|
العطاءات ... والخط الاحمر !!
عندي قناعة إن خُلق عزة النفس من أعظم الصفات الإنسانية الي
ترفع مكانة الإنسان بين الناس وتخلق فيه إصرار الإعتماد على النفس والرضا والقناعة وعندي قناعة لا تقبل الشك أن هذه الصفة الجميلة يمكن زرعها في أطفالنا من الصغر . .. قصة وتجربة غذيتها بنفسي واشرفت على إتمامها .. انا من الناس الي أرفض رفضاً قاطعاً أحد يعطي أطفالي فلوس اقصد من المقربين المخالطين لنا بشكل يومي او اسبوعي بشكل متكرر مثل الخوال والعمات والجدان من الجهتين ونستثني من ذلك أعطيات العيد لانها سنوية وتأتي في إطار العطاء الجماعي ، وهي مرتبطة بفرحة العيد ، ومن الممكن تجي من ناس نادراً طفلك يقابلهم، وبالتالي هو لن ينتظر أن يعطيه هذا الشخص مره اخرى مترسخ بعقل الطفل أن العطاء من أجل العيد وهو يشاهد كل الاطفال من حوله يتفاخرون من جمع اكثر من أعطيات العيد انا لاحظت شيء ومتأكد أنتم أيضاً لاحظتوه ! بالله ما لاحظت طفل معين انت متعود دائماً تعطيه، وفي احدى المرات اخذ يترقب وينظر اليك بعينه ينتظرك تعطيه كالعادة ؟ واحياناً تخرج من عندهم ويمشي معاك لباب البيت او باب السيارة يطالع لك بعيونه ينتظر الاعطيه ! انا حريص جداً على صلة الرحم واروح دائما للاقرباء .. مره بالشهر واحيانا كل شهرين حسب قربهم لنا وكنت دائماً متعود اعطي الاطفال اذا رحت للزياره متى اكتشفت الخطأ ؟ بعد ما تغيرت الطريقة الشرائية من الكاش لبطاقة الصراف عن طريق الاجهزة في البقالات او اي محل اخر بغض النظر عن النشاط التجاري صار اعتمادنا على البطاقة وصرت نادراً اشيل كاش بمحفظتي ومن هنا اكتشفت ان الاعطيات تفسد الطفل وتخليه يكبر وينضج ويكبر معاه صفات دنيئة مثل انتظار عطاءات الناس بل ربما تدفعه للسرقة احياناً إذا كانت السرقة متاحه والله يا اخوان كنت اتناقش مع ولد عمتي صديق طفولتي عن هذا الموضوع ويقولي والله انك معقد ونفسية وتكبر المواضيع وقلت تخيل امك تعطي ولدك بشكل متكرر صدقني يوم من الايام راح ياخذ شنطتها وياخذ هو بنفسه الفلوس وهو ما يدري انها سرقة ، وليست من حقه تكلمنا قبل شهرين عن هذا الموضوع والله اتصل علي قبل اسبوعين تقريبا قال خلينا نروح ديوانية نتقهوى قلت يالله رحنا .. وجلسنا نسولف وضحك وقال والله زرت امي معي ولدي الصغير ابو عمر 3 سنوات ويقول جالسين انا وامي في المجلس وطفلي يلعب في البيت ويتنقل من غرفه لغرفه ويقول شويه دخل علينا شايل شنطة امي يقول ( اتيه اتيه لوس لوس ) هههههه الترجمة ... عطيني فلوس انت الحين ايش ردت الفعل الي راح تسويها ؟ راح تصرخ عليه وتخاصمه عشان سببين عشان توري الاخرين ان هذا الفعل قبيح في عرفكم وانكم ما تربون اطفالكم على الشيء ذا وعشان تقول لولدك هذا الشيء خطأ ايش النتائج الولد فزع وخاف وشعر بالارهاب وجاته صدمة انت الحين محتاج تزيل عنه الخوف وترجع له الطمئنينة وبنفس الوقت تحاول تفهمه ان الشيء الي سويته خطأ طيب يا دلخ الولد ما يفهم المبادئ ومعاني المبادئ الولد بالعمر هذا مقلد ويفعل ما يراه أمامه واحياناً تحدث له أشياء ويشوفك ساكت وسكوتك يعني إقرار وموافقة ! لذلك هو يستمد شرعية الاشياء من خلال ردت فعلك وانت الي خليته يمشي على هذي الاستراتجية لذلك لا تتهاونوا في مثل هذي السلوكيات حتى لو ما تطور الموضوع انه يمد يده على ممتلكات الاخرين يكفي احساسه في الرغبة وانتظار عطاءات الاخرين شعور دنيء ! .. مع الزمن يتخلل لنفسه شعور دائم بالوضاعه ابشع شيء في الحياة هي دناءة النفس واجمل صفة هي عزة النفس والاعتزاز بالذات اغني اطفالك وزوجتك ولا تخليهم محتاجين شيء ابداً والناس تستنتج من مظهر أطفالك وزوجتك ولبسهم وأشياءهم مدى كرمك ورعايتك لهم ابذل لهم قدر ما تستطيع ولا تخليهم يحسون بالحسرة وانهم اقل من غيرهم لانك انت المسؤول عن بناء الصفات الايجابية في شخصية اطفالك ( فأبواه يهودانه .. او ينصرانه .. او يمجسانه ) ! |
رد: العطاءات ... والخط الاحمر !!
والله يانت مكبر الامور
خل الحياه تمشي بسجيتها وعفويتها. لاتدقق ع كل شي وتصنع من اطفالك كتله عقد تمشي ع الارض |
رد: العطاءات ... والخط الاحمر !!
اقتباس:
الحياة تمشي على سجيتها ! تخيل طائرة بلا قائد تسقط في المحيط ولا فوق سيارتك وقس على ذلك كل شيء في الحياة وبالذات بناء الإنسان ! |
رد: العطاءات ... والخط الاحمر !!
اقتباس:
اقصد بسجيتها وعفويتها بالاشياء العاديه اللي مافيها غلط ولا شي |
رد: العطاءات ... والخط الاحمر !!
انت صح بخصوص انك ترفض اللي يعطون اطفالك فلوس .
هالشي مو زين ابد .... لان الطفل يتعود على ان كل اللي بيقابلهم بيعطونه فلوس .. واذا ماحد اعطاه بيزعل ويقعد يصيح . انا جربتها مع بنت اختي ... كنت اعطيها وعمرها تقريبا سبع سنوات .... اختي هاشتني وقالت تكفى لاتخرب علي البنت ..لانها صارت كل ماجاء احد تنتظر يعطيها فلوس . |
رد: العطاءات ... والخط الاحمر !!
الزنقب اشوفه تحت هههه شكله بيقلب الموضوع عن العقل واقسامه وانواعه . (ern)
|
رد: العطاءات ... والخط الاحمر !!
في صحيح مسلم ان الرسول صلى الله عليه وسلم اذا جاءه
باكوره الثمر يعطيها أصغر طفل موجود وباكوره الثمر هي اول الثمار مثل رمان تمر ليه؟ لان الطفل ماله نفس تصبر وروحه ملائكيه فتفريح الأطفال بالمال امر مشروع والنبي يعطيه لان ماله نفس وضحكت عليك يوم ذكرت ان طفل عمره ثلاث سنين ما يعرف يتكلم وترميه بالسرقه حين اتي بالشنطه كانك ما قريت في علم النفس التربوي أن الطفل ما تتكون في نفسه حق الملكيه الا بعد السابعه تقريبا لانه يشوف كل شي له فهو يرى لاشياء من منظق اشتراكي ومثله الكذب الخيالي او الدفاعي عند الأطفال شي طبيعي وقامت افلام الكرتون على نفس ها الفلسفه فيا اخي اقرا كثير عن سيكولوجيه الطفل لاني اشوفك تربي أبناءك على نفس منطقك انت يا ابو الأربعين سنه خل كل طفل يعيش مرحلته العمريه بكل تفاصيلها لا تعيش اطفالك بمنطق والكبار ونفس السستم حقك ذله ومهانه وتشوف لما في أيدي الناس وكأنك خايف يكونون شحاذين في المستقبل ايش المنطق العرج هذا خل الطفل يعيش طفولته يفرح ويلعب ويشاوف بالهديه والعطاء ويأخذ من غيره ويهاوش لا تدس خشمك في فرح الأطفال خلهم يعيشون حياه على نفس طبيعتهم يتعودون الحنيه الرحمه من الي يحولهم فيحبون الي حولهم وكذلك المراهق خله يعيش جوه شي من الطيش واللعب لان هذا مراحله مشاكسه المحيط خله يعيش ها التجربه ولا تقفز وتحرق مراحل عمره وتطالبه يعيش نفس جوك |
رد: العطاءات ... والخط الاحمر !!
اقتباس:
احيانا الواحد يعيش مكرتن في حياته ولذلك ما يشوف الا حائط الكرتون فتح الكرتون اصبعب مهمه للشخص المكرتن مثل الدوده لما تخرج من الشرنقه والكتكوت لما يخرج من البيضه يشوف الدنيا كلها البيضه حينما يخرج يشوف عالم اكبر من حجمه هكذا الانسان حين يولد من ظلمه الجهل الى نور العقل .. ومن ظلمه المعصيه الى نور الطاعه .. اثر عن المسيح عليه السلام قوله ( لن تلجو ملكوت السموات حتى تولدو مرتين ) ذكره ابن القيم في كتاب طريق الهجرتين كيف نولد مرتين الاولي تولد من بطن امك حين تخرج للحياة والثانيه ينولد عقلك حين يتفتح على عوالم اخرى غير البيضه الفكريه التى تعيش فيها وروحك لما تترك عالم الاشياء بكل ثقله وتتجه الى عالم الملكوت وتتعلق بالله رب السموات والارض واذا شفت روحك أن الي تتفوق فيه في الحياة هي الكسبات والمندي ولعب الطائره والخروج الى الشعبان والادويه ولم تتفوق في فكرك وتخرج من بيضتك الاجتماعيه ولم تتفوق في ورحك وتخرج من سجن الاشياء والماديات والمشاهدات فأعلم أنك جنين وادع الله ان يولد عقلك وروحك مرة اخرى .. |
رد: العطاءات ... والخط الاحمر !!
اقتباس:
ذكرت لنا التجربة والنتائج السلبية لهذا الفعل ويقولون ( اسأل مجرب ولا تسأل طبيب ) شكراً على هذه المشاركة القيمة 🌹 |
رد: العطاءات ... والخط الاحمر !!
اقتباس:
ولكن لديه مشكلتين الاولى الحفظ مع عدم الفهم والاخرى الاستشهاد بالنصوص في غير محلها يلوي عنق النصوص حتى يقطع انفاسها بس عشان يركبها على موضوع معين بعيد عن المعنى المراد |
| الساعة الآن 04:56 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir