هيض ابن حصيص في تالي نهاره = ألف قاف من ضميره مد لجاتي

يا وجودي وجد مكسور الجباره = آخذ تسعين ليلة ما يباتي

أو وجود اللي خذا الحاكم دياره =وخذ ماله والحريم مسلباتي

عقب ما هو تاجر راعي أماره = صار فلاح وأموره هيناتي

ارتحل يا حمود منبوز الفقاره = آركي واحبال كوره كالفاتي

أركي ومربع عشب القراره = ما علاه الشد من عشر سنواتي

ديره ابن دعيج مافيها صقاره = كود شيبان وعجز مدبحاتي

من خشوم إكميت إلى حد الزباره = جعل تمحل والوشوم مربعاتي

صاحبي في الوقف مدها له وداره = ما سكن في ثرمداء والإ مراتي

ليت ينزل عندنا مظعون ساره = واهتني بصويحبي عشر سنواتي

كن في عينه من الفرقي شراره = أو مخاليب الوحش الطايرتي

ولعتني بالهواء والحب ساره = دلهتني عن غنادير البناتي

يا حسايف بنت بن سلوم ساره = في الحظيرة تدرج مثل المهاتي

ريق ساره مثل شكر في غضاره = أو حليب أبكار عرب مسمناتي

والنهيد ازبيدي في دعب قاره = في محير الماء القراح مصلعاتي

والثنايا قحويان في زباره = زاهي نبته على كل النباتي

رأس ساره ذيل شقراء وسط غاره = والجدايل بالرشوش مجدلاتي

والمطوع لو يشوف أخديد ساره = طبق المصحف وعجل بالصلاتي



ما ذكر جار ذبح بالحب جاره = بالمبيسم والثنايا المرهفاتي

حالف بالله ما أنسى حب ساره = كود أهل شقراء يخلون الصلاتي

لايمي يعطي حنيش في خباره = سمها يشظي العظام الصالباتي

لا رماني لا يمين ولا يساره = مار صوبني بحد المرهفاتي

حطني لاهل الهواءالمجمول شاره = مثل نيشان المعاطيب الرماتي