ياسيد الحُسن قلي ليه تجفاني=وانا لعينيك اجي واقضي مطاليبك
ان كان لك شرهتن عندي بتلقاني=فاتح لك الصدر والخافق يهلي بك
ساويت بك فالغلا واحد من اخواني=الروح بك مغرمه والفكر يسري بك
ازيد في لهفتي لك وانت تنساني= ياليت ماصابني من عينك ايصيبك
حتى تعرف ابعذابي وين وداني=العين تبكيك والوجدان يحكي بك
لا من طراء اسمك ببالي جاء على اللساني=اخلدك في قصيده ثم اغني بك
انته دواء الروح وانته طب الاعياني=وان فارق العين طيفك قمت انادي بك
الحب مجرم وفي عرف البشرجاني=واناطلبته يكون اول معازيبك
ضيفك قلط منزلك واذبح له اسماني=تلقا مع الروح ذكرك شاع من طيبك
بيت الموده فتحنا منه بيباني=ياللي تلقيت في فلبي تراحبيك
امس التقينا وهزت يدك اغصاني =واصبحت نبضي وصرت اول مكاسيبك
تجارتك رابحه منته بخسراني=في كل الاحوال قلبي صار راضي بك
ماعد يمديني اشرع في هوا ثاني=قطار الاحلام باشر في مضاريبك
لوكنت جمرة وله بيدك بتقواني=ولا بيهتز جدعك من عراقيبك
يطري عليك الغلا واجيك ولهاني=واحض رجلي على جمة مشاريبك
اشتاق لك كثر شوق البيد لامزاني=عزي لحالي ليا جتني مناديبك
كني بيدك كما خاتم سليماني=على مزاجك تسيرني وانا اجيبك
اهواك لو قلت لي منته بتهواني=اقل شي قول عني من اصاحيبك
اون غاب نجمي ولا ودك تقصاني= اذكرني بخاطرك من غير مدري بك