لعبه ويخانقن يقول ليه ماشريت لي زيك ليش انا اكد عليه (a14)
انا : ول عليك كليتني بلسانك كل تبن واسكت خلنا نسمع الطرف الثاني >>ديموقراطيه (zm)
اخوي الصغير: حالته حاله يبتسي ويشاهق هو ليش ماشرالي هو معه عشره وخمسه وريالين وانا مامعي مثله (zm)
انا عجزت لا اسكت من الضحك اجل عشره وخمسه وريالين مايعرف ينطقهن مع بعض

(qq166)(qq166)

انا : طيب لا تصدعون براسي انا بكره اعطيك فلوس واخليك تشري بس ماابي اسمع صوتك لاني راح ارتكب بك جريمه لو سمعت لك صوت (qq167)
وطسوا عني وكل شوي اسمع اصواتهم يتخانقون وانا اقوم خلاص عجزت اتحمل واصرخ عليهم هكالصرخه لدرجه ان البيت طار ورجع بمكانه >>ابوك يالتسذب (a14)
ويوقم ابوي ويوم شاف وجهي عرف انه واااااااصله معي >> انا لاوصلت معي كلن يهج عني يخافون اسويبهم شي (a14)

ويخانقهم ابوي ويحشرهم ينامون وانا ارتاااااااااااااااااح ووه بس يازين الواحد لامنه جلس مرتاح (q81)
اذن الفجر راح ابوي يصلي قومت خواتي
ورحت كملت جلستي ع النت
كلهم ناموا ولله الحمد جت الساعه 9الا ابوي قام سويت له قهوه مادري شلون اشوفه يشربه وهو مكشر (q39)
وطالع فيني هو انتي اللي مسويه القهوه
انا :ايه (a24)
ابوي : لاعاد تلمسينه ابد وش هالقهوه (qq152)
انا : الحين هذا جزائي
ابوي : من زين قهوتك حتى عود>>قرنفل << مابه(a24)
انا : هين اني ماالمسه ابد (qq11)
ابوي : أي والله اتلمسينه ابد احسن (qq11)
اقول اعطيني الريموت بس(zm)
انا جلست اتحلطم شوي وبعدين شطفت السالفه (a14)
ابوي جلس يتفرج ع العربيه لين ماجت الساعه 10 الا انا تقل جاني النوم (qq134)
الا ع قومة اختي انت الغلا الموهيم الا ابوي يبي فطور وعاجز يروح للبقاله واخوي الصغير نايم والثاني مسافر مع امي مسوي فيها محرم (zm)
وهو يجي الغلا تعالي
العلا : نعم يبه
ابيك تروحين للبقاله تجيبين لنا فطور
الغلا: فاتحه عيونه ع كبرهن يبه من صدقك (z)
ابوي : أي والله من صدقي:whwhwh:
الغلا : مدري بس اروح لحالي
ابوي : وش به يعني كل هالحريم يرحن للبقالات
العلا : اجل قدام بروح
انا قاعده اسمع ومو مصدقه وتجيني الغلا مجرد تروحين معي (a14)
انا :ايا الدلخ انتي من صدقك بتروحين
الغلا: ايه وش به بروح (zm)
انا : فاطسه ضحك
العلا: ماعلي منك انا خلاص صرت رجال البيت
انا : هلا والله بشليويح رجال البيت (a14)
ايا الرجاله اجل بتروحين تجيبين فطور اجل امسكي فستان نظره ووديه للخياط مع وجهك تراه قدام البقاله
العلا: هيه وش شايفتن عندك
انا : هيه انت رجال البيت ولا نسيت
العلا: ايه صوح يالله جيبيه ترا لو تاخرتي بمشي واخليك >>حركات العيال (a14)

انا بذاك اليوم بصمت بيديني ورجليني ان الغلا رجاله
ومن ذاك اليوم وحنا نسميه شليويح احسه لايق عليه

(qq166)(qq166)

وانا أجي واكلم اخوي واسولف معه وانا اقول تصدق عبود طلع لنا اخو اكبر منك
عبود : لا تستهبلين عاد
انا : كيفك واذا مو مصدقني اسال خواتي كلهن
عبود: مجرد منهو هذا
انا : شسمه انت الغلا صارت ولد
عبود: هههههههههههههههههه واتسبدي وشلون
وانا اقوله السالفه كله
عبود : الخبله هذي من صدقه يوم انه تروح لحاله وبالصبح بعد والله لو انا موجود تسان ماخليته تروح >>اوخص مسوي فيها شخصيه
انا : والله كله من ابوي هي خبله والا فيه انسانه عاقله تروح هالصبح للبقاله لحاله
نظره : مجرد نسيتي انه صارت شليويح عادي ماينخاف عليه عن مية رجال
انا : ايه صوح نسيت وقعدنا نعلق ونضحك عليه
وهي الله ياخذكم ايه عز الله مجرد وطاح بين ايدينه احد والله ماتتركن بحالي
انا : بعذري بك والا احد يسوي سواتك يالرجاله

(a14)(a14)

هي شطفتن وراحت للغرفه
الا انا طفشاااااانه مره قلت بنات يالله بروح انام بس امانه معكن اقنعن ابوي اننا نروح لخالتو او أي مكان اهم شي اطلع
البنات ايه طيب بس انتي فارقي
انا يالله نمشيه لكن هالمره
ونمت لما جت اربع العصر الا به احد ينفضن ويصارخ ع راسي وصوته واصل لاخر الحاره
انا من الخوف قمت بسرعه والشوشه منكوشه وحالتي حاله وش بكم
الا طلع اخوي الصغير وانا اطالع فيه وش تبي انت
قال وين الفلوس اللي تبين تعطيني(zm)
انا هنا وصلت معي يعني كل هالصراخ عشان ريال يالتسلب (qq11)
اخوي : نعم وش شايفتني عندك ريال واحد بس (q39)
انا : احمد ربك بعد اجل تبيني اعطيك ميه
وهو يجلي يتشحذن انا وصلت معي فيني نوم وانا احط راسي ع المخده وااشر له ع الدولاب وراح اخذ الفلوس وطس
ووه لا عادت من بزر ماشاء الله ماينسى شي

وطبعا طار النوم والاخلاق شينه الا خواتي يدهرن مدري وش عندهن
انا : هيه انتن وش عندكن
خواتي : بنات عمامي يبن يجن
انا : اها كلهن
خواتي : ايه
انا : وشينه الحلايا تبي تجي (qq11)
خواتي : متشققات ضحك ايه هي اولهن
انا : كملت والله (qq11)
عاد انا مااحب هالبنت ياانه تجيب لي المغص لا شفته تسن احد معطين بوقس لدرجه ان بنات عمي الثانيات ملاحظات بس بعذري ياعليه ملاهه مو طبيعيه (g)
انا : اقول الا انا ليش اليوم حظي كذا لانمت مثل الناس ولا بستانس مثل العالم وهنا قفلت معي خلاص طقت روحي لي ثلاث ايام جالسه بالبيت ويوم قررنا نطلع جن عندنا بنات عمي وليتهن لحالهن الا شينه الحلايا معهن (qq11)
لا خلاص مااقدر اتحمل
طبعا خواتي ساحبات علي
انا قعدت ادوج وبعدين قعدت لحالي وانا اقعد ابتسي :gcr852:>>ياربي لك الحمد ع العقل (q39)

خواتي متقطعات ضحك علي

(q69)(q69)

انا عصبت و اروح انام شوي وقمت ع اصوات ضحك واقوم الا اسمع صوت شينه الحلايا واسحب عليهن ماسلمت عليهن مالي خلقهن ابدددد(qq11)
واجلس ع قصومي ومن باتسر وانا ع راس ابوي لين ماطلعنا للمغواه وشرالي ايسكريم >>بزر (q81)

ادري الموضوع بايخ وسالفه داخله بسالفه بس هذا اللي طلع معي ولاحد يجيني يقولي بايخ لاني بقوله ماجبت جديد (a14)
وعندي لكم نصيحه لا سافرت امكم تمسكو به لا تخلونه تروح لحاله لو تعلقون بجناح الطياره (q39)
ايه شسمه بعد لا من ضاقت عليكم الوسيعه لاتوسوون زيي تبتسون روحوا اقروا قران وراح ترتاحون ع طول (q39)
وايه بعد لا تعطون الوغدان وجه والله انكم لاتندمون خصوصا جيل سبيستون مابهم رجا (q39)
وسلامتكم (q39)
استاليقوا ع قولة ولد موفيتش >>تراني ماادري وش معناه للحين (q39)