اليوم للدنمرك حس ولجاليج=وان خربت الجبنة يبي يصير لجة
وحليبهم خايس بوسط الصهاريج=ويثغي البقر يبغي مع الليل هجة
وجيرانهم واصحابهم شعب نرويج=عقب الحصار بيتبع المزن عجة
نبي نقاطعهم وذا نوع تفريج=للقلب من فعل غدر به وخجه
ولا نسمع اعذار تلامع بهاريج=باعلام لامنه سرى الليل وجه
نبينا ماهوب سلعة وترويج=مكمل شرعه وصومه وحجة
نبينا ولنا معزة وتتويج=ونرفض كلام فيه هزة ورجة
وصحيفة تنشر سخافة وتهريج=وخذت لها في عالم النشر سجة
وتنشر صور وتبنج الفكر تبنيج=هذي نتايجها ضياع ودجة
وعلى النبي صلوا وجيه مباليج=والحق باب وكل طيب يهجه