المساعد الشخصي الرقمي

مشاهدة النسخة كاملة : انا البارح عقب اسكوني/سعد البواردي/بن دريويش


خازباز
09-05-06, 11:29 AM
http://www.qassimy.com/up/users/baz/0229.ram
للحفظ
http://www.qassimy.com/up/users/baz/0229.ram

http://www.shazly.net/~freehosting/1/hiu2rfj4_khazbaz11-4-1427-2.ra
http://www.5ymah.org//files/2006-01-16_3/kaymah2.jpg (http://www.shazly.net/~freehosting/1/hiu2rfj4_khazbaz11-4-1427-2.ra)السلام عليكم ورحمة الله

يسرني ان اقدم لكم هذه القصيدة للشاعر

سعد بن عبدالعزيز البواردي بن دريويش والمعروف بمرحه وحبة للعياره

وقد وافته المنيه وهو لم يتجاوز 34 سنه من عمره رحمه الله

وهذه القصيده نظمها في عنزه ارجوا ان تحوز على استحسانكم





وانـا البارح عقب سكوني=فـزيت وسـهرن عـيوني
يـوم أونست العلم الدوني=وعـيوني هـلت من ماها
والـبارح مـدري وشلوني=مـاايقنت ورزقي مضموني
فـزيت وكـثرن شـطوني=وعـيوني جـاها اللي جاها
مـما فـيـه واعـزالي=سِـبة عـنز ضـيعها لي
أنا مـايـستاسع بـالي=لـين إن الـشاوي يـلقاها
عـنز أطـيب مافي مراحي=مـن دورتها سدي باحي
راحت من عرض اللي راحي=ضـيعها والـليل أمـساها
واسـفاب الـعنز الـقارح=الـلي ضـاعت قبل البارح
والـشاوي في الخبة سارح=روح بـالـضين وخـلاها
قـلت اذكـرلي وين المفلى=قـال احـدر من يم السفلى
كـود انك في راس المفلى=تـذكـر لـك والا تـلقاها
ضـربت الـبطين لـحالي=حـفـيان مـاخذت نـعالي
جـعل فـال الـعدو فـالي=تـمـرح عـنزه مـايلقاها
انا فـي الـبطين انـازي=وانـت مـصفر يالجمبازي
مـاعزالله شـفت بـيازي=لا لازم راعــي يـرعـها
انا حـافـي ومـغلنزي=بـلشان فـي دورة عنزي
وانـت مـصفر ومـقلنزي=وعـيونك مـاشن قـزاها
لـيتك حاضر لي من ساعه=امـشي ساعه واقعد ساعه
واقـص الـجره من ساعه=واحـول وارقى مـرقاها
أذهـلت الـهون من الكودا=مـن حـبي لـلعنز السودا
تـعـزل الـفرقه بـالجوزا=واكـبـر شـاميه تـملاها
تـحـتها تـيس وعـنيق=عـلـيهن الـخاطر ضـيق
هـذ ا لـو الـعشب مضيق=ما اطلعنا ها ما اطلعنا ها
مـا هيب ضـعيف عـريانه=لاضـالـع ولا وجـعـانه
تـسرح وتـروح شـبعانه=وش عـذره يـومه ينساها
عـنـزي يـلزمك تـعبرها=اما مـن سـماء حدرها
والا مــن ارض ظـهرها=اتــرك قـولة مـاشفناها
أنـت الـعاطل وأنت الباطل=وأنـت الـلي بالناس تماطل
كـل خـابرك انـك عاطل=والـدسعات أنـت مـلفها
قـال خـف الله لاتـدهاني=مـخطي يـوم انك تقصاني
مـن قـد قـبلك قال فلاني=اغـدى عـنزي او وزاهـا
شـاورت وقـالو لي خله=مـسكين فـي عـقله خله
هــذا لــو إن الله دلـه=أغـدى الجهده يوم اغداها
وافـاني الـشاوي وربـيع=قـالوا ويـش أنـت مضيع
قـلت الـعنز وقـالو ريع=ابـشـر عـنزك لـقيناها
لـقـيناها بـين الـهاوي=وانـقذها الله مـن العاوي
اهـبي يـاعنزي مـاسبقها=قـضبها الـشاوي واطلقها
عـجـز ربـيع لا يـلحقها=فـزعـنا لـه وا طـلبناها
[/poem][/poem]

عاشق نجد
09-05-06, 01:17 PM
صح لسانك
تصدق انتهت المناديل والدمع ما جف بشرني عساه لقاها الله يرحمه

عز الخـوي
09-05-06, 08:22 PM
المبدع الـ خاز باز

يعطيك ألف عافية على ما تقدمه من روائع

النجديه
13-05-06, 03:29 AM
تسلم يا مبدعنا

والله يعطيك العافيه

أم أديم
13-05-06, 05:47 AM
صح لسانك

ولاعدمناك اخوي

خازباز
13-05-06, 12:13 PM
عاشق نجد

عز الخوي
النجدية
ام اديم
شكرا لمروركم جميعا ويسعدني ان اراكم دائما فبكم نرتقي

الذهبي
23-05-06, 11:56 AM
الله يعطيك العافيه

خازباز
27-05-06, 01:23 AM
ابو حمود
مشكور وعقبال مليون مشاركة

محب قصيمي نت
10-06-06, 03:59 PM
http://www.qassimy.com/vb/upk/mo7bqassimy.gif

المهاجر
02-07-06, 07:56 PM
الله يعطيك العافية

الفارس910
04-07-06, 05:55 AM
الله يعطيك العافيه كفيت وفيت اخوي الخاز باز

خازباز
12-07-06, 11:40 AM
الاخوة الاعزاء
شكرا لكم جميعا على مشاعركم الطيبة
تشرفت بمروركم وتواصلكم

برق909
14-07-06, 01:50 PM
الله يعطيك العافية

وتسلم يالمبدع



عمر

خازباز
17-07-06, 01:00 PM
برق909
حياك الله وشكرا لمروروك