بنات ابيكم في شغله

[نووف المطيري]

مساء الخير علي الجميع

سامحوني انا ادري غبت عنكم بس والله مو بيدي الدراسه حفرت مخي الله يساعد الجميع

بنات عندي مشكله الصراحه مخرعتني انا والله الحمد املك شعر جميل جدا بمعني الكلمه والله الحمد والشكر

شعري طويل وكثيف يصل الي تحت الخصر لكن لاحظت من شهرين باطرافه عقد مثل الحبوب عند غسله او تزييته والغريبه بس بالاطراف بحدود 3 سنتيمتر المهم حاولت بكل ما اعرفه من خلطات وكريمات للشعر ولكن لا فايده الي فوق ناعم وجميل اجي لتحت تضهر العقد بنات قالوا يمكن عين يا نوف صابتج قصيه مكان العقد طيب اشلون اقص بحدود 3 او 4 سنتمتر بالله قولو لي اشلون أنا احب شعري واخاف عليه عمري ما قصيت الا بحدود سنيمتر واحد بس للحفاض عليه بس

يعني انقصيته يكون بحد الخصر حرام واذا دهنته بزيت مقري عليه اشلون اغسله بالحمام تكفون وربي من ارجع للبيت بس يدي فيه واتحسسه وانتوا تعرفون أهميه الشعر للبنت

تكفووووووووووووون ساعدوني

[شيخة الكعبي]

كما هو معروف العين حق
لاتنسين تقرين المعوذات كل يوم ترا الناس ماترحم

بالنسبة لشعرج نصيحتي تقصينه وين تعبان وان شالله بيطول مع الخلطات والزيوت اللي تستخدمينهم .


والله يحفظج حبيبتي

[نووف المطيري]

مشكوره حبيبتي شيخه بس وربي ما اقدر اقصه وامي مره قلت ابي اقصه اشوي وتبكي قالت لي كلمه وربي لحد الحين في بالي

نوف ربيت شعرج مثل ما ربيتج تكفين لا تحرقين قلبي عليه اشلون اقصه بعد هالكلام مو هاين علي اقصه وانا سمعت ان الشعر المحسود لازم ينقص وربي احس بنار بقلبي عليه

حبيبتي وربي انا اقرا ادعيه الصباح والليل كل يوم والمعوذات ولآيه الكرسي وآوا خر سوره البقره لكن الحمد الله علي كل حال

الله لا يحزنك علي شي تحبينه ويسعد ايامج ولياليج حبيبتي

[دلع عيني دلع]

سلامتك ياأحلى نوووف والله ضايقتني مشكلتك وحسيت كانه انا..:

لكن ان شاء الله تمر ولا تضر ..

شوفي نوف حياتي ..
أعرف انه حرام تقصينه لكن اعتبري إنك مريضه وهذا العلاج .

لازم تفهمين الوالده الله يخليها لك ان القص ضروري ..

ماتدرين ياقلبوو يمكن خير لك لو قصيتيه .. صح بتتكدرين شوي بس ماعليه

ربي بيعوضك ويطووول قريب ان شاء الله ..:

وبعدين تخيلي اللي أشد منك وبيهون عليك الأمر..

الله يحفظك يالغاليه ولاتنسين القرأه ..:

:)

[نووف المطيري]

يا بعد قلبي يا دلوعتنا تبين الصج ما اقدر اقصه انا عمري ما فيرته بس اسشويره واخاف عليه موت حتي اطلب من صاحبه الصالون عامله عندها تعرفني من كان عمري 14 سنه وانا تحت يدها وتسويه لي بعيد عن اعين الحريم بس مصيبتنا العرس وعيون مو 1 ولا 10 فهمتي مشكوره يقلبي بس ما قلتوا لي بنات اذا ابي ادهنه بزيت مقري مو حرام اغسله بالحمام لانه صعب علي اغسله بالحوض مال المطبخ مثلن فهمتوا علي افيدوني مشكورين ربي ما يحرمني منكم حبايبي

[أستاذ قلق]

اسف لاكن....
الاخت /نووف
بما انك تصفين شعرك بها الطريقه
فلاتستغربين ان يحصل له ماحصل
فانتي شعرك جميل ..... وغيرك تحلم بالشعر
الله يستر عليك انشالله
تحياتي

[براءه]

اختي نوف سلامات ان شاء الله عليك بالنسبه لي جاتني حالة العين في الدراسه وفي بيتي الجديد الله يحميكم وعندما عرضت نفسي على مقرئيين ورقوني بالقران الكريم سالتهم عندما اغتسل بالماء يجوز اجابوني بانه يجوز وقال حدهم انه سال ابن باز رحمه الله واجاز ذلك انصحك بملازمت الاذكار والله يشفيك

[العنـــود]

سلامتك اختي نووف... بس انصحك بمثل ما قلولك الأخوات بقراءة المعوذات..

ان قصية ... والله بيعوضك ان شاء الله....

ماتشوفين شر ان شاء الله..

[نووف المطيري]

اسف لاكن....
الاخت /نووف
بما انك تصفين شعرك بها الطريقه
فلاتستغربين ان يحصل له ماحصل
فانتي شعرك جميل ..... وغيرك تحلم بالشعر
الله يستر عليك انشالله
تحياتي


ليش الاسف أخوي ولد علي الله يجزاك خير علي كلامك لي فنحن اخوان في المنتدي ربي يسعدك ويبعد عنك كل شر

[دلع عيني دلع]

ياربي ليش بعض الناس كذا شريرين و مايذكرون الله ..


الله يسترعلى الجميع ..

نوووف هذا براءه ماقصرت جابت لك الاجابه ..:

ومع كذا اقولك قصي على الأقل العقد اللي تحت

عشان يرجع مثل اول ان شاء الله ..:

ولا تقصين كثير .. بس شوي .. وتابعي بالزيت المقري فيه ..:

الصراحه يتعب الواحد بالزواجات والعزايم من كذا

عالم ماتعطي خير ..:

بس ولو انتي بعد لاتفتحينه سوي فيه تسريحه بحيث مايبان كله ..:

ربي يعافي شعرك ويحفظك ياقلبووو وطمنينا لاتحسن وضعه


:)

[نووف المطيري]

اختي نوف سلامات ان شاء الله عليك بالنسبه لي جاتني حالة العين في الدراسه وفي بيتي الجديد الله يحميكم وعندما عرضت نفسي على مقرئيين ورقوني بالقران الكريم سالتهم عندما اغتسل بالماء يجوز اجابوني بانه يجوز وقال حدهم انه سال ابن باز رحمه الله واجاز ذلك انصحك بملازمت الاذكار والله يشفيك


حبيبتي براءة ريحتيني ربي يريحك بالدنيا والآخرة ولا يحرمني من كلامج الطيب فعلن ريحتي قلبي الله يجزاك كل خير

[نووف المطيري]

سلامتك اختي نووف... بس انصحك بمثل ما قلولك الأخوات بقراءة المعوذات..

ان قصية ... والله بيعوضك ان شاء الله....

ماتشوفين شر ان شاء الله..


ربي يسلمج يا الغاليه انشاءالله تعالي اتبع نصائحكم ربي يخليكم لي حبايبي ويسلم قلوبكم الطيبه

[بنت نجد]

بسم الله الرحمن الرحيم
السلام عليكم ورحمة وبركاته

ما تشوفين شر حبيبتي .. نوف ..
معليه يا قلبي قصي شعرك 3 سم وإن شاء الله يرجع يطول ..
وبالنسبة لغسل الزيت المقري فيه بالحمام مافيه شي يا قلبي ..
قد سألت الشيخ أبن باز الله يرحمه وأجاز لي اغسله بالحمام واتسبح بالماء المقري فيه بعد ..
والحمد لله أنه بأسفل الشعر يا قلبي ولا فيك أو في صحتك ..
والله يوفقك بالدراسة وبكل حياتك ..

حفظك الله
محبتك
بنت نجد

[نووف المطيري]

دايم مثل البلسم كلامج يا حبيبتي ربي يطول بعمرج ويجازيج كل خير انشاءالله ابي اتكل علي الله واقص لو امي متضايقه كثير بس وشاسوي امري الله تقول خالتي انها سمعت حرمه تقول ماهو شعر هذا لحاف منها الله حسبي الله عليها ونعم الوكيل واقتنعت انها عين ولازم اقصه الله يعوضني عنه بالصحه واهي اهم شي

مشكووووره علي المرور حبيبتي واختي الغاليه

[النجديه]

سلامتك يالغــــــــاليه ما تشوفين شر ان شاء الله

على العموم يا اختي ما ازيد على الاخوات في الكلام اللي قالو عليك بقراءة المعوذات وكذلك آيه الكرسي ثلاث مرات بعد كل صلاة

وخصوصاَ بعد صلاة الفجر والمغرب
تقول خالتي انها سمعت حرمه تقول ماهو شعر هذا لحاف

حبيبتي نوف اذا خالتك تعرف الحرمه هذي خليها تاخذ منها اي شي مثل ما نقول (سبب ) اما تاخذ العبس حق التمر اوطرحتها او شي

من اغراضها الخاصه وخذي انتي هالشي وتحممي فيه وان شاء الله يصير سبب مبارك

والله يشفيك ويعافيك يالغاليه

[نووف المطيري]

سلامتك يالغــــــــاليه ما تشوفين شر ان شاء الله

على العموم يا اختي ما ازيد على الاخوات في الكلام اللي قالو عليك بقراءة المعوذات وكذلك آيه الكرسي ثلاث مرات بعد كل صلاة

وخصوصاَ بعد صلاة الفجر والمغرب


حبيبتي نوف اذا خالتك تعرف الحرمه هذي خليها تاخذ منها اي شي مثل ما نقول (سبب ) اما تاخذ العبس حق التمر اوطرحتها او شي

من اغراضها الخاصه وخذي انتي هالشي وتحممي فيه وان شاء الله يصير سبب مبارك

والله يشفيك ويعافيك يالغاليه



هلا بالغاليه النجديه الله يجزاج كل خير بس انا خلاص قصيته (g) (g) (g) (g) الله يعوضني فيه يارب واشكرج علي النصيحه الطيبه بس الخيره فيما اختار الله

مخلا ولا عدم منج يارب