نسب الطلاق مهووووله😱😱

[همكم همي]

مسائكم وايامكم كلها استقرار وراحه

موضوع قرأته امس ضيق صدري
نسب الطلاق وصلت عندنا الى فوق 60٪مدري الخبر صح
ولا في عقل اللي كتب خلل!!
ع العموم الوضع يحتاج تكاتف المجتع لصد هالظاهره المرعبه
الكارثه بتعم الجميع ماراح اثرها يقف ع باب المطلقين فقط

ع كثر النعم قل من يشكرها عندما ترزق بزوجه فهذه نعمه تحتاج شكر
نعم شكرها بالعنايه فيها لاتحتاج المرأه للمزيد حتى تستقر
لاكن بعض الأزواج بخيل ومعوله في يده يهدم اكثر مما يبني

وبعض النساء مدري انهبلت ولا وش صار فيها
اهملت بيتها وزوجها وعيالها وصارت تلهث خلف الموضه والطلعات والترفيه التافه
وجود رجل في حياتك نعمه يجب شكرها
ياعالم بيوتات المسلمين اصبحت في خطر فهل من ناصح وهل من تدخل
جميع مؤسسات المجتمع وجميع الناس اللتي تعقل وتجيد الاصلاح
واجب عليهم قدر الامكان نشر الثقافه الصحيحه للإستقرار الزوجي
على كل مؤسسه مخوله أن يتعدى دورها محيط المؤسسه لابد من توسط الميدان
لنترك دور المتفرج ولنحافظ ع اسوار المجتمع متماسكه بتماسك الاسر
يشهد الله اني من امس كني في حلم معقووول0 4 ٪فقط اللي مستقرين والباقي بيوت متفكككه🤔🙁

[غريب الماضي]

هلا همكم
يسعد مساك

طبعاً مستحيل تصل النسبة إلى 60%
هذا يعني المتزوجين فقط 40% من سكان المملكة وهذا
كذلك مستحيل ولكن النشرة الأخيرة قالوا نسبة الطلاق
بعد الحظر أكثر من قبله وأعتقد أعلنوا عن 4000 وزيادة
حالة طلاق وبكل الاحوال نسبة الطلاق عالية منذ زمن
عندنا ونتمنى أن ينتهي شيء أسمه طلاق من المجتمع
بأكمله

[همكم همي]

هلا همكم
يسعد مساك

طبعاً مستحيل تصل النسبة إلى 60%
هذا يعني المتزوجين فقط 40% من سكان المملكة وهذا
كذلك مستحيل ولكن النشرة الأخيرة قالوا نسبة الطلاق
بعد الحظر أكثر من قبله وأعتقد أعلنوا عن 4000 وزيادة
حالة طلاق وبكل الاحوال نسبة الطلاق عالية منذ زمن
عندنا ونتمنى أن ينتهي شيء أسمه طلاق من المجتمع
بأكمله

هلا بالقائد

نعم ارتفعت بعد الحظر شيء غريب وماصدقوا انفتح الباب
تزاحموا ع المحاكم شيء مخيف وين الصبر وين التحمل
مافيه حياة صافيه كلها لابد من معكرات لصفوها
لاكن قل الصبر وقلة الثقافه اثرت عليهم بس هم المتزوجين نم وقم
تناسوا انه ميثاق غليظ وانها مسؤوليات ع عاتق كل واحد وراح يسأل عنها

[عساس الحيا]

صحيح نسبة الطلاق خلال شهر بعد الحظر وصلت 40 الف
اول مره يحدث هذا في المملكة
وصلت النسبة 90% خلال شهر فقط

طبعا النسبه والعدد رسميه ومؤكده ومن جهات العدل

للاسف ان نصل الى هذا المستوى !!!

[عساس الحيا]

وتكلمت عن هذا الحدث المؤسف في احد المواضيع

[غريب الماضي]

هلا بالقائد

نعم ارتفعت بعد الحظر شيء غريب وماصدقوا انفتح الباب
تزاحموا ع المحاكم شيء مخيف وين الصبر وين التحمل
مافيه حياة صافيه كلها لابد من معكرات لصفوها
لاكن قل الصبر وقلة الثقافه اثرت عليهم بس هم المتزوجين نم وقم
تناسوا انه ميثاق غليظ وانها مسؤوليات ع عاتق كل واحد وراح يسأل عنها

وبالمستقبل القريب بيصير الطلاق إلكتروني
بس يتهاوشون يفتح " ابشر " ويدزها طلاق
وعساها تلحق الزوجة وتفصل عنه النت قبل
يكبس على " هل أنت متأكد "

[همكم همي]

صحيح نسبة الطلاق خلال شهر بعد الحظر وصلت 40 الف
اول مره يحدث هذا في المملكة
وصلت النسبة 90% خلال شهر فقط

طبعا النسبه والعدد رسميه ومؤكده ومن جهات العدل

للاسف ان نصل الى هذا المستوى !!!


حياك عساس الحيا

الدليل انهم ماتعودو ع الجلوس بالبيت اكثر والحجر جلسوا ع مضض
يجون من العمل بعضهم ياكل لقمته ويطلع لاصدقائه مافيه استقرار
ويجي آخر الليل ويحط راسه وينام
المفروض الاصداقاء لهم يومين والباقي للأهل وحفظ الأمانه ورعايتها
فيه ابناء يحتاجون أب حولهم يربي يوجه فيه زوجه تحتاج احد يشيل الحمل معها

وللأسف اني اشاهد كثير من النساء بدأت تسحب البساط من تحت الرجل
وتالله انه ماهو من صالحها لايصلح البيت الا بتوازن المسؤوليه بين الزوجين كل واحد يقوم بمايجب
ولا يتحمل اكثر من الازم فتنهار قواه ويتراجع







وتكلمت عن هذا الحدث المؤسف في احد المواضيع


جزاك الله خير مثل هالمواضيع تحتاج لفزعة الاقلام الراقيه امثالك

[همكم همي]

وبالمستقبل القريب بيصير الطلاق إلكتروني
بس يتهاوشون يفتح " ابشر " ويدزها طلاق
وعساها تلحق الزوجة وتفصل عنه النت قبل
يكبس على " هل أنت متأكد "



ههههههههه
شيء مضحك ومبكي في نفس الوقت
اذا عصب الواحد لعب بأبغض الحلال وشاف الجانب الأضعف ليهدمه
ماجعل الله القوامه عليه الا لأنه الاقوى تحمل ولأنه يتحكم اكثر بعقله
لاكن زاحمت تلك العقل آفات اتلفته مخدرات سوالف مجالس تافهه وتحريض
اصدقاء فاشلين وغالبآ مطلقين ومدمنيين قل لي من تصاحب اقل لك من انت فعلآ الصديق
منحنى خطير في حياة كل واحد يجب العنايه بمجالسكم

[الــــدانة]

يعني اكثر من نصف الشعب مطلق ؟؟؟

تهاويل

[همكم همي]

يعني اكثر من نصف الشعب مطلق ؟؟؟

تهاويل

هلا بالدانه

يقولون اكثر ياستار استر

[جامعي faisal]

يوم كانت المراه تلزم بيتها مانسمع بهالنسب المهولة

[أخت القمر]

أهلين همي
اخبارك؟
منورة
يعني كانوا متحملين بعض ايام الحظر لانه مافيه دوامات!
ولما فتحت المحاكم تطلقوا
النسبة كبيرة وماتدخل العقل اذا كانت على مستوى المملكة
بس اتوقع النسبة الكبيرة لزواجات هالسنة بس

[همكم همي]

يوم كانت المراه تلزم بيتها مانسمع بهالنسب المهولة

حياك جامعي
فعلآ نساء قبل كانت اغلبهن شبيهه بسفينة نوح محمله
كل العائله ع ظهرها وصابره مسمى الحموله تترنم فيه
رغم كبر المسؤوليه وتفرعها
الحين البعض مافيه الا زوجها ويمكن طفل عند الأغلب والمسؤوليه مترنحه
لاهي سندتهاا ولا الزوج فزع ودار الأمور يحتاجون لترمين ثقافه زوجيه ويالله يمشون

[همكم همي]

أهلين همي
اخبارك؟
منورة
يعني كانوا متحملين بعض ايام الحظر لانه مافيه دوامات!
ولما فتحت المحاكم تطلقوا
النسبة كبيرة وماتدخل العقل اذا كانت على مستوى المملكة
بس اتوقع النسبة الكبيرة لزواجات هالسنة بس


هلا وغلا اخت القمر
يمكن
ويمكن عشان مالهم متنفس ومكان يروحون فيه

قصرآ وجبرآ مغلوبين ع امرهم ههههههه

مع انه حتى في وقت الحظر البعض يتفلت
اتذكر بنتي ايام الحظر طلبت توصيل بعض الأغراض
واللي يوصلها تأخر بحثت بالخريطه حصلته باستراحه
ارسلت له اذا ماجبت اغراضي بسرعه ببلغ عليك مادرت الا انهى الموضوع😂😂

يعني حتى بالحظر موب الكل متقيدين ومتحملين بعض لأنهم بالأصل
مو متعودين 🙁

[أخت القمر]

هلا وغلا اخت القمر
يمكن
ويمكن عشان مالهم متنفس ومكان يروحون فيه

قصرآ وجبرآ مغلوبين ع امرهم ههههههه

مع انه حتى في وقت الحظر البعض يتفلت
اتذكر بنتي ايام الحظر طلبت توصيل بعض الأغراض
واللي يوصلها تأخر بحثت بالخريطه حصلته باستراحه
ارسلت له اذا ماجبت اغراضي بسرعه ببلغ عليك مادرت الا انهى الموضوع😂😂

يعني حتى بالحظر موب الكل متقيدين ومتحملين بعض لأنهم بالأصل
مو متعودين 🙁

اي والله
عاد اذا طلبنا من هنقرستيشن ايام الحظر
انبسط(a21)
لاني اتابع السائق >> من الطفش
ونشوفه وقف بمكان وطول
نعرف ان نقطه تفتيش ماسكته(asj)
وبالفعل يسأله ابونا يقول اي

[طووق الياسمين]

الغريب انه ليش زادت بعد الحظر يعني قبل ماكانوا يعرفون بعض زين وانحجروا وعرفوا بعض

[أخت القمر]

الغريب انه ليش زادت بعد الحظر يعني قبل ماكانوا يعرفون بعض زين وانحجروا وعرفوا بعض

يقولك فيه واحد متزوج مرته من زمااااااان
كبار بالعمر
توه يكتشف انها عرجاء(asj)
عاد مدري صدق او نكته:secret25:

[طووق الياسمين]

يقولك فيه واحد متزوج مرته من زمااااااان
كبار بالعمر
توه يكتشف انها عرجاء(asj)
عاد مدري صدق او نكته:secret25:

يووه يعني حتى اللي يشاف بالعين المجرده هههههههه


اكيد نكته مو لهدرجه عاد

[riiima]

وبالمستقبل القريب بيصير الطلاق إلكتروني
بس يتهاوشون يفتح " ابشر " ويدزها طلاق
وعساها تلحق الزوجة وتفصل عنه النت قبل
يكبس على " هل أنت متأكد "

🤣

[riiima]

الناس ودها تعيش المسلسلات بواقعها
وتطلق و يجي او تجي تترجى العودة و دموع و ورود و نرجع نتزوج بعرس جديد و رومانسيات و سيلفي و مقاطع نصور بها حياتنا و ننشرها

الي يطلقوا الحين بكثرة جيل مسلسلات الترك و قنوات التواصل الاجتماعي الي سهلت فضح اسرار البيوت او الي يصورون جانب مرقع مزخرف لايهام الناس انهم بجنة وحياتهم برفكت ليقع الحمقى بفخ المقارنات وندب حظوظهم العثرة و محاولة التغيير لاسباب سخيفة
وهاشي كان محضر مسبقا لضرب الاسر المسلمة و تشتيتها و كانت خطوة تمكين المراة وحقوق ما حقوق الحلقة الاخيرة من مسلسل الهدم // احسني صرت اسد بها السطر الاخير 🤔

[روعة ملاكـ]

بس تبون الصراحه بعض الطلاق لبعض النسوان راحه
<< والله يافيه رجال حسافه عليهم النسوان
لا يقدر الحرمه ولا يحترمها ولا ينفق عليها
ولسانه متبري منه <<

هذولا من الحرمه الي تقدر تعيش معه
<< احسنوا التعامل مع نساءكم
رفقا بالقوارير <<







ً


وتلتقيه كل وقته يقولها بعرس
ماتحملتك حرمتك تجيب حرمتن ثانيه تبلاها بك

[النادل~]

هلا ومسهلا بهمكم همي
المهم انت طلقت المنتدى والا لك معرف اخر

المهم الحمدلله على السلامه

أننتي من أسس المنتدى وزينه

[الــــدانة]

هلا بالدانه

يقولون اكثر ياستار استر




هلا بك أكثر :)
خلك من يقولون
تلفتي حولك بالعوائل
إن شفتِ أكثر من نصف بنات العائلة مطلقات فالكلام صحيح
وهكذا ...

عوائل كبيييييرة
ماتلقين فيها المطلقة أو تلقين وحدة ثنتين ويقول لك 60%



عجيب :)

[... بنت الجنوب ...]

...

الطلآق بيد الزوج مو بيد الزوجه
أيضاً اللوم يقع ع الزوج المستهتر
المفروض يكون أكثر صبر وحكمه وعقلآنيه
وقت الخلآف الشيطآن حآضر
يآخذ نفسه ويطلع
لآيجلس كلمه بكلمه وآخرتهآ إنتي طآلق
..
طبعاً م أنكر إن بعض الزوجآت
تجيب لنفسهآ الطلآق
لكن مآنرمي كل اللوم ع الزوجه فقط
.

[النادل~]

اقول للمتزوجات إياك والطلاق
خراب بيوت. وأولاد واشياء كثيرة
...
واقول المطلقه قدر الله وما شاء فعل
ماهي اخر الدنيا والطلاق ماهو عيب
والحياة ما أنتهت. تزوجي من اخر
بعد الاتكال ع الله. ومع تفادي أخطائك الماضيه

ونفس الكلام ينطبق ع الرجل

[الفرزدق الأخير]

الطلاق امر سي جدا .. النظرة الاخيرة والغياب الابدي
" صور سيئه تتوالى " وتكون اكثر " ألم " لو كان بينهما اطفال
( الطلاق يعني انهيار الاسرة التي تحضن هولاء الاطفال )
وبالتالي النتيجه شتات .. وغالبا " لن يكون الابناء اسوياء " وهم
قد نشأوا في اسرة مفككة ..



مزعجه فكره الطلاق وبقوة لكلا الطرفين ..
النسب نعم مهوله جدا والمصادر وزارة العدل .. 4000 اربعة الاف حاله طلاق في شهر
عدد مهول جدا .. معناته في 8000 شخص .. انفصل عن شريكه .. 4000 بيت تم اقفالها



وختاما :

وبعكس السائد .. انا اعتقد ان 85% من المسئولية في الطلاق تقع على الزوج حصرا
فبيته وزوجته انعكاس لوضعه ووعيه وسلوكه ..
الطلاق ليس خيار المراة الاول
ولاحول ولاقوة الا بالله
افكر في نفسيه " البنت المسكينه " التي تعود لبيت اهلها بعد ان كانت مستقله وبيت
واسره .. تعود لتنام ببيت والدها من جديد .. وقد خسرت حياتها التي حلمت بها كثيرا

ختاما :
الطلاق "اسوء الخيارات الممكنة "

:)

[سليمان١٣]

حي الله الهمومه اللي لولا المصايب مانشوفها :876564:

الطلاق لو قلنا اربع طلاقات بيكون توزيعها ٣طلاقات منها بسبب الرجل

الحريم لو بتراعيهن يمديك مطلق العصر والمغرب والعشاء


الحريم ضعوف كلمه توديهن وكلمه تجييهن بستثناء القلة شياطين

لكن لازم تتحمل وتصير رجل لان الرجل يكون رجل بالتزامه وتحمله للمسئولية وان فيه شي زايد فخير وبركه ...

[عساس الحيا]

سؤال للجميع

كل واحد يضع نفسه محامي او قاضي
ويحكم في هذه القضية من وجهة نظره

خاصه ان السؤال موجه الى مها


زوجة توفى زوجها وله منها ابناء
ثم تزوجت رجل وحدث بينها وبينه مشاكل وخافت على نفسها من شر هذا الزوج
حملت سلاح مسدس في حقيبتها احتياطا لو تعرض لها الزوج تدافع عن نفسها
خرجت ذات يوم من المنزل مع ابنها فخرج زوجها والشرار يقدح من عينيه خافت واخرجت المسدس ولكن زوجها سبقها واخرج مسدسه واطلق عليها طلقتين طلقه في رقبتها وطلقه في صدرها ووماتت رحمها الله

ملاحظة
هذه الزوجه رحمها الله لها ولد من زوجها الجاني

هل يحكم على الزوج بالقتل

[المتحد]

موضوع تفشي نسب الطلاق وارتفاعها الملحوظ
يتم التعرض له باستحياء وهو يستحق التوقف عنده
ودراسته وان تقدم له النصائح النفسية والاجتماعية
وان كان ملامح اسبابه واضحه نوعاً ما
وهي بالاضافه الى حالة القصور والتراخي لدى بعض الازواج
يقع جزء كبير منها بسبب مظاهر النسونة والتمرد
التي دغدغت مشاعر كثير من الزوجات
الله يصلح الحال

شكراً للكاتبة القديرة همكم همي🌷
.

[همكم همي]

//

[همكم همي]

الغريب انه ليش زادت بعد الحظر يعني قبل ماكانوا يعرفون بعض زين وانحجروا وعرفوا بعض

هلا طوق الياسمين

لأنهم مقابلين بعض قبل والزوج غالبآ بالعمل واذا رجع
يكمل بالاستراحه لاكن الحظر طلع عيوبهم وبدل انهم يستغلون الوضع
صار وبال عليهم للأسف ولاننسى ان الناس كانت مضغوطه مرض
وحجر مررره صعبه

[همكم همي]

الناس ودها تعيش المسلسلات بواقعها
وتطلق و يجي او تجي تترجى العودة و دموع و ورود و نرجع نتزوج بعرس جديد و رومانسيات و سيلفي و مقاطع نصور بها حياتنا و ننشرها

الي يطلقوا الحين بكثرة جيل مسلسلات الترك و قنوات التواصل الاجتماعي الي سهلت فضح اسرار البيوت او الي يصورون جانب مرقع مزخرف لايهام الناس انهم بجنة وحياتهم برفكت ليقع الحمقى بفخ المقارنات وندب حظوظهم العثرة و محاولة التغيير لاسباب سخيفة
وهاشي كان محضر مسبقا لضرب الاسر المسلمة و تشتيتها و كانت خطوة تمكين المراة وحقوق ما حقوق الحلقة الاخيرة من مسلسل الهدم // احسني صرت اسد بها السطر الاخير 🤔


هلا ريم

للأسف المسلسلات تم تطبيقا بحياة الكثيرين من بيوتات المسلمين
اللي تشوفه بالمسلسل تبيه في حياتها
والرجل كذالك يشوف ويقارن مدري عقولهم مغيبه يعرفون انه تمثيل
وإن غالب حياة الممثلين فاشله واغلبها نكد وقتل وتنكيل

كذلك حياة المشاهير مثل ماذكرتي يصورجانب ويوهم الجمهور انه في نعيم
وتحصلينهم توهم متكفخين وياما طلعت فضايحهم

لاكن من تقوله صار عقلهم الباطن هو اللي يقودهم للأسف
واكيد مافيه شك ان السعي لهدم بيوت المسلمين مخطط له من قبل
اعداء الدين وللأسف انهم تمكنوا ويتفرجون ع النتيجه المره

[همكم همي]

بس تبون الصراحه بعض الطلاق لبعض النسوان راحه
<< والله يافيه رجال حسافه عليهم النسوان
لا يقدر الحرمه ولا يحترمها ولا ينفق عليها
ولسانه متبري منه <<

هذولا من الحرمه الي تقدر تعيش معه
<< احسنوا التعامل مع نساءكم
رفقا بالقوارير <<





هلا روعة ملاكـ

ماننكر ان الطلاق احيان وفي حالات معينه يعتبر
خروج من سجن ابو غريب
بعضهم الزوجه عنده كنه سقط متاع نفس شينه وجلد مروح فراقه جنه

لاكن الطلاق الحاصل في هالوقت للأسف ع اشياء تافهه وفي اول سنه زواج
بلى مافيه دورات اجباريه لمدة سنه عشان يعرفون إن الله حق
والمهر تحصلونه ابوه ولا امه دفعت ويمكن اعانه من جماعته اللي مايتعب بالمهر
والاستعداد لبناء بيت مايهمه كيف يخلعه




ً


وتلتقيه كل وقته يقولها بعرس
ماتحملتك حرمتك تجيب حرمتن ثانيه تبلاها بك


هذا اللي ودك من يدبجه لين يقول آمييين
يهدد وبتزوج والنعمه بين يديه اذا عنده ظروف واحوال صعبه
ونفسه تدعوه لسبب قوي للتعدد يعدد بس ينطم لين يطبخ طبخته
ويدرج تاج راسه ام عياله ويطيب خاطرها

[همكم همي]

هلا ومسهلا بهمكم همي
المهم انت طلقت المنتدى والا لك معرف اخر

المهم الحمدلله على السلامه

أننتي من أسس المنتدى وزينه


هلابك يالطيب

الله يسلمك ويحفظك

يشهد الله ماعندي الا هالمعرف ولا احب ادخل بوجهين
مره وحده دخلت بمعرف ثاني يمكن مشاركتين لان دخولي تعذر بهذا المعرف
وعلمت الجميع قلت أنا همكم وابشرك نسيته ههههه

المهم انك اصيل الله يسعدك وانت وشرواك من اسس واستمر اما انا شيء غريب
كل مادخل المنتدى دقايق اطلع ابي ارجع وأتردد لي فتره ع هالشعور الغريب مع اني احن لهالمكان

[همكم همي]

هلا بك أكثر :)
خلك من يقولون
تلفتي حولك بالعوائل
إن شفتِ أكثر من نصف بنات العائلة مطلقات فالكلام صحيح
وهكذا ...

عوائل كبيييييرة
ماتلقين فيها المطلقة أو تلقين وحدة ثنتين ويقول لك 60%



عجيب :)


والله ونا اختك شفنا البعض تطلق وشفنا بعضهن حياتهن متزعزعه
قلبي يتقطع عليهن بيخربن حياتهن بيديهن زوج ع الكيف
وتطلع وتجي متى ماتبي ومصروف وبيت مستقل ولا عاجبهن
يقارنن حياتهن بمشهورات السناب اللي اغلبهن حياتها اردى من متابعينها

المهم انه كثير من البيوت ان لم تكن فعلآ انهدمت فهي متخلخله والسبب انه
تصير من الطرفين مافيه واحد منهم يرقع ويصلح يروح يومهم وشهرهم وسنتهم
محاسبه وزعل امحق من حياة
الحياة الزوجيه مثل الحبل اذا شد احدهم يرخي الآخر لتدوم

[همكم همي]

...

الطلآق بيد الزوج مو بيد الزوجه
أيضاً اللوم يقع ع الزوج المستهتر
المفروض يكون أكثر صبر وحكمه وعقلآنيه
وقت الخلآف الشيطآن حآضر
يآخذ نفسه ويطلع
لآيجلس كلمه بكلمه وآخرتهآ إنتي طآلق
..
طبعاً م أنكر إن بعض الزوجآت
تجيب لنفسهآ الطلآق
لكن مآنرمي كل اللوم ع الزوجه فقط
.


هلا بنت الجنوب

للأسف إن اللي بيده زمام الأمور احيان يصير اردى من الحرمه
ولا مفروض اذا صار خلاف وطول ولا مل من وجهها يوديها عند اهلها باسلوب
ترتاح فتره ولا يسافر كم يوم يريحها ويرتاح وبعدها ترجع الأمور افضل
المشكله الأساسيه من وجهة نظري بالزعل اللي يطول ينام الواحد ويصحى وهو مخنفر
هذا بالله كيف تاكل الزاد وهو قدامك

ولا المشاكل في كل بيت وما سلم منها اطهر بيت محمد ابن عبد الله عليه افضل الصلاة والسلام

[همكم همي]

الطلاق امر سي جدا .. النظرة الاخيرة والغياب الابدي
" صور سيئه تتوالى " وتكون اكثر " ألم " لو كان بينهما اطفال
( الطلاق يعني انهيار الاسرة التي تحضن هولاء الاطفال )
وبالتالي النتيجه شتات .. وغالبا " لن يكون الابناء اسوياء " وهم
قد نشأوا في اسرة مفككة ..



مزعجه فكره الطلاق وبقوة لكلا الطرفين ..
النسب نعم مهوله جدا والمصادر وزارة العدل .. 4000 اربعة الاف حاله طلاق في شهر
عدد مهول جدا .. معناته في 8000 شخص .. انفصل عن شريكه .. 4000 بيت تم اقفالها



وختاما :

وبعكس السائد .. انا اعتقد ان 85% من المسئولية في الطلاق تقع على الزوج حصرا
فبيته وزوجته انعكاس لوضعه ووعيه وسلوكه ..
الطلاق ليس خيار المراة الاول
ولاحول ولاقوة الا بالله
افكر في نفسيه " البنت المسكينه " التي تعود لبيت اهلها بعد ان كانت مستقله وبيت
واسره .. تعود لتنام ببيت والدها من جديد .. وقد خسرت حياتها التي حلمت بها كثيرا

ختاما :
الطلاق "اسوء الخيارات الممكنة "

:)



حياك يالفرزدق

اكثر مايقصم الظهرالأبناء البعض ليته يطلق وخلاص
يصير يستخدم الابناء ورقة ضغط ومعاقبه للزوجه وهي كذلك
انا شفت حاله هي اللي تضغط عليه تحرمه من شوفتهم تسمح مره وتحرمه مرات
وزياده ترفع قضية نفقه وهو منتف بعضهم غارق بالديون وهي احوالها افضل
وتقدر تصرف عليهم ومع ذلك تطرد خلفه وتضيق عليه بمسمى النفقه
طيب هو لو يقدر ماراح يبخل عليهم

المهم ان كلا الطرفين غالبآ متسبب وليتهم يوم يطلقون يكون طلاق ناجح
طلاق يحفظ حقوق الابناء وامنهم النفسي ماهو طلاق جلسات محاكم
وفشايل وقهر

[همكم همي]

حي الله الهمومه اللي لولا المصايب مانشوفها :876564:

الطلاق لو قلنا اربع طلاقات بيكون توزيعها 3طلاقات منها بسبب الرجل

الحريم لو بتراعيهن يمديك مطلق العصر والمغرب والعشاء


الحريم ضعوف كلمه توديهن وكلمه تجييهن بستثناء القلة شياطين

لكن لازم تتحمل وتصير رجل لان الرجل يكون رجل بالتزامه وتحمله للمسئولية وان فيه شي زايد فخير وبركه ...


حياك سليمان

ههههههه من خوفي على الجميع ناقشت الموضوع في الواقع والمواقع

اكيد وكلامك منصف ولأن القوامه في رحله بيكون يتحمل اكثر لما ينتج من خلل او فراق

والحرمه من زمان اقولها كلمه طيبه تخليها تمسح كل اللي بالسجلات وتبدأ صفحه جديده

بخل الكلام يقتل المرأه والزوج اللي يقتر عليها بالكلام الطيب يجي يوم يخسرها
واهمس بإذن كل رجل سواء متزوج او مقبل ع الزواج ترى المرأه تصبر وترجع وتحاول كثير انها تواصل
وتحفظ بيت الزوجيه وتعطي الزوج كل اهتمامها صح نفسها طويل
لاكن لو ابعدت نااادر ترجع وغالبآ ماترجع خذوها من انسانه تعطيكم من الآخر

[همكم همي]

سؤال للجميع

كل واحد يضع نفسه محامي او قاضي
ويحكم في هذه القضية من وجهة نظره

خاصه ان السؤال موجه الى مها


زوجة توفى زوجها وله منها ابناء
ثم تزوجت رجل وحدث بينها وبينه مشاكل وخافت على نفسها من شر هذا الزوج
حملت سلاح مسدس في حقيبتها احتياطا لو تعرض لها الزوج تدافع عن نفسها
خرجت ذات يوم من المنزل مع ابنها فخرج زوجها والشرار يقدح من عينيه خافت واخرجت المسدس ولكن زوجها سبقها واخرج مسدسه واطلق عليها طلقتين طلقه في رقبتها وطلقه في صدرها ووماتت رحمها الله

ملاحظة
هذه الزوجه رحمها الله لها ولد من زوجها الجاني

هل يحكم على الزوج بالقتل



اشوى ماني قاضي كان اطلعه براءه صدق

[سليمان١٣]

حياك سليمان

ههههههه من خوفي على الجميع ناقشت الموضوع في الواقع والمواقع

اكيد وكلامك منصف ولأن القوامه في رحله بيكون يتحمل اكثر لما ينتج من خلل او فراق

والحرمه من زمان اقولها كلمه طيبه تخليها تمسح كل اللي بالسجلات وتبدأ صفحه جديده

بخل الكلام يقتل المرأه والزوج اللي يقتر عليها بالكلام الطيب يجي يوم يخسرها
واهمس بإذن كل رجل سواء متزوج او مقبل ع الزواج ترى المرأه تصبر وترجع وتحاول كثير انها تواصل
وتحفظ بيت الزوجيه وتعطي الزوج كل اهتمامها صح نفسها طويل
لاكن لو ابعدت نااادر ترجع وغالبآ ماترجع خذوها من انسانه تعطيكم من الآخر

طيب من قبل ماتغيبي غيبة طويلة كعادتك

وش عندك من نصائح حلوة للبنات العزبوات اللي يشوفن المعدد ابليس تو(q104)

[همكم همي]

موضوع تفشي نسب الطلاق وارتفاعها الملحوظ
يتم التعرض له باستحياء وهو يستحق التوقف عنده
ودراسته وان تقدم له النصائح النفسية والاجتماعية
وان كان ملامح اسبابه واضحه نوعاً ما
وهي بالاضافه الى حالة القصور والتراخي لدى بعض الازواج
يقع جزء كبير منها بسبب مظاهر النسونة والتمرد
التي دغدغت مشاعر كثير من الزوجات
الله يصلح الحال

شكراً للكاتبة القديرة همكم همي🌷
.



حياك يالمتحد

للأسف في اهمال كبير من المجتمع بأكلمله ممثل بمؤسساته
ومشايخنا والناس اللي عندها خبره ومعرفه سواء متخصص او غير ذلك

امر البيوت واستقرارها اشوف انه يحتاج حملات متتاليه وتنبيه
وتثقيف
العالم غطست بجمع المال والمظاهر والتنافس ونست تسعد نفسها باستقرارها
حتى الناس المتخصصه فتروا ماعاد نسمع الا القليل من جديدهم كله معاد

/
والشكر موصول لك فأنا اتعلم منكم

[همكم همي]

طيب من قبل ماتغيبي غيبة طويلة كعادتك

وش عندك من نصائح حلوة للبنات العزبوات اللي يشوفن المعدد ابليس تو(q104)



ههههههه اما بليس

هن مايشوفونه بليس هي مجرد رغبه في بنات
ترضى بالمعدد وفيه اللي تاخذ بقراطيسه ومن حقها


لاكن تطمن فيه بنات اخذن معدد ومشت حياتهن لأن بالأصل تميل الى الزوج الأب ولا كان مارضت فيه
مثل رئيس فرنسا اللي متزوج زوجه أم هي رغبه ونقص يتممه بالشريك ويكون اسعد الناس


نجي النصيحه نصيحتي لهن لاتزوجين الا اللي يهواه قلبك ونفسك سواء لوحده او معدد

واذا بتاخذن نصيحتي اي بنت ماسبق لها الزواج
لاتاخذين معدد الا اذا كانت مواصفاته قياسيه وقلبك بيطلع من مكانه يوم شفتيه
لايكون عشان فلوس فقط او منصب او شكل كلها تزول ويضل الأجمل دينه وخُلقه ثم رغبتك وميولك تجاهه

[سليمان١٣]

ههههههه اما بليس

هن مايشوفونه بليس هي مجرد رغبه في بنات
ترضى بالمعدد وفيه اللي تاخذ بقراطيسه ومن حقها


لاكن تطمن فيه بنات اخذن معدد ومشت حياتهن لأن بالأصل تميل الى الزوج الأب ولا كان مارضت فيه
مثل رئيس فرنسا اللي متزوج زوجه أم هي رغبه ونقص يتممه بالشريك ويكون اسعد الناس


نجي النصيحه نصيحتي لهن لاتزوجين الا اللي يهواه قلبك ونفسك سواء لوحده او معدد

واذا بتاخذن نصيحتي اي بنت ماسبق لها الزواج
لاتاخذين معدد الا اذا كانت مواصفاته قياسيه وقلبك بيطلع من مكانه يوم شفتيه
لايكون عشان فلوس فقط او منصب او شكل كلها تزول ويضل الأجمل دينه وخُلقه ثم رغبتك وميولك تجاهه

حطيت لك اعجاب وتراجعت لما قريت اخر ثلاثة سطور

للاسف من الواضح ان الشيون مالهم رب عندك لو دريت ماسالت😤