|
حضرة قلم وأحتضار روح وحضور ما..حا..مس..:
نزف متجدد وصفحه لا تنتهي منكم ولكم وبكم يكون للحرف ابحار اخر وشكل اخر وزمان اخر وبعد اخر لا تنضري لي في حطام المرايا=لكن تعالي وانضري لي بذاتي ون كان ضاقت بك جميع الزوايا=هاتي جميع الضيق يسكن حياتي انتي بحضني والخناجر ورايا=حيل احضنيني لو طعنتي ثباتي ون مات قلبي جعله من الفدايا=يكفيني اللي راح في ذكرياتي |
ولا زال للحروف بقية
|
دايم معي جزء(ن) من النص مفقود=ودايم معك مني تتم الرساله اثر التلاقي بيننا ماله وجود=اللي جنوب الكون واللي شماله انا البياض اللي كسا ايامك السود=وانت السواد اللي كساني ضلاله ما جبتك بصدري وانا ابغاك نمرود=جبتك مليك المملكه والجلاله والحين واضح بيننا الدرب مسدود=جيت بصعوبه مير روح بسهاله |
تناقض حروفي ليا جيت احاكيك=يوصف تناقض حالتك في زماني ساعات حتى فالمنامات الاقيك=وساعات عندي واحسبك شخص ثاني ازعل واهدك داخلي من عواليك=وارضا واشيد لك صروح ومباني انا كريم وكل ما حل طاريك=فجئه كذا اصبح بخيل واناني مدري لانه مالفا من يوازيك=ولا لان ما يستحقك وزاني مير الاكيد اغليك واكرهك واغليك=وارميك في منفى سخط من حناني اموت منك وادعي الله يخليك=واحكم بك افكاري بذروة جناني وادين نفسي عن سواتك واقاضيك=واطلق سراحك وانت والله جاني ارحل بعييييد ودوبني في اراضيك=كيف اتساعك وانت بين المحاني ياخي قسم ما ابيك ما ابيك ما ابيك=تنسا حبيبك يالغلا لو ثوني |
ولا زال للحروف بقية
|
من امس وافكاري بحالة تعاسه=من سبة اللي مشغل البال قبل امس اللي رما في ذكرياتي وحاسه=وهو الذي كاتب بها يمنع اللمس يعني كذا فجئه بيبرد حماسه=ولا حواسه مابقت كنها خمس المشكله عندي بطبعه فراسه=كذا من الله دون تعليم او درس يمكن وطا قلبه برجله وداسه=طب ليه قلبه يرتضي زايد الدعس والمشكله ش/المشكله من اساسه=معقول جاه ابليس ثم جاب له همس؟!! |
استقيض الرجل من النوم وهو يصرخ بصوت عالي اين هي اين هي ففزع كل من في البيت وجاء الجميع مهرولاً نحوه يتسائلون بينهم ويسألونه ماذا دهاك قال هل رأيتموها قالو من هي؟ قال اذاً بما انكم لم تجيبوني عن سؤالي بجواب واجبتم عنه بسؤال لا داعي لسؤالي عنها بينكم. خيم الصمت على كل الحاضرين وهم يتبادلون الانضار بدهشه واستغراب فتبسم الرجل وقال اذهبو الحمد لله ها قد وجدها.فقالو وما هي التي وجدتها قال هل تريدون معرفتها كي افتقدها مره ثانيه واتوجه لكم بالسؤال عنها وتجيبونني مره اخرى في سؤال اتركوني وشأني فأن فقدها مره اخرى وسالتكم فأجيبوني ولا تسألو من هي .
كانت بعيني ثم غفيت=فزيت مدري وينها صرخت ادور وانتهيت=من خوف شخص يعينها لحضات لكن ماقويت=من دون لمحة زينها كانت بعيني وان غفيت=واثري غفيت بعينها |
حيث يتسلل من يعشق لوعة حرفي بهدووووء وهو قابع خلف شخصية زائر ابتسم وانا اكتب وكأن شعري يقول له اقسم على ادهاشك كما اقسم بأنك اذا رضيت ان تمحو اسمك من الوجود فلن تستطيع ان تمحو عذوبتي من مخيلتك وأن استطعت ذلك فلا تكن هنا . قطعة جليد واعصاب اقسا من الـ(حديد) وحضرة مدد او سمها زلة سعد ياللي انت تسوا لك بلد في وقت يالضالم بليد تبقا معي قطعة جليد ابرد من ا/شعور الشتا يعني لمتا لسنين تبقا او شهور وش اخرة هذا الغرور الا كما قطع الوريد في خاصرة قطعة جليد تبغا تناساني وانا كلي هناء او بالاصح كلي هنا نبض واحاسيس وقصيد خلك كذا قطعة جليد |
ماتغير شي غير السكر اللي في شفاتك=غص بالعبره واحسه للاسف كنه تكسر هو تغير شي غير انك تقدمت بحلاتك=من سكاكر في سكاكر في عسل صافي ميسر في حلاوه في نقاوه ساكنه بأربع جهاتك=ليه تبكي دام قلبي عن غلا غيرك تسكر لعن ابوها دمعة عيونك تجنن بي غلاتك=لعن ابو صدرك يجنن خافقي لامن تحسر ابتسم ايه ابتسم لي جعله ايامي فداتك=وارجع بصفحة خيالك ياهوا البال وتذكر يوم كنا ياحياتي نسكن بصفحة حياتك=ااااااه يازين الكتاب واااااه يازين المسطر كنت ادندن ماتحبه هامس(ن) في اغنياتك=هو نستي اغنيتنا من يحب الثاني اكثر انت اكثر وانا اكثر من غلا حتى خواتك=وانا اكثر وانا اكثر وانا اكثر واناكثر |
هنا كان طايل
واستمتع كثيرا يعجبني في اشعارك افكارك فالفكرة هي القصيدة وقنص الصورة هي الروعة بحد ذاتها وانت رائع يابومطلق تأتي بصور غير مستهلكه وهذه قمة روعتك صح لسانك بل كلك مودتي لك |
مالي مزاج اكتب بغيرك مزاجي=شعري كذا يرتاح صوبك مزاجه القا بعيني فرحتي وابتهاجي=وانسا لواهيد الزمن والسماجه واطلق عن الضيقه لعينك حجاجي=لا يابعد سود العيون وحجاجه مابين غابة ضيقتي وانفراجي=كلمة هلا حين الوجوه اتواجه لا قلتها سالت جميع السواجي=كل زهرة(ن) فاحت عبير انبلاجه سرك معي ماهو مثيل الاحاجي=واضح ومخفي عن خوي وخواجه يامملكة قلبي وعرشي وتاجي=ياشعب غطا المملكه في فجاجه يا أول اللي للشفا من علاجي=ويا اخر اللي اكتوي في علاجه خلك معي دامك سكنت بمزاجي=واللي سكن بي ما خرج في مزاجه |
اقتباس:
هنا كان طايل يعني هنا كان الذوق يامرحبا بالذوق واهله منور وصباحك جوري يالقرم |
مجنوووون بك حتى الارق حتى القلق حتى الغرق حتى ضياع المحبره والفكر واشلاء الورق حتى الضياع حتى النزاع حتى اااااااااااالغروب في قارعة ذيك الدوب حاير بنصف المفترق مجنووووووبك فوق الجنون ماهو بدون يمكن زياده حبتين واوصل معك للهستره يامستره ياسيدة ذاك العبق مجنون بك حتى الارق غصب(ن) على راسك ابيك وازود غصب عن والديك واختك واخوك وغصبن على من يقربوك واللي طفا واللي احترق مجنوووون بك حتى الارق |
ما أجمل الشعر وما امتعه
|
وما اجمل حضورك ياعمر وما اجمل صباحك
|
اما انا ولا انا واختار عاد اللي تبيه=شف كيف انا ياكم كريم اما انا ولا انا يعني القضيه واضحه لو قلت لا بتقول ايه=يعني غصب عنك كذا مافيه من غيري هنا شف وش كبر هذا الزمن او وش كثر هذي الوجيه=طاف الخلايق كلها قلبي ولك وحدك عنا عاد انت تبغا تتركه كيفك حبيبي. ليه.. ليه..=وش هو فعل وش هو صنع وش هو اقترف ولا جنا مشاعري جاتك كذا خذها كذا قل ماعليه=مجنون واعطاك الخيار اما انا ولا انا |
مسا الورد ياللي الورد في شوفتك رايق=مسا العطر ياللي العطر في زفرة انفاسك مسا الشهد ياللي الشهد من شفّتك بايق=مسا السحر ياللي السحر من قدمك لراسك مسا الشوق ياللي الشوق عنك مهو طايق=خذا الوقت قبلي ثم زهم صوبك وباسك |
اقتباس:
صـح لســانك يابومطلــق أن أشـهـد إنكـ بجتها ع الجـرح مبـدع | مبدع |
امتاع مبدع
ما قصر طايل اجاد وصفك يالبحر الله يمدك ولا يضدك |
المهيب الغالي هنا
والله شرف عظيم لمتواضع حرفي ولي حياك ربي وعسا الله يبعد عن قلبك الطاهر الجروح احبك في الله يعني ماهو نفاق اداري ههههههههه منور وربي |
الغاليmakn
منور فديت اطلالتك الغاليه على قلبي يالقرم مساحات من الاحترام لسموك |
اترك هزيل الهرج واتعب على الصمل=لا صار هرج الناس مامن صمايل واياك طرح الحمل ياشايل الحمل=مادمت من روس العرب والحمايل صبر النواضر خير من ناضر(ن) همل=وعمايل الدنيا تراها عمايل واذا تساوى الذيب ياصاح للحمل=مايستوي طيب العرب للرذايل خلك من اطيب مارجوه الملا شمل=حتى يعدون الملا بك شمايل طيب المراجل فيض نزّل بها وامل=حذراك منها ما تروي الرحايل صر للجمايل والفضايل لها جمل=وازرع جمايل ما تخيب الجمايل واللي رزق بأرض الصفا دودة النمل=ماهو بناسي مكرمين الدخايل عمرك ابد ماينتقص دون ما كمل=لاترهبك ريح الزمن بالهوايل دنياك ماكنه سوى رحلة الزمل=اتلاه قاصر لو غدى الدرب طايل نفس(ن) تشوم وسترها فاني السمل=اخير من لبس الترف في ذلايل واللي يخاف من الضما يترك الرمل=للي من طموحه يعد الوسايل ون كان هرج الناس ما جاك بالصمل=لا تسمع لهرج(ن) قليل الصمايل |
بعيونك البرق وبخدك يهل السحاب=ثم ينبت الورد في وجه الجمال العجيب ياريحة العود لو لامس حرير الثياب=او زفرة الصبح من روض الجنان الرطيب يابسمة الفجر لامنه يكف الحجاب=عن خصلة الليل بكفوف الصباح الرهيب ياهمسة الدفء يامعجم حروف(ن) عذاب=ماكنه الا الزبيب بيوم جنيّ الزبيب يا اجمل الناس بعيوني وسيد الشباب=بالمختصر يا ارق واجمل واعذب حبيب |
البوح ناتج من التفكير=والصمت حيّز من الصدمه وانا معك بحت لكن غير=بوح الذي كاتم الكلمه مواقفك مالها تفسير=عدة تحاليل في زحمه احيان اصنع لها تبرير=واحيان نسيانها نعمه |
السلام عليكم
لن يكون العجب عجابا حين تسرد مثل هذه القصائد ..والاشعار.. والمختارات.. والابيات.. والجمل ..والكلمات. لكن العجب حين تجد الاحساس.. والتعبير.. والصدق.. والجمال.. والروعة.. والابداع في اشعار انسان صح لسانك على ماكتبت هنا استاذي الفاضل .. وجدت تنوع وجمال حقيقي في الاحساس. استمتعت كثيرا حيث كنت هنا اتجول بين الطرح والاخر واتلذذ في تخيلاتك وتصويرك للمواقف والاحداث ورسمك الابداعي فلابد مني ان اعطيك حقك في الرد وعذرا ان قصرت به لن تكون زيارتي فقط للرد والذهاب لكني ساعاود الزيارة للاطلاع . تقبل شكري وتقديري |
ربما يأخذ الصمت الحيّز الاكبر مني لهذه الليله
وربما لا |
نجم او نجما ما قدرت اميز هل هو مذكر ام مؤنث
ولكن الشيء الوحيد الذي استطيع تمييزه هو ان نجماً كان هنا وانار كل ارجاء المكان بحضور مختلف وساحر قلبي قبل المتصفح ومشاعري قبل حروفي ترحب بهكذا حضور سخي مساحات من الاحترام تطاول عنان السماء لذاتك النبيله |
يتوه الحرف في غربة سكونك وانت ما تدري=تكلم يابعد عمر القصيد وبعثر اشعاري ابد لاتنضر لموطن غلا يعبر مدى صدري=وابد لاتنضر لدنيا مداها خارج اسواري تعال وبعثر بكفك صدى مصباحي السحري=انا بردان محتاجك لهيب يشب لي ناري تعال انثر على صدري سلاسل شعرك الخمري=وغيب بواحة احضان الغلا ياسيد افكاري |
لولا الرجوله ماعسرني معك بوح=الدمع اصدق بوح لولا الرجوله شفني وانا واقف من سنين مجروح=محد(ن) فزع له غير واهن رجوله يعني كذا موت البشر صار مسموح=هذي قوانين الحياة واصوله جيتك وانا حامل على راحتي روح=وعيون طيفك منتصف وسط لوله واليوم عدت بخافق(ن) صار مذبوح=يقطر كرامه مات موت البطوله |
اسألك بالله وينك؟
اسألك باللي قضا دينك وبكره هو يدينك اسألك بالله وينك؟ اسألك باللي علم كل السراير والضماير والذي سجل يسارك مع يمينك اسألك بالله وينك؟ اسألك بالله وينك؟ اسألك بالله وينك؟ |
ان كنت عايش هنا لا باس قاطعني=ماهو ضروري كلانا يشعر براحه ون كنت زعلان ليت انك تطالعيني=انا وعذري وموتي داخل الساحه تعال اما على موتي تودعني=اما تعال اطرده واطرد لي أشباحه |
ان حكا مثلك معي او ما حكا=ماتغير شي في قلب الاسد ون بكا مثلك علي او ما بكا=مايغير خارطة هذا البلد واثق الخطوةِ ماهو ملكا=واثق الخطوة مايمشي ابد |
قلب الشجاع اللي تحدته الاقدار=لا زال به ياهم الايام قدره |
يالله لا تجعل خظوعي سوا لك=في ساعة(ن) لاضاق صدري واجي لك تفني هلع روحي بلحضة سؤالك=وتغني قناعاتي اذا جيت اسيلك ياصدر لو ضاقت زوايا مجالك=ماودي ازبن غير يالله دخيلك ياقلب وش صاب جسدك من شمالك=اشوف نزفك فايضن به شليلك ماهو جديد الواقع اللي بدالك=ذا واقع الاحوال من يوم جيلك الليل حالك والبشر صار حالك=اقربهم اللي شق صملة صميلك وادناهم اللي بالوهن ما ثنى لك=مير العشم في قومتك ينثني لك كم كنت أحذّر طيبتك واحتمالك=واقول لك من ذا الذي يحتمي لك ياقلب لو ينفع بديل(ن) بدالك=كان اتخير لي خفوق(ن) بديلك تشيل هم اللي يثقّل مشالك=ون طحت عينه تنضرك مايشلك تعيا على اللي جاب روح العيا لك=وتسامح اللي في صوابك يعيلك اللي عطيته دين طيبك عصا لك=هو شفت دين من الوفا ما عصي لك وش فايدة من عقب موتك خصالك=الكون ماشي وانت عابر سبيلك ادعي من الله ينصفك بالجزا لك=ولا البشر معتاد ينكر جميلك |
لا بالله الا مفتكرك بقناعه=من يومك ضغيّر واطوعك ماطعت العام كنت بوقت سن الرضاعه=ياهم ما يمدي كبرت وترعرعت يومك صغير وكنت كلك شجاعه=واليوم عاد بجيش روحي تدورعت مدري الزمن يمشي علينا بساعه=ولا سموك في حضورك تسرعت حياك نلعب لعبة الاستطاعه=خابرك كنت تحبها كل ماسعت ويالله بناكل بالصدور اتساعه=ادريك دوم تحبها كل ماجعت بالرغم من غيبتك مالك قطاعه=وبالرغم من ضعية نديمك فلا ضعت كنك مودعني فبيتك وداعه=وانا الواداعه حافضه ماتجزعت حياك بس ماعرفتنا عالجماعه=هاللي معك يعني بعلاقتك ابدعت هذاك ضيق ومن وراه التياعه=واللي يساره شلفة(ن) به تقطّعت شف وشكثر زرعك نجح بالزراعه=على مساحة مابقالي تفرعت حياك واللي جيت تلوي ذراعه=يمكن يكسر هامتك كان ماطعت |
جميع الكون بأمر الله فاني=وعادي كان الاول صار ثاني فلاهو بالعجب كانك طعنتي=ولاهو من عجب صبري ب/شاني طبيعي يابعيد الشوف يبعد=غرامك في حشا قلب(ن) اناني يذكرني ببيت الشعر الاول=حفضته قبل لا يهدم كياني أُعلمه الرمايةَ كلَ يومٍ=فلما اشتد ساعده رماني (وكم علمته نضم القوافي=فلما قال قافيةً هجاني) وكم علمتها اني محمد=خفوقي اقطعه كانه عصاني واخرّز نون عيني دون ماها=اذا قد طالعت شوف(ن) جفاني مكانك يعلم الله الف وحده=ولكن وين تلقين بمكاني |
احيان اضحك لو ذكرت انتقامي=من شافني قطعاً حسبني تجننت لاصرت من بعض الصواديف حامي=ولاصار ندي ناعم العود هونت ماني على بنت(ن) مجرد حسامي=لاهنت ياراس القلم جوز لاهنت حضي لاني اوجعك في كلامي=وحضك لانه خالقك صورك بنت |
صمت
الى اشعار اخر فالنوم سلطان |
لولا العتب يحيي كرامات الاشواق=كان العتب من بادي الوقت سقته ولولا النضر يخفي معناة الاحداق=ماكان شوفي عن حضورك شنقته اللي تركته ماتنساه بعناق=كيف اتناسا من سواي اعتنقته مادام روحي تتبع الساق للساق=ماعاد اعود لذكرات(ن) حرقته رح شوف لك غيري سما والقط ارزاق=كل طير عندي صوب رزقه طلقته خذيت عن سم الثعابين ترياق=وارفيت كل جرح(ن) خطير(ن) فتقته واللي سبقني في ندامه لميثاق=الحين طفته من بعد مالحقته منك تعلمت المشاعر له اسواق=وفي شرعها حل الذي قد سرقته ومنك تعلمت الحقايق له انفاق=ماعاد يرهبني نفق لو خرقته ومنك تعلمت الاماني له اعواق=لذا فانا قلبي عن الحلم عقته ومنك تعلمت احتضن ضيق الاشناق=ماعاد صدري(ن) ضيقن لو طبقته منك تعلمت العجب وانت سباق=كم علم في لوحة خيالي طرقته مير انت مني ماتعلمت الاخلاق=يالله دخيلك كلها ما عشقته رح لاتجيني مابقا قلب يشتاق=قلبي مثل شوفك تراني زهقته |
من كثر ما اقرا أدب صدري بحفضه ممتلي=والمشكله نهم الحشا دايم يزود اليا امتلا كنت احفض اطيب ماطرا واحيان احسه منهلي=ومن نادر اللي احفضه ثم ارفضه شطر(ن) علا شطر يقول ان المحبه للحبيب الاولي=لا والله الا لا ولا والفين مره لا ولا ياشاعره ما الحب الا للحبيب الاوفا لي=من دون تنقيل الفؤاد ودون تحطيم الملا من لاسكب سيله على روحي وانا كنت اسطلي=ماهو بصفحات الغلا اللي بديوان الولا ياخي هلي لو تجحد وجودي وهم اصلا هلي=حرام غير اثنينهم ما اقول للباقي هلا ترضين ولا للابد جعلك ورى طور زعلي=ما الحب الا للحبيب اللي وجودي به خلا |
| الساعة الآن 08:25 AM. |
Powered by vBulletin® Copyright ©2000 - 2024, Jelsoft Enterprises Ltd. , Designed & TranZ By
Almuhajir