|
كل فنان في حرب مع العالم.
السلام عليكم أُفتتحت في 6/6 هجري قبل يوم ميلادي ب 13 يوم ، س أبدأ سنتي الجديده معها اتمنى ان نُصبح على وفاق وحب سوياً وان تشاركني تطوري وذكرياتي اللطيفه انا بمستوى تطويري قد وضعت الافكار الفنيه جانبا لا ارغم نفسي على شي ولا ارسم الا مااشعر برغبه بداخلي لرسمه لذا كل ما سأصنعه سيكون له شعوري الخاص بي قطعه من روحي وشعوري ، سأحسن من مستواي الى ان اصل الى المستوى الذي تطمح له نفسي بلا إرغام بلا ضغط بلا اي عجله لا تتوقع مني أن تكون جميع رسماتي بلا اي اغلاط وكامله مُكمله ، تقبلني او عفواً أنا أتقبلُني واتقبل رسماتي بكل أغلاطها (a13) إمتنعت عن استقبال طلبات الرسم كباقي الرسامين لأتفرغ للتطوير مو للبزنس ورضا الناس عن مستوى الرسمه . هنا أُبلغ تحياتي لنفسي مستقبلاً واوجه لها رساله : إحتفظي بالغرفه السادسه عشر لتتقدمي ، ومايعني الا يشد احدهم على يدك ويخبرك ان الامر ليس صعباً؟ شُدي يمناك بيسراك وإمضي ، هِبي لنفسك الثقه بِنفسك إستقلي (a13) It's okay - |
رد: كل فنان في حرب مع العالم.
https://a.top4t.net/p_794hu8bo0.jpg
- كلما نضجت استطعت التفريق بين الكلام اللي يجي من قلب والكلام المستهلك اللي يحمل اللاشعور. -لما يقل اهتمام شخص فيك ليه تشوفه شي مخيف؟ رغم كل الفلسفه وتكرار الكلام ان اختفاء الاهتمام شي لابد منه لان البشر طبعهم ملولين يهتمون فيك وبك فتره وبعدها يروح ذا الاهتمام الا اني ارجع لنفس النقطه رغم ادراكي الكامل انه شي لابد يحصل الا انه شي مخيف يحسسك بالوحده بعد الاعتياد ان احدهم يحاول يفتش عن الجمال بداخلك ويلمس شعورك . -احاول دايما اكون الشخص القريب البعيد اظهر البعض واخفي الباقي اتمنى ان استمر على هذه الطريقه لاني لو وقفت عنها (س اسقط). - شعور مخيف اني اقبلت على سنه جديده وانا لم انجز شي ، اتوقع اليومين الجايه مليئه بالتفكير والارق. |
رد: كل فنان في حرب مع العالم.
|
رد: كل فنان في حرب مع العالم.
https://b.top4top.net/p_811ve1hw5.jpg
- كلنا نمر بفترة خمول ببعض العلاقات اذا كان الخمول من طرف شخص واحد يعاني الشخص الثاني وترعبه فكرة النهايه ، يدخل صديق بحياتك تضخم وجوده وتفرح بصحبته لكن يمر الوقت ويبرد الوضع بينكم ، يحزنك هالشي ويضيق صدرك لايام حسب مكانة الشخص وقدره عندك، اللطيف الغريب اننا مع تكرار هالانواع من النهايات تصبح عندنا مناعه ولو تكرر الموضوع نتعاطى معاه بهدوء مو زي اول مره مريت فيها بالتجربه ، شي واحد انتبه له عشان علاقتك معاه ماتتحول لعداوه " لاتطلعه على نقاط ضعفك "مهما تئالفت روحك معاه وحسيت بالود الشديد خل بينك وبين نفسك غرفه خاصه بشخصيتك سميها مساحه خاصه كل فتره تختفي عن كل علاقاتك وتختلي بنفسك ، لاتخلي احد يعرف عن هالغرفه ، هب لنفسك القدره على تخطي العلاقات فالناس كلهم عابرين لاتخليهم ياخذون من داخلك شي ماراح تقدر ترجعه، حسن علاقتك مع ذاتك لاتهمشها. - اوقات يتملكني شعور سيئ لكن مو لدرجه كبيره. يتزاحم الكلام بصدري لكن مالي رغبه افضفض او اطلعه واعطيه حجم فوق حجمه اتعاطى مع الموضوع بهدوء واحاول اختلي بنفسي لاجل افكر بالموضوع واستهلكه الين ينتهي مفعوله مني ، شعور سيئ لكن مو بقدر بائس ، كلنا نملك ذاك الشي اللي اذا تمسكنا فيه ساعدنا على تخفيف الضغط النفسي جراء الظروف اللي تحصل معانا ، الشي اللي تستطيع من خلاله تتعمق بالتفكير بدون تكون تحت قيوده ، البعض يملكون الرياضه ، البعض التنظيف ، البعض الرسم (a13) |
رد: كل فنان في حرب مع العالم.
https://d.top4top.net/p_835fs6kb0.jpg
لطالما كان التماسك من شيمي وعاداتي كان الشي اللي اجيده ظاهريا مهما بلغ مقدار الصراع الداخلي اللي اعيشه للحد اللي ماقدرت في اوقات راحتي اطلق سراح مشاعري وذاتي الداخليه دائما كنت احس انه واجب علي وشي احتاجه حتى احمي نفسي من ان يفهم احد مقدار هشاشتي فيستغلها ليشعر بعظمة ذاته انت لاتعلم مقدار اللاقدرة لي على التوقف هو جدار هش ان ازحت اصبعي سقطت. ازلت بنانه فقط ارخيت دفاعي حين ظننت اني استطيع الاستراحه لوهله والان احارب بمحاولة ارجاع البنانه لمكانها حتى لا اسقط . - ( انت لاتعلم مقدار الصراع والحرب الدمويه التي تنضح من عينيها في ذات الوقت كأنما هي تستجدي امرا يسندها للمواصله) - (مقدار صلابتها مليئ بالخيبات الداخليه) صديق شعوري هالفتره ( https://youtu.be/IlkBLwl4aBM ) |
رد: كل فنان في حرب مع العالم.
https://d.top4top./p_921cm3wd0.jpg
"مايؤلمني حقاً ليست خيبة الامل ، بل إثبات ان جانب التشاؤم كان مُحقاً" - نص الشعب يهرب من التشاؤم والكلام السلبي رغم انه اساس اتزان الحياه كلما زاد افراطك بالايجابيه كلما قل فهمك لمعنى الواقع لفهم سنة الحياه الحياه عباره عن جانبين يتكررون بإستمرار جانب (الشده والصعوبه، وجانب الفرج والرخاء) اذا طال الرخاء ذهب طعمه من الروح وقلة قيمته وتحول لشده رغم هذا انا ماعرف، ثقتي مهزوزه بقدرتي على ادراك الفارق بين (ايام الشده) و (الواقع / الحياه اللي لازم اتقبلها) - ماذا لو كانت فترة الشده التي اردت تخطيها " هي حياتي" واستيقظت نهاية عمري ولم اعش يوما واحداً قد استمريت برغبة التخطي وبالانتظار لمرور الفترات .. انا اكتب هالكلام لنفسي هالشي لازم اتذكره مهما كانت مرارته بروحي لازم ما انساه مؤخرا انكسر شي بروحي ، خسرت شي من نفسي وهو حسن الظن بالناس الحل ماهو اني اخذ بالكلام الايجابي وان مو كل الناس سوا (لان هالحل هو اللي خلاني اطيح بنفس الغلط اكثر من مره ) الحل هو اني اتذكر هالحدث واحاول ما ارجع اثق ما ارجع لطبيعتي السابقه واخبي هالجانب بداخلي ماخلي احد يلاحظه - كان المفروض احط نفسي من اولوياتي . - احس بشعور مخيف من القادم ، كل مامرت الايام في الصباح ادعي الله (تتم الامور) وبالليل ادعيه يعطيني القدره على التحمل ترعبني فكرة الاستسلام لانها الخيار الوحيد اللي انحط قدامه كل فتره انا مو واثقه بقدرتي ع تحمل الجاي لاني استنزفتها من زمان. |
رد: كل فنان في حرب مع العالم.
https://d.top4tonet/p_932l8fb60.jpg
- أصبحت عندي قناعه ان الكلام اللطيف وليد اللحظه فقط - محد مستعد يتحمل ظروفك معك الحمدلله اني أصبحت بموضع أقدر أقول فيه (ضاقت فلما إستحكمت حلقاتها فُرجت وكنت اظنها لاتُفرج) صبر 3 سنوات أثمر أخيراً |
رد: كل فنان في حرب مع العالم.
]https://f.top4top.n/p_950gnfoc0.jpg[/img]
ليه رغم الفرج مازلت احس اني اركض؟ ليه مازالت فكرة ان (محد بصفي) محفوره بدماغي؟ - بدال افكر مادام ان الله فرجها علي راح ارتاح جالسه افكر وش احتاج عشان اقدر اتحمل الفتره الجايه بقدره اكبر؟ رغم ان الفارق اني بحرب (ما اغتر بفترة الرخاء) - انا كنت اؤمن ان الناس يختفون بالايام الصعبه كان معي بضع اشخاص يحاولون يساندوني رغم ان مسانداتهم مجرد محاولات ماتثمر ابداً ليه لما انفرجت مالقيت احد منهم جمبي؟ ليه محد منهم شاركني لذة الفرج؟ وش اللي عجزت افهمه؟ - انا ما اكره السنين اللي راحت وانا اقاوم الانهيار انا احسها نعمه من الله وتهيئه "عشان اتحمل الجاي واكون مهيئه لمواجهة الحياه" - بعد شهر من الان راح اغترب لكن .... راح تغترب معي () كيف بقدر اتحمل اني اغربها معي؟ - ل نفسي بعد شهرين من الان : عارفه ان الموضوع صعب بس تحملتي فترات اصعب تأكدي انك بتقدرين تتحملينها . |
رد: كل فنان في حرب مع العالم.
http://c.up-00.com/2019/02/154945961699481.jpg
حالياً قاعده احاول أصنع و اطور من ذاتي بكل ما اوتيت من رغبه... امشي على قاعدة الصفر (للتغيير) ، الاصحاب اللي يأثرون علي من نواحي سلبيه اقطع علاقتي فيهم لأجل أشتغل على نفسي وأكونها ، الوِحده فيها صعوبه لكن البقاء بنفس المكان أصعب. ، لنفسي اللي قبل 5او 6اشهر الموضوع ماهو موضوع تحمل الموضوع هو كيف تطورين نفسك الحياه ماهي عباره عن اوقات صعبه واوقات رخاء ، الحياه عباره عن ذات وانجازات ان ضليتي تصنفين الفترات هي صعبه ولا حلوه بتكونين كانك اخذه وضعيه المتفرج لاتصنفي شي، عيشي تطوراتك وانجازاتك بكامل تفاصيلها لانها مجرد مستقبل يتحول لحاضر بعدها الى ماضي . |
رد: كل فنان في حرب مع العالم.
؛
حاولت اترك رسم ذوات الارواح وانتقل لرسم الطبيعه لكن للاسف الشعشره ذابحتني ، مب قادره احس بأي شي تجاه صور الطبيعه كل مارسمتها احس بخواء وعدم ارتياح so هل راح ينتهي امري مع الرسم نهائي بذا الحال؟ or راح يجي يوم انقل مشاعري من ذوات الارواح الى اي شي اخر؟ ، أنا سيئه بالانتظار ، جيده بالتهرب ، لكن فرغت مني الخيارات للتهرب ايش ح اسوي؟ |
| الساعة الآن 09:27 PM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir