|
مـالـذ وجــاز مـن سـواليــف رواد قـسـم الالــغـــاز
هنا وبعد كل حفله تحدث على اي لغز يطرح ..
بعض الشباب .. يرغب بالتحدث حول ذلك اللغز ... او يناقش البعض الاخر حول حله .. حتى بعد قفله .. شباب .. ما عرفت اكمل الموضووع باللغة العربية الفصحى خلوني اقولكم .. .. ( مالذ وجاز من سواليف شلة الالغاز ) <<< مجلد من 9 اجزاء هههههههههه على باله كتاب هذا مجلس للسواليف وتوسعه الصدر لمحبي الألغاز والتحدث عنها وعن غيرها نسولف وندردش مع بعض .. طعبا هالخطوه غير مدروسه هههههههههههه اقصد .. ما ندري هل تزيد التفاعل وإلا تقلله .. يبقى الموضوع فكره ( تم طرحها من قبل المذهله .. وتنفيذها من قبل الفياض ) وتنتظر آرائكم .. حولها .. اذا ما جازت .. عادي .. لو تم إلقائها في الارشيف هههههههههههه المهم : هو استمرار تواصلكم وعطائكم .. |
هلا وغلا
مؤيد للفكرة . خصوصا . انها تفتح نافذة على الالغاز المغلقة التى قد يكون عليها تعليق.. تسلم يمينك يالغالي تسجيل حضوووووور :) |
سأفتتح السواليف : بقصة اول لغز سويته في مسيرتي العلميه ههههههههههههه السالفة كالتالي .. ابوي كان حاط له حلال فالبر .. وتوه مشتري لي سياره .. ( ددسن قرنبعه .. علشان اتعلم عليها ,, وكل يوم اصدم بها ) المهم .. ايامها ما كان فيه جولات .. وعلى بداية دخول عصر البيجر هههههههههههه عصر البيجر .. جاء العصر واختفى المغرب هههههههههه من جد تقنية بايخه .. كانت تسبب لنا مشاكل .. مره من المرات .. دق بيجري وانا فالبر .. كاشت مع اخوياي .. طبعا ../.. ماابي وصف لكم فرحتي يوم دق .. عاد انا ايامها من الآوائل اللي حصلوا عليه اشتريته ايامها بسبع آلاف ريال .. كنت اجيبه للمدرسه ههههههههههه وهو ممنوع .. شباب اقسم لكم .. مره اخذه مني الوكيل .. على باله صادني ومعي شغله ممنوعه طبعا اكيد ما رايح يصادره .. لأنه يعرف قيمته ذيك الايام .. لكنه بيحجزه عنده لين نهاية الدوام .. وبعدين يكتب علي تعهد ما اجيبه مره ثانيه الطريف بالسالفه .. انه طول ذاك اليوم معلقه بمخباه هههههههه يكشخ به ارجع لسالفة يوم يدق البيجر .. دق البيجر اكثر من عشر مرات .. وأنا مع الشباب .. وكله من رقم بيتنا .. ولا فيه وسيلة اتصال .. ركبت قرنبعي ههههههه كانت المسافه حوالي 13 كيلو عن الديره .. عاد هالمسافه يابعدها على القرنبعه وصلت البيت .. تدرون وش طلعت السالفه .. اخوي الصغير يعيد اخر رقم هههههههه وكان بالصدفه رقم بيجري ههههههههه يعني هالبيجر ما وراه إلا وجع الراس .. شباب والله نسيت وش كنت بتكلم عنه بالضبط .. برجع فوق .. لحظه :....... ايه ايه : كنت اروح بالددسن حقتي للحلال .. ودايم اضيع الطريق قام وجاب لي جهاز نداء ( كنود ) عشان اذا ضعت اصير .. اراسله .. عاد هالكنود .. كنت استخدمه .. استخدامات خاطئه ههههههههههه اقصد استغله باليل .. واجلس اسولف مع شله يجلسون يسولفون ويطرحون الغاز هع هع هع دخلت عليهم كم مره .. وحليت كم لغز ولا عندي الغاز .. رحت لمكتبه .. واشتريت كتاب في مجموعة الغاز .. وكل ما طرحت لغز حلوه على طول هههههههههههه الظاهر الكتاب منتشر .. ويعرفون جميع الغازه وهم : كل شوي يطرحون لغز .. يقولون اللغز من توقيع برق الحيا .. واللغز من توقيع الهديف بأسمائهم .. كبرت براسي .. وقلت لازم اسوي لغز هع هع هع حاولت يومها وما عرفت اسوي شيء .. من بكره .. كنت بالصندقه حقت راعي الحلال .. منسدح .. وافكر .. ابي شي اكتب فيه لغز .. من كثر التفكير والهواجيس .. كنت اتقلب على سرير الراعي .. والسرير من كثر ما اتمردغ عليه .. صار يوزوز .. قلت بصلحه علشان يبطل وزوزه .. انجحرت تحته .. ولقيت المسمار مرتخي ههههههههه كانت هذي فكرة لغز .. مسمار وصاموله .. قعد احاول اكتب لغز ولا شديت المسمار ليومكم هذا ههههههههه طلع معي هاللغز .. وكان أول لغز لي :
ويش رجال(ن) تزوج له مره = زواج بالسنه بلا عقدة نكاح إن كان يقبلها تشده بظهره = وإن كان يرفضها طاحت وهو طاح يوم جاء الليل .. نزلت الجهاز من السياره .. وشبكته بالبيت واحتري بس احل لغز علشان يطلبون مني اطرح لغز يسر الله وحليت لغز .. وقالوا اللغز عندك يا ( ترايستار ) طرحت اللغز .. وقلت اللغز من توقيع ( الترايستار ) حسيت وقتها اني كشخه هع هع هع هذي سالفة أول لغز .. واللغز الثاني اللي سويته .. سأقوم بطرحه بعد شوي هع هع هع تصبحون على خير :/÷أ؛‘لأ&×^[]}÷ٌْلإ]‘}ْ| :) |
حلوة الفكرة
انا متهمة بالتشويش على الاعضاء وما اخليهم يركزون وفكرت انه نفتح لنا استراحة هنا وخاصة بعد تقفيل الالغاز تسجيل اول حضور للنواعم هنا صباحكم ورد |
بل لا اقولك رايي
ودي انك تروح لقسم الحوار المفتوح وانت داخل على يدك اليمين فيه موضوع مستضيفيني<<كلمة طويلة حاس انها كلمتين فيه ولا تقصر |
اي والله احس فيني حره من تقفيله الالغاز
باقي شوفو الكلام بحلقي يعني بزوووووووري ماطلعته خخخخخخخخ موفق الى الامام(q20) |
يسعد صباحكم
ماشاء الله منزل مبارك عسى ما يسكرونها زي الزوجية في الزوجية يقولون ممنوع الاختلاط المهم أنا جيت وجبت معي فطور للي لسى ما أفطر حياااكم http://uaesm.maktoob.com/up/uploads/ac5c2ea3a2.jpg |
يعطيك العافيه سنى البدر
وشكرا على الفطور اول مرة اشوف فطور بهالشكل ابصور لكم فطوري عشانا قربكم من الاجواء المغربية الساحرة |
شباب .. ابي ترحيب حار بضيف كاتم الونه
شفتوا .. ان الاستراحه مفيده ههههههههههههههه هنا : انا اطلب الفزعه بالترحيب .. يالله نروح لموضوع كاتم الونه .. نرحب بالضيف ونحاول نصفقه بكم لغز جديده هههههههههههههههه |
موافق بشدة على هذا الاقتراح
وتقبلوني عضو رسمي به وشكرا لك اخي الفياض على فتح هذه الاستراحة ولكن ماقلت القطة كم وهل يسمح ادخال الاطعمة حرام سيلتم لعابي المدام الله يصلحها ماتصحى الا الساعة الثانية عشر ظهرا ما افطر قبل الذهاب للدوام الا خمس حبات بخارى افك الريق لاجل الدخان عافاني الله واياكم منه |
| الساعة الآن 08:03 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir