لغز-- ياويش رجل حظن بنت.&&&& حله كاتــم الونه

[جهام]

السلام عليكم ورحمة الله وبركاته
( لغز منقول)
ارجو ان ينال على اعجابكم .


ياويش رجلٍ حظن بنت بميداني= اللي حظنها حماها وابعد اعداها
اللي لفا به ماهو من نسل عدناني=اللي عرف سطوة العدوان ودواها

اخوكم
جهام

[كاتم الونة]

8
الله الله الله

جهاام..هنا..وطارح موضوع..ولغز جديد؟؟

ايه الهناء ده؟ وليك تؤبرني ياألبي

صح لسانك يالغلاااا

الرمعة توصلك برسالة خاصة..

محبة وشكر وترحيب
:)

[راعي القعود]

أبعرفش يا زلمه ... اللغز هآض صعب شوي علي
لا هنت يادب

[كاتم الونة]

8

هههههههههههههههههه

يالله صباح خير../ يالله ياجهام استلم الظاهر الاخ من ربعك ههههههههههههههه

ههههههههههههههههههههههههههههههههههههه

[عاشق نجد]

اخوي جهام
ممكن انها البطاقه

[جهام]

كاتم اسـألك بجد فيك فيروس اسمه الخاص والا انك متعلموه جديد اركد يابعدهم حلوه بعدهم اجحده ادري ان بحياتك مااحد قالك يابعدهم لكن اقول صبرا جميل والله المستعان
خيك
جهام

[جهام]

هلا براعي الكعود الله عليك شو صعب عليك باكولك شِي راعي هجن ولابدك تنطيني رمعة
انتظر رمعاتك اخوي
اخوك
جهام

[جهام]

هلا بعاشق نجد البطاقة مالك لوى

[صقيع الثلج]

الظرف يحظن الرساله

[SKYCRUISER]

هلابالشيخ جهام

وشرايك بصراف الفلوس:)؟

[جهام]

الظرف والرسالة مالك لوى اخوي
انتظر رمعاتك

[جهام]

حلوه الشيخ جهام لا ورمعة صراف الفلوس اكيد عندك فِراسة وش دراك ان عندي بنك

اخوي رمعة صراف الفلوس مالك لوى
انتظر رمعاتك

[كاتم الونة]

لازال اللغز قائم

:)

[عاشق نجد]

اخوي جهام وش رايك بالجوال وشريحته

[جهام]

اخوي عاشق الجوال وشريحته مالك لوى
اللي لفابه ماهو من نسل عدناني ...... اللي عرف سطوة الخيل ودواها
ننتظر رمعاتك

[عاشق نجد]

جهام عندي رمعه

( البرواز والصوره )

[جهام]

اخوي عاشق البرواز والصورة مالك لوى والتفكيرجيد لكن الرمعة بعيدة
اخوي انتظر فقعة عينه وانك تبي تجيبه

[كاتم الونة]

مازال اللغز قائم

وينتظر مبدع

:)

[صمت البوح]

إيش رايك أخوي جهام بصدام السيارة

[جهام]

هلا بالاخت صمت البوح صدام السيارة مالك لوى
اللي لفابه ماهو من نسل عدناني 000 اللي عرف سطوة العدوان ودواها

[كيرم]

ان شاء الله لي رجعه على اللغز بس بافكر فيه واردلك

مشكور على طرحك اخوي

وصح السانك

كيرموووووووه

[شـــجوون الـلـيـل]

يمكن العين ..
صح والا مو

[شـــجوون الـلـيـل]

للتووووووووضيح

الرجل ذاك الجفن من فوق الاعيااااااني ................. والبنت عينن الــــه الكون سواهـــا
واللي لفا به هو الخلااااق والبااانــــــي ............... رب البريه خلقها وآمن حمااااهـــــا

........................ شجووووون .....................

[جهام]

اخي كيرم ننتظر رمعة لعلها تحل هذا اللغز وياهلا بك

[جهام]

هلا بالاخت شجون الليل (والعين )مالك لوى
اللي لفابه ماهو من نسل عدناني = اللي عرف سطوة العدوان ودواها
البيت حقيقى لا تورية فيه
وصح لسانك على الابيات متمنيا ان يحل هذا اللغز

[المُهرة]

دي

:)

[جهام]

دي اللي ماياويلتس والا مشعاب براستس انت وخالتس المليح ابو الونه
اسمعي يذكرن نقابتس باندونيسية عنا بالضيعة اول ماجت من جاكرتا مكبرتن الفتحة واحيانا تطلع اذانه بس هي ازين منتس تغسلة بتايد انتي تغسلينوه بفيري صايرن اشهب
ترى بالحلة يبيعون الخمسة بعشرة ارخص من البيزة كهههههههههههههههههههههههههههههههههههههههههههههه

[المُهرة]

دي اللي ماياويلتس والا مشعاب براستس انت وخالتس المليح ابو الونه
اسمعي يذكرن نقابتس باندونيسية عنا بالضيعة اول ماجت من جاكرتا مكبرتن الفتحة واحيانا تطلع اذانه بس هي ازين منتس تغسلة بتايد انتي تغسلينوه بفيري صايرن اشهب
ترى بالحلة يبيعون الخمسة بعشرة ارخص من البيزة كهههههههههههههههههههههههههههههههههههههههههههههه
امحق من ولد ضيعه (q33)
دعاويك دعاوي عجوز طايحتن سنونه(gfp)
الا سن العقل الاقصى
هههههههههههههههههههه
وشغالتكم شكلها أخت شغالتنا
لا لبست النقاب تطلع مناخرها
أنتم الاذان
وحنا الفناخر بلغة القمصان (asj)
وشكلك من راعية الحلة
ولا وش دراك عن البضائع هونيك (q33)

[جهام]

اسمعي انا المورد للبضائع اللي بالحلة من ديرم وبيزة وقريض ونقابات ومصالي وحنا واجلة صلاة ومكانس خوص وطياس غرش وليف دلال كههههههههههههههههههههه
ارمعي0
تقولين التنكة مالك لوى
شوفي خالك كويتم جاب العيد وجاب لغز جديد الله يحلل اللغز الحصري
الا وما ترحون انتي وياه وتفتحون منتدى لحالكم مثلكم اللهم لك الحمد كثير تبون تلقون زباين
تصدقين لو تروحين انت وخالتس ادارة المنتدى يبون يفرحون 0
يقولون الحمدلله القلق والرجة راحوا الله يستر عليهم الا ماتعتقدين ان الرجة بخالتس مقفلتن نسبة تحت

[كاتم الونة]

ومصالي

؟

طنق...سين سؤال..

وش جنسيتك...؟

ههههههههههههههه

[عاشق نجد]

جهام مايكون رقم الهيكل والسياره

[جهام]

اسمع عمو كاتم تبي جنسيتي انا مقسوم نصين واحد من هون يعني زيك والتاني من هونيك رح رقعه والله اللي قاضي
هالحين وراك ماترمع اللغز وتفكون من شرك انت وبنت اختك
تصدق ابي ارمع واقول لروحي مالك لوى
اسمع جهام وش رايك ( بالساعة واليد)
مالك لوى جهام
ننتظر رمعاتك
تحمد الله ياكاتم
اذا انحل اللغز ما ني جايب اللغاز بنوب

[جهام]

اخوي عاشق الهيكل والسيارات والادوات مالك لوى خلك بالارض
ننتظر رمعاتك اخوي

[عاشق نجد]

الطخ سماوي يا عم الشيخ

[عاشق نجد]

طيب ممكن تشرح البيت الثاني اللي يقول ما هو من نسل عدناني

[جهام]

هلا بخوي عاشق ابشر لو تبي حله اللي لفابه ماهو من نسل عدناني اي ماهو عربي لا ن العرب ماتعرف الفكرة من قبل
يالله اخلص ارمعه والا احلة بديت ارمع معكم واقول مالك لوى ياجهام

[عاشق نجد]

طيب انا ماشي صح من اول


طيب شبك المحميه

[جهام]

شبك المحمية مالك لوى وابعدت انت رمعت مرة البرواز والصورة قلت التفكير والاتجاه جيد لكن الرمعة بعيدة

[شـــجوون الـلـيـل]

ذبحتنا بلغزك منين جايبه

ررررررررمعه

النظاره والبرواز

[جهام]

هلا بشجون الليل النظارة والبرواز مالك لوى
اللغز جايبه من جزر الواق الواق كهههههههههههههه
الاخت شجون تركيز بسيط انا قلت للاخ عاشق الصورة والبرواز تفكير جيد لكن الرمعة بعيده ووضحت ويش المقصود بالبيت الثاني كاملافي الرد36 مابقى الا احله
انتظر رمعاتك يجب ان نحله ونتجه الى لغز كاتم

[عاشق نجد]

اخوي جهام طيب لو قلت ممكن انه كلمة المرور والجهاز

[جهام]

مالك لوى اخوي عاشق كلمة المرور والجهاز ابعدت حيل
خلك بتفكيرك الاول برواز وصورة لكن ماهي رمعه
انتظر رمعاتك

[عسّـاف]

مراااااحب


ابي ارمــع هههههههه


انا اقول الدعيّع ههههههههه


احترامي

[شـــجوون الـلـيـل]

يمكن شاشة التليفزيون او الكمبيوتر

[جهام]

هلا بعساف
الدعيع مالك لوى
ننتظر رمعاتك اخوي

[جهام]

هلا بالاخت شجون الليل الجهاز والشاشة مالك لوى
عاشق نجد قال البروازوالصورة اقول اتجاه وتفكير جيد الا ان الرمعة بعيده وهذي قصة تاريخية
اقرب شوي ابيه ينحل اللغز
اللي لفابه ماهو عربي اللي عرف سطوة العدوان ودواها على الحقيقة لا الخيال والتورية

[صمت البوح]

محاولة بسيطة وأدري بتقول أخوي جهام المحاولة جيدة والرمعة بعيدة

أقول مقام سيدنا ابراهيم عليه السلام (المقام هو الرجل والأقدام هي البنت)

[جهام]

الاخت صمت البوح مالك لوى هل المقام ابعد الاعداء عن اقدام ابراهيم
اللغز فعلا حقيقة الرجل حمى البنت وابعد عداها والعرب كانت لاتعرف هذه الطريقه لولا الله ثم فكرةالرجل اللي ماهو من نسل عدنان
ننتظر رمعاتك
كما قلت قصة تاريخية

[المُهرة]

للمرة الثانية
دي :)

<<< ما قدرت ترد من الضحك

[النجديه]

اسمعي انا المورد للبضائع اللي بالحلة من ديرم وبيزة وقريض ونقابات ومصالي وحنا واجلة صلاة ومكانس خوص وطياس غرش وليف دلال كههههههههههههههههههههه
7
7
ايييييييييييه اطلع على حقيقتك ههههههههههههههههههه

<<<<<<<<<<<<< مسكته بالجرم المشهود (qq171)

الحين مسوي نفسك ما تعرف في التراث وتستعين بصديق وفي الاخير صرت مطيح عند بساطات الحله هههههههههههههههههههه

هين بس ياجهاموه (zm)

تسلم يديك ياخوي على هاللغز العصب

وانتظر رمعتي (qq15)

<<<<<<<< هين بس ما عرفوها كلهم عشان تعرفينها انتي هههههههههه

[جهام]

وش اللي جمعكن مع بعض الله يكفينا الشر مهررررررررروه ماقدرت اكتب (دي )انت مهره تكفين اقري علي ما قدرت ارمع انت نحوته هذه امكانياتس وانت على الجهاز يالله العوين على المشاهده ( اسم الله علي )
ارمعي الله يصجتس

[جهام]

7

ايييييييييييه اطلع على حقيقتك ههههههههههههههههههه

<<<<<<<<<<<<< مسكته بالجرم المشهود (qq171)

ا
اسمعي تصدقين من زود الفضيحة اكتب وانا مغطي وجهي لا وش لوتدرين ان سري مقطوع بالحلة الله يستر من كويتم
7


تسلم يديك ياخوي على هاللغز العصب


الليدي هاردلك هاللغز( العصب) وين دارستن علم اللسانيات لا تقولين بحفر الباطن والا القريات
77

وانتظر رمعتي (qq15)


من هالحين مالك لوى لوى يلوي المهرررره هي وخالة
7


<<<<<<<< هين بس ما عرفوها كلهم عشان تعرفينها انتي هههههههههه
ياحيف عالزلم شو الحكي

[(فارس الظلام)]

نقول (الكوره )وتراي عليمي

[جهام]

اهلين عمو فارس الظلام

(الكورة) مالك لوى
لا ماانت عليمي اللي يكون فارس وبظلام مايكون عليمي
انتظر رمعاتك

[النجديه]

الليدي هاردلك هاللغز( العصب) وين دارستن علم اللسانيات لا تقولين بحفر الباطن والا القريات
7
7
لا بحفر العتش (qq168) ههههههههههههههههههههه

[كاتم الونة]

السلام عليكم ورحمة الله وبركاته
( لغز منقول)
ارجو ان ينال على اعجابكم .


ياويش رجلٍ حظن بنت بميداني= اللي حظنها حماها وابعد اعداها
اللي لفا به ماهو من نسل عدناني=اللي عرف سطوة العدوان ودواها

اخوكم
جهام

غريبة حتى الان لم يتوصلون الى الحل..طيب هذا رد مني لجنابك


يـامرحبابك عـدد مـاهــل هــتـاني=مـن مـزنةٍ يارفـيـقي خــلْبت مـاها
مريت لغزك وجدته لغز ملـيـاني=قلنـا نـحاول عـلى رمـعة ومـرماها
الخندق اللي لفا به فكر سلمــاني=يـوم العـدو يـارفـيقي أنـتهض جاها
جاء للمدينة على شرٍ وشـيـطـاني=وألله بعث له هبوبٍ صلف ممشاها
كانه صحيحٍ رمـعته لغزك الثاني=هــديةٍ مـن مـحـبك خـص وأهــداها

[جهام]

صح لسان كاتم نعم الخندق الذي ضرب حول المدينة المنورة التى منعها من دخول الاعداء بإذن الله وصاحب الفكرة سلمان الفارسي رضي الله عنه وهو ليس من نسل عدنان والفكرة كانت غريبة على العرب لانهم اصحاب كر وفر
اشكر جميع من ساهم في مداخلة واستفسار

[صمت البوح]

السلام عليكم ورحمة الله وبركاته

ماشاءالله تبارك الرحمن

ألف مبروك أخوي كاتم وأكيد دايم راعيها الله لا يضرك

مع إن هالرمعة كانت على طرف أصابعي بس يالله سبقتني أخوي كاتم خيرها بغيرها(والله من جنبها)

[كاتم الونة]

*8*

الله يبارك بعمرك أستاذتي
/
تحية لكل من شاركنا.*:)*

::

هذا اللغز محلول
:
:
:
ومغلق:)