|
ســـــــــر الرفـــــــــــــلاء
بسم الله الرحمن الرحيم السلام عليكم ورحمة الله وبركاته معنى الرفلاء > ترجمة الى الاخوان العرب معناه البارده المهمله(asj) صراحه يا اخواني فيه حريم رفلاء بشكل غير طبيعي لا في نفسها ولا عيالها ولا بيتها ومع ذلك كل اموره ميسره اللهم لاحسد يمكن مره هالنوعيه عليكم(qq6) يعني عادي عندها في بيتها نظيف وسخ ما تهتم عيالها مريض طيب صاحي خبل كله واحد رجلها راح رجع عزم جلس زي بعضه حتى ان بعضهم يمكن تنسى ولدها نايم في السياره وتتدخل البيت وتنام ولا تتدري عنه الين الصبح ولا تاخر في المدرسه وطق الباب وجلس مقابله الين العصر عادي وترمي عيالها الصغار على ام رابع ابتتدائي ولا اهي مهتمه درست جلست مش مهم تسافر كم يوم واصغر واحد في البيت ولحالهم ولا تحرك قلبه خوف عليهم(qq60) واشياء لاتعد ولا تحصى من الرفلاء ومع ذلك الحظ قائم(hjh) العيال احسن ناس في الدارسه واحسن ناس في شغل البيت حتى حتى الولد يطبخ ويكبر وهو كذا يكنس الحوش واذا تزوج الينه جاهز حق الحرمه يخم كل شي عنها والبنت الصغنونه ام العيال ماشيه في دارسته وتتطبخ من اهي بزره وتشيل وترضع ولابه خلاف مشاءالله ولا رغم شدته وقسوته وانانيتها الكل يقول لها حاضر وطيب ولايرضون عليها والرجل يحب يدها ويوعدها با الاماني والاثاث الجديد بس يقول عدلي من مظهرك ولبسك(qq79) والامور تمام التمام رغم الرفلاء اللي اهي فيه(qq168) وحده تحلف ان احد اقاربه زوجته ريحته ما تنطاق ولا حتى اهتمام ومريضه ومخليه الدار ترعاه ورغم ذلك مايسمع فيها قصص من كل بيت ومن كل حته واشياء كثير بس ما ابي اطول ايه السر ياترى فيه وحده رفلاء هنا تعلمنا بكل صراحه وتكسب اجر المنكوبين(qq15) لان صراحه اللي جيده وسنعه وشايله هم الصغير والكبير والدارسه والمرض والاخلاق والبيت تلاقي عيالها اعل ناس وفاقعين قلبها وانانين بشكل ماهو طبيعي معها ماكنها امهم والزوج اللي ياديهينه لا تنكتين والشخصيه والجمال والتغير ولاكنه الا اعمى وعباطه وقلة ذوق(qq50) ولاحد يجي يقول تعامل ولا ثقافه ولامدري وش اقولكم هالنوعيه حاطه تلاقها ورامي كل شي ولامهمته حتى من نفسها (confused) فيه وحده مره اتصلت على شيخ في التلفزيون قالت يا شيخ الرفلاء صحيح الرسول داعي لها اللهم صلي وسلم عليه قال الشيخ وش يعني رفلاء فسره له المذيع عاد نسيت الجواب بالضبط مابي احط شي في ذمتي بس شكلها مقهوره نبي نعرف سر الرفلاء يعني اشوف هنا خير الامور الوسط بس احنا شعب يا حارين يباردين يامهتمين يا مطنشين(hjh) ,,,,,,,, سبحانك اللهم وبحمدك اشهد ان لا اله الا انت استغفرك واتوب اليك |
اقتباس:
مثل مافيه رفلاء فيه رجال أرافل << وش جمعها :)..!؟ عندكم خير يالحريم وعندنا قلابات منهم .. |
هذاك قلتي العيال ناجحين
وشلون تكون رفلاء وعيالها ناجحين يمكن أنت وغيرك تشوفون إنها رفلاء عاد الحريم ماهنا حبهن للنقد ويحسن إنهن شيء وهن ينتقدن مايدرن إنهن ملاقيف ومالهن داعي الحريم يهتمن برجالهن لدرجة ماتخليه يتنفس ويهج منها لأنها جابت له التكه حتى ماتعطيه فرصة يشتاق لها من كثر ماتلاحقه وتعتقد إن هذا اهتمام وهي ماتدري إنها غاثته ويبي الخلاص ونفس الشيء تعتقد إنها تهتم بعيالها وهي ماتدري إنها بتصرفها هذا تخليهم إتكاليين وماتعطيهم فرصه يعتمدون على أنفسهم شوي وتلاقين اللي مسويه نفسها مهتمه وسنعه عيالها الثقة كلش منعدمه راقبي عيالك من غير مايحسون وبنفس الوقت خليهم يحسون إن ماحولهم أحد ويتعلمون كيف يتصرفون مستحيييييل رفلا ويطلعون عيالها ناجحين هو إعتقاد عند النساء إن اللي تعلم عيالها الثقه والإعتماد على النفس رفلا ومهمله ورا ماتسوي ورا ماتحط وهي بالعكس أحسن منهن |
اقتباس:
ايه يا ابوي ذا دين تنفعني انت ايه عاد كله ولا رفلات الرجال تودي في دهيه(qq50) من زود رفلاته يخلي الحرمه اهي اللي تتنفق مع النجار والسباك ودخلهم بيته واهو منبطح مايحرك ساكن(qq60) |
اقتباس:
يابنت الحلال ماهي مسالة لقافه ولامدري وش شي الناس شايفته بعيونه يعني بالله عليتس وحده ياخمامده طول اليوم ولاهايته براء البيت ولا عند اقارب والاجيران ولا اهي داري عن عيالها ولاحتى مهتمه بشكلها تقولي وحده محتاجه احد يتصدق عليها وتقولي لا اهي سبب نجاح عيالها يابنت الحلال مغير توفيق من الله وهذا اهو السر شكله ولا باقي كلامتس لاغبار عليه لما تكون الام واسطيه في جميع امورها وبعدين وش فيتس زعلتي لاتكوني منهم(vv) اذا منهم علمينا السر امزح معتس |
شفي البارده تقوم بكل شيء حتى عيالها تحسينهم نظاف ومرتبين
بس شغلها يرفع الضغط مايجيك إلاإذا كرهتي عمرك هذا عندنا أما ارفلاء عندنا يعني الفاغره الهطلاء مادري عارفته إيش أقصد ولا لا الفاغره اللي تمشي وماهي حاسه بنفسها ثور الله في برسيمه حتى ان بعضهم يمكن تنسى ولدها نايم في السياره وتتدخل البيت وتنام ولا تتدري عنه الين الصبح هاذي مستحيله في أحد يسويها إن شاء الله لو فاقده عقلها هههههههههه الله يعطيك العافيه الموضوع ذا يبيله جلسة حريم عاد تعالي إسمعي الاراء دمتي بخير |
يليتــك غيرتـــى نـــوع الخــط والون عيونــى عورتنـــى(asj)
وآنــا اقرآ هداش اللـــه اختاهــ هالحيــن عرفت منــش معنـــى .... الرفــــــــــــلاء ... والله الدنيـــا حظــوظ فيهــا الى تصيب وفيــها الى تخيييييييييييييييييب ع فكرة ماقدرت آقرا زيـــن :khmas258: |
اقتباس:
اهلين نواره لا البارده ماعليه خلاف اهم شي مهتمه في بيتها وعيالها بس على ركاده(qq115) الرفلاء اهي اللي ذكرت تصرفاتها في الموضوع اما راعي السياره سوته الحرمه مرتين ونعرفهم بعد استغفر الله الحمدلله الذي عافنا مما ابتلاها به اي والله يبي لها جلسة نساء منكوبين(vv) |
مش صحيح يآبعدي
الرفلآ الي مثل ذي مآفيه رجآل بيتحملهآ بس قولي والله قلبهآ بآرد يعني مليون بالميه آن رجلهآ يهآوشهآ ولآ عن خيرهآ بس مطنشه الدنيآ صوح ومع هذآ مسآيره وقتهآ بنفسهآ خخخخ وآمآ السنآفيه والقرمه ^ــ* دآيم حسآسه وتتضآيق من اي شي وتحوس كل شي فوق تحت لو هو بسيط وبالأخير يجي فوق رآسهآ وبس سلآمتك :) |
مشكله اللي يحكم على الناس (q77) أنتي دخلتي حياتهم وعاشرتيهم عشان تحكمين (qq115) مشكلتنا وكالة يقولون (asj) ربي يوفقها ويزيدها ويسعدك انتي ويسخر لك زوجك والجمييييييع ودعو الخلق للخالق (qq115) |
| الساعة الآن 08:01 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir