منتديات قصيمي نت - ويش الاغراض الي دايما تضيع منكم في البيت

منتديات قصيمي نت (http://www.qassimy.com/vb/index.php)

- منتدى السواليف وتوسعة الصدر (http://www.qassimy.com/vb/forumdisplay.php?f=11)

- - ويش الاغراض الي دايما تضيع منكم في البيت (http://www.qassimy.com/vb/showthread.php?t=762064)

ويش الاغراض الي دايما تضيع منكم في البيت

وشلونكم ياهل الترفيهي .. اليوم من زود الحره الي فيني فقدت اعصابي علي الاشياء الي دايما تضيع مني قبل نص ساعه جيت البيت وانا متعشي برا وفالها مبسوط(qq115) ودخلت ادور شاحني مالقيته عاد هاذا الشاحن هو رقم خمسه الي ضاع مني في هاذا الشهر (qq115) زمجرت وزعلت وصرت مثل الاسد(asj) وين شاحني وكل واحد يقول مادري انادي بصوت عالي علي الشغاله اسمها بنت مدري(qq115) ماسمعتني انا شكيت فيها انها الي تاخذ شواحني واغراضي (asj) من الحره الي فيني طلعت لها فوق السطح غرفتها فوق واجي لهي

تكلم جوال ومطوله علي المسجل وفالها شعرها:D العجيز هاذي مهيب سهله (qq115)ويوم شافتني وطفت المسجل وغطت شعرها قلت وين شاحني قالت بابا انا مايعرف وتبي تفتن بينا قالت انا يشوف مع ماما شاحن جديد (qq136) اصلا هي فتانه اذا جات عند زوجتي قامت تفتن علي تقولها عني اي شي مثلا قمت الصبح بدري وطلعت من البيت راحت تعلم زوجتي هاذا بابا لابس ثوب جديد وغتره ومتعطر وطالع بدري(qq168) واحيانا تجيني تقول البارح ماما راحت مع عبود للبقاله يجيبون اغراض يعني مثل الي تقول انها ماعلمتك انها بتروح للبقاله (qq115)(qq115)

المهم خلونا في سالفتنا قلت وين الشاحن انكرت انها ماتعرف شي قعدت افتش في غرفتها واشوف دريشتها ماعليها ستاره ومعلقه ثيابي عليها اجي اشوف ثيابي حصلت لي ثياب يمكن سنتين مالبستها وتوها جديده واصلا ناسيها وكل ماقلت لها عطيني ثوب تجيب لي ثياب قديمه ولما اشوفها اقول الثياب هاذي صارت قديمه واروح افصل لي ثياب جديده وبعدين تخليني فتره عشان انسي الثياب وتحط بدالهم الثياب المعلقه وتحط الجديده علي الدريشه(qq136) قسم بالله اني شفت اكثر من عشره ثياب معلقه مالبستهم الا فتره بسيطه قلت يابنت مدري يابنت اللذين .... من القهر الي شفته قلت ليش ماتعطيني الثياب هاذي قامت تتكلم انها ماتعرف شي ولا تعرف الثياب قلت يالله نزليها تحت خلي المدام تشوفها بعدها ناديت زوجتي شفتي هالملابس لي سنتين او اكثر مالبستها ومعلقها علي دريشتها ..قامت زوجتي تدافع عنها ويش دراها المسكينه عن ثيابك الجديده هي تغسل وتكوي لك وتعطيك اياها يمكن هي ماتفرق بين االثياب(qq168) شفتو الحرمه قامت تدافع عن الشغاله ...اي رمضان جاي وعارفه الكرف تبي تسايرها وتدلعها عشان الطبخ في رمضان والغسيل ومنهو علي حسابه علي حسابي انا واغراضي الضايعه(qq115) ..... ضايع في المحبه تايه وسط غربه ..... لاكن ويش نقول طفت العصبيه والاسد صار ثور يدربي راسه:ro258es:

ياخي تعبت كل يومين اشتري طاقيتين وكل ماجي البس تجيب لي الطواقي القديمه المشخله وصغيره يالله تدخل في راسي حتي لونها صاير بني (qq115) لعنبو بليسها هاذي تلبس طواقيي ولا وين توديها (qq18)

خلونا من الشغاله ومن البيت بسالكم عن الموعاناه ويش الاغراض الي دايما تضيع منكم باستمرار وفي البيت كل واحد يقول سواء اغراض بسيطه او قيمه نترك لكم المايك