|
توقفوا قبل التعدد وقبل طلب الخلع أين الخلل؟!
بسم الله الرحمن الرحيم
- -- الزوجين وش حلاتهم أول الزواج متهندمين متكشخين متعطرين وبعد الزواج بفتره يخبص واحد منهم خلوا نبدأ بالزوج لأنه اكثر واحد يلحقه اللوم لسبب بسيط لأنه مايحتاج الا ترويش وعطر وشوي تمشخص لاعنده عمل جلسات ليزر أو حلاوه تطير عقله (q20) ولا يحتاج كل يوم نفانيف وتشكيلة قمصان ولا مكياج ولا استشوار شعر بعضهم مختصرها صلعه ينشف وهو مابعد طلع من دورة المياه لا ويتميلح صلعته مايسترها بشماغ ورزة العقال هههههه عكس المدام ساعه ترويش ساعه استشوار ساعه مكياج -- بعض الأزواج مجرد مايمر شهر وراه يتبطح بالاستراحه ايش اللي من بعد شهر الا البعض مخربها من أول اسبوع :6655: ويجي مشيش ولا مدخن ريحته تكتم الحاره يخم وسادته ويقعد يتزعل الصبح مالقى من يضمه ضمك ابوا مره خذلك دش على السريع وبخ شوي عطر يستر بلاويك مع هالضعيفه اللي تنفخت رجولها تستعد لك ويقولون ليه الحرمه تذبل وتبطل استعداد لزوجها (qq136) وحده يجيها دايركت من البر ويبيها تستقبله طيب وريحة الشمس اللي صاكتك ومرابيع الخرفان والجمال اللي مريت جنبها ما عطرت لبسك وجسمك عجب والله (asj) - نجي لحواء ولاصار ابو الشباب طفر فيك وتجمل أول الأمر بجامات وعطورات ونفس معطر وبعدها جاك يلحف بلاويه لاتصيرين مثله يلحقك اللوم اكثر اشرقيه بريحة عطورك غديه يستحي على دمه ولا مانفع التلميح جهزي له كل شيئ ودفيه دف مافيها المسأله تضحيه وصبر صدقوني - اختي الزوجه لاتخلين لزوجك فرصه انه يبحث عن غيرك بعضهن تموت من كثر تخطيطها اهم شيئ مايعرس على غيرها -- وهي تغفل وتعجز عن الشيئ القليل في سبيل جذبه اطيب الطيب الماء والكحل لاينزل من عينك يقول الكثيرين ريحة طبخ ومدري ايش ريحة الطبخ لاكنتي متروشه ومتعطره والله ماتأثر لايغرونك اللي يقولون ريحة طبخ مايمديك بعد الطبح يامحلاه ولا ريحة العرق والشمس --- والله ياناس اغلب الكره بعد اللسان وطولته الاهمال والريحه المعفنه ولا طلبت المرأه الخلع ولا الزوج قام يلفلف ويدور قعدنا نلوم احرصوا على النظافه والله انها اجمل الطيب وترى الواحد ماهوب ميت لاماأكل ثوم وبصل فيه مواد كثيره تعزز جهاز المناعه بلا هالروايح النفاثه (asj) تفقدوا سنونكم البعض مغير مخليها بالبركه وكل مااوجعه ضرس قلعه وبعدين يعني الطقم اجمل من صنع الله ليه الواحد يعجز بعمره بدري وانتم يالمدخنين كلوا الفواكه بالمساء تشيل ترسيبات الدخان وياما مدخنين اعطر من غيرهم بعضهم لادخان ولا غيره وفمهم تقول مقبرة العود من كثر الكائنات (hjh) النظافه من الإيمان وماعمري شفت واحد موب نظيف له مكانه بين البشر الا يصير منبوذ والناس تقرف منه مو بس اسرته وسلامتكم |
رد: النظافه تكفون النظافه
الرجآل فيهم ثقه عجيبه وكمآن مآهمهم يجيك الوآحد ريحته شينه وسنونه صفر وريحة أنفآسه يآرب لك الحمد ويتحضن في الضعيفه وليه مآتبوسيني ليه مآتحضنيني له عين يتشرهه بعد هههههههههه والله بعرف حريم يشكين من رجآلهم وبعضهن تلمح من بعيد وتقول جآرتهآ تشكي وإلآ فلآنه وتحكي المعآنآه .. وكمآن الثوب هو لبس بلون وآحد وموديل وآحد طيب يآخي فصله عليك زي النآس خل شكلك مرتب مآهو قصير وعريض طوله شوي وخله ع جسمك لآوآسع ولآضيق صعبه ذي..؟ |
رد: النظافه تكفون النظافه
اقتباس:
نكتفي بهذا القدر من الشفافيه والتوضيح (qq166) |
رد: النظافه تكفون النظافه
اقتباس:
😂😂😂 الله يسعدك وشكثر ضحكتيني كنت حاطه راسي بنام قلت اتصفح من الجوال شفت ردك دخلت طوالي ههههه الثوب مشكلته مشكله بعضهم يحطه ضيق وهو عنده معالم والله مشكله شي طالع قدام وشي ورى الستر زين يعني يوسعه بقدر يخفي هالمميزات ههههه ولا يجيك نحيف حيل ويلبس واسع عاد دوريه ماتلقينه فصلوا ياعالم ثيابكم مظبوط موب كن البعض لامشى عارض ازياء ههههههه ماسويتي خير يابنت الجنوب حملتيني اثمهم ليلة هالجمعه وزدتي الناقص 😂😂 😂 |
رد: النظافه تكفون النظافه
موضوع رائع جدا
عدم الإهتمام بين الزوجين في مسأله النظافة أمر غاية في الأهمية وحده من صاحباتي تحكيلي عن زوجها في بداية الزواج كان مرتب وأنيق ولا في اي عيوب بعد سنه لاحظت عدم إهتمامه في نفسه وفي هيئته إنصدمت ،، حاولت تحكي معه أكثر من مره بأسلوب لين تغيرت طريقته التفاهم والمصارحة بين الزوجين أمر مهم في تلك المسائل ،،، |
رد: النظافه تكفون النظافه
النظافة ليست متعلقة بالزواج
بل هي من أساسيات الحياة والمتعلقة تعلق ويثيق بالأنسان لايجب إن يقول أحدهم للآخر تنظف بل على كل أنسان أن يبادر بالنظافة لذاته أولا ً قبل كل شيء بس وشدخل الصلعة بالسالفة الحين |
رد: النظافه تكفون النظافه
اقتباس:
الرائع حضورك يالطيبه فعلآ تلاقين البعض اول الزواج هندام جميل وريحه طيبه وعطورات وبعد فتره يجي من العمل ويخم البطانيه التساهل بأمر النظافه شيئ خطير وسبب لنفور الزوجه والناس عن المهمل فيها لاكن مثل ماقلتي التفاهم والمصارحه لابد من التلميح ولا مانفع التصريح ضروره لكي لايحصل النفور الدائم والطلاق العاطفي يتبعه الطلاق الفعلي لاقدر الله |
رد: النظافه تكفون النظافه
اقتباس:
حيالله القائد شيئ اكيد انها تشمل كل مناحي الحياة بعض الناس للأسف مايكفيه التلميح بل على زوجته ان تعلنها صريحه وضع لايحتمل ان تجامل -- ههههههه الصلعه هي جزء من الموضوع قصدت بعض الأزواج ماعليهم شعر ومهملين يعني مجرد يتروش نشف اما الزوجه تنشيف استشوار مكياج استعداد مكثف يقابله اهمال من الزوج ثلاثي الأبعاد(qq60) |
رد: النظافه تكفون النظافه
همومه
اشوا ام ابراهيم ماتدخل النت والا كان ابتلشت معها لو تشوف موضوعك ,,,, امزح ههههههههههههههههههههههههههههههه صحيح النظافة احساس ذاتي لكن اللي احساسه الذاتي خربان يبلش فيه الطرف الثاني ههههههههههههههههههههههههههه فعلا فيه ناس لبسه دمار لا نظافه ولا اناقه وشكله يادافع البلا وريحته تعايط ويبي حنان ورومانسيه من الطرف الثاني هههههههههههههههههههههه |
رد: النظافه تكفون النظافه
النظافة من الإيمان
والإحساس نعمه بعض الرجال اذا معزوم خاصة عند مسؤول تلقاه يحلق ويكشخ ويتعطر ويتفقد عمره لا احد يلاحظ عليه شيء ويفرش سنونه ويعلك ويتميلح وان جاء في البيت بالسروال والفنيلة والا روب منتف والريحة والصياح والاخلاق تجارية طيب ليش ياراقل .. هذي اهم منهم . وبعض النساء الله يوفقهن ان راحت عرس والا مناسبة صارت كأنها هي العروس لا شافها انصرع واذا بالبيت بالروب المنتف والا ثوب قديم وريحة طبخ ثوم وبصل ويادافع البلاء .. تشرد قبيله طيب ليش ياست .. احساس ياعالم ياهوووووووه شكرا همكم .. موضوع همنا وهم الجميع بالفعل |
| الساعة الآن 11:21 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir