ايش رايكم بهالزوج ؟؟
 

يسعد مساء الجميع

هذي مشكلة وحده كتبتها حسب مافهمته منها واقترحت عليها نضعها بين ايديكم وتستفيد من الاراء

زوج يخير زوجته اما تكتبين املاكك باسم اولادي او تتركي العمل !!

مع انه عارف انها موظفه من قبل الزواج ومااشترط تتركه 😏

العذر ان وقت العمل هذا من حقهم هم اولى فيه والمفروض اقل تعويض تكتب لهم اللي امتلكته من عقار
كتعويض عن اهمالهم وتركهم 🙄

السؤال

هل يحق للزوج انو يطالبها بكتابة املاك تخصها باسم اولاده منها بعذر

انه يخاف ينظلمون فحال مات واتزوجت رجل اخر وانجبت منه ويقاسمون اولاده هالارث وهم الاولى به من غيرهم

لان الام امتلكت هالعقار من العمل اللي بتخرج له من بيتها تاركتهم وهذا وقتهم اللي من حقهم تكون معاهم فيه !!

ولما رفضت جلس يحلفها انها ماتظلمهم وانو ماراح يسامحها لو مات واتزوجت وظلمت اولاده منها وراح حقهم
مناصفه مع غيرهم ولازم يكون لهم النصيب الاكبر من خيرها لانهم الاولى به ومصر على هالنقطه لازم تكون حصتهم اكثر

من باب يجبرها على التنازل لهم من الان وتبرئ ذمتها

وهم اطفال لسى حتى مدارس مادخلوها


ايش رايكم بهالزوج ؟؟ ومطالبه ؟؟ وتفسيراتكم للي يطالب فيه ؟؟ وايش التصرف المطلوب منها تجاه هالموقف ؟

انا اديتها حلولي واقنعتها على قد مااقدر

بس ابغاكم تدعموها اكثر بالاراء حتى يكون الموضوع مرجع لها كل ماانفتحت هالسيره وانغمتت

تجي تاخذ جرعة رفع معنويات منه .. هيا حتقرا ردودكم اتحفونا ☺

رد: ايش رايكم بهالزوج ؟؟
 

سلامات ؟؟ شهالتفكير ؟؟

رد: ايش رايكم بهالزوج ؟؟
 

سبحان الله صدمني التفكير حييل

بس يمكن من واقع شافه او قصص سمعها عن هالشي وخاف على عياله


عموما الافضل ان الزوجة تعطي الزوج الامان بهالنقطه


والامان هوو حرصها على عيالها

وتوعده انه لو صار له شي لاسمح الله بعيد الشر ان عياله لهم النصيب الاكبر

وفي الاول والاخير هم عيالها بعد

رد: ايش رايكم بهالزوج ؟؟
 

مفروض هالشيء تطلبه الزوجة مش الزوج

يعني اتخيل بس رجال يقول لزوجته سجلي شيء باسم عيالنا وهم توهم صغار ؟؟

بصراحه ماش عجزت اتقبل الوضع وهالتفكير .

رد: ايش رايكم بهالزوج ؟؟
 

يفكر بمصلحته (qq15)

رد: ايش رايكم بهالزوج ؟؟
 

مو من حقه انها توعده يكون لهم النصيب الاكبر فحال انجبت غيرهم كلهم بالاخر اولادها

وهو المفروض يامن مستقبل اولاده وماله دخل بفلوس الزوجه واي شي تمتلكه هيا حره تعطي ماتعطي راجع لها

المفروض توضح له انها مو هبله ينضحك عليها والوظيفه مو من حقه يمنعها طالما ماشرط

رد: ايش رايكم بهالزوج ؟؟
 

طبعا هوى حيكون الولي على اولاده وبيقلها بيباي وقتها او تزوج عليها بعد ما فلسها

وممكن خايف لا اهلها يقاسموا اولاده بس مايبغى يقول كل همه الخير ينضمن له بالاخر

رد: ايش رايكم بهالزوج ؟؟
 

ومو بعيده يموتها ويموت عيالها ويصير له نصيب الاسد

< ماعليه وحدة متأثرة من الافلام

رد: ايش رايكم بهالزوج ؟؟
 

نسيت انوه تراعوا مشاعر الطرفين ومحد يغلط عليهم

مانبغى نزعلها وندمها انها طلبت اراءنا ..

رد: ايش رايكم بهالزوج ؟؟
 

هو شكلو ابتكر هالسيناريو حتى ماتحس بطمعه والا ايش ضمنه انه بيموت قبلها وبتتزوج ثاني وبتجيب عيال !!

واضح انها طريقه حتى يرجع له الخير كله ومايكون لها شي تنسند عليه وتظل بحاجته