الحب الأول
03-04-04, 05:40 PM
بسم الله الرحمن الرحيم
السلام عليكم مساكم الله بالخير
السالفة هالمرة عن ذكاء النساء
أم ناصر حرمة كبيرة سن رملا وساكنة لحالها في دار في أعلى السكة . جالسة في الباحة ذاك اليوم العصر وجالسة معها جارتها أم حمد ويسبحنن عن أحولهم تلقيم المعاويد [ البعارين الي تصدر في المنحاة ] وطحن الطحين وحصاد النخل وسوى العشاء ويمر هذاك العيارالفقير ويسمع سواليفهن قالت أم حمد عندي صرير فيه حلالي كود تحطينه عندك في غريفتس الي فوق ألين أجي من البر قالت ما يخالف راحت أم حمد وجابت المصر وصاحبنا يشوفها في السكة المهم جلس يفكر وش لون يسرق من أم ناصر هالحلال راح وجلس في المشراق في طرف الديره وقعد يفكر ما أبطاء و دخل المغرب وراح ودور له خرقة خضراء ولقاها وصلى العشاء ورقد في فراشه .
يوم جاء تالي الليل تلفلف بالخرقة الخضراء وطب على أم ناصر مع بيت الجيران ولقاها تصلى آخر الليل فهو جيد مايبي يروعها سلم عليها وقالت وش أنت ياها الرجال قال أنا جبريل جاي من الجنة وزوجس أبو ناصر يسلم عليس ويقول تعطيك الحلال الي عندها صدقة للفقراء ، رفعت راسها وقالت أنت جبريل صلى الله عليك وسلم ، أدخل الغريفه وفيها حلالي .
دخل أخو طرشا الغرفة وهي تقوم وتصك الباب عليه وتاخذ المفتاح ، قال أفتحي الله يرحم والديك قالت ، جبريل رافع سبع بلد على طرف جناحه وانت ماتقدر تفتح باب خشب .
إذا جاء الصبح يسنعونك الرجاجيل ، جلس إلى الصبح ويوم طلعت الشمس وتروح لقريب لها ويجي ويطلعه من الغرفة ويعرف أنه فقير راح به إلى بيته وعطاه طحين وسمن وتمر ، وعاهده أنه مايسوي شيء بعدها .
----------------------------
منقول
الحب الأول
السلام عليكم مساكم الله بالخير
السالفة هالمرة عن ذكاء النساء
أم ناصر حرمة كبيرة سن رملا وساكنة لحالها في دار في أعلى السكة . جالسة في الباحة ذاك اليوم العصر وجالسة معها جارتها أم حمد ويسبحنن عن أحولهم تلقيم المعاويد [ البعارين الي تصدر في المنحاة ] وطحن الطحين وحصاد النخل وسوى العشاء ويمر هذاك العيارالفقير ويسمع سواليفهن قالت أم حمد عندي صرير فيه حلالي كود تحطينه عندك في غريفتس الي فوق ألين أجي من البر قالت ما يخالف راحت أم حمد وجابت المصر وصاحبنا يشوفها في السكة المهم جلس يفكر وش لون يسرق من أم ناصر هالحلال راح وجلس في المشراق في طرف الديره وقعد يفكر ما أبطاء و دخل المغرب وراح ودور له خرقة خضراء ولقاها وصلى العشاء ورقد في فراشه .
يوم جاء تالي الليل تلفلف بالخرقة الخضراء وطب على أم ناصر مع بيت الجيران ولقاها تصلى آخر الليل فهو جيد مايبي يروعها سلم عليها وقالت وش أنت ياها الرجال قال أنا جبريل جاي من الجنة وزوجس أبو ناصر يسلم عليس ويقول تعطيك الحلال الي عندها صدقة للفقراء ، رفعت راسها وقالت أنت جبريل صلى الله عليك وسلم ، أدخل الغريفه وفيها حلالي .
دخل أخو طرشا الغرفة وهي تقوم وتصك الباب عليه وتاخذ المفتاح ، قال أفتحي الله يرحم والديك قالت ، جبريل رافع سبع بلد على طرف جناحه وانت ماتقدر تفتح باب خشب .
إذا جاء الصبح يسنعونك الرجاجيل ، جلس إلى الصبح ويوم طلعت الشمس وتروح لقريب لها ويجي ويطلعه من الغرفة ويعرف أنه فقير راح به إلى بيته وعطاه طحين وسمن وتمر ، وعاهده أنه مايسوي شيء بعدها .
----------------------------
منقول
الحب الأول