مالفائده من المقالب السخيــــــفه..؟!!

[آسيه]

السلام عليكم ورحمة الله وبركاته..


تحية طيبة وبعد..


نسمع كثيرا عن المقالب التي جرت ورائها الويلات..

وندم اصحابها ولكن هيهات..هيهات..

لاينفع الندم بعد فوات الأوان..:whwhwh:


مالفائده من ورائها..هل هي رائعه ومثيرة للضحك لهذه الدرجه..!!!


مالذي يريده اصحاب المقالب السخيفه بالضبط..؟

بصراحة أتعجب من بعض التصرفات..

وكثير منهم يستخدم اشياء خطره وطرق خاطئه..

أدت إلى وفاة بعضهم أو على الأقل إصابتهم..


السبب..والله ماكنا نقصد..كانت مزحه..(ekaj)

ضاقت يعني ألا يوجد طريقة تضحك فيها إلا هذه الطرق..؟!!!


أذكر قرأت مره عن واحد يحب المقالب..

إتصل على أهل ولد عمه وقال أنا المستشفى الفلاني تعالوا خوذوا جثة ولدكم توفى بحادث وهو عندنا..؟


أعتقد شخص يجيه إتصال من مجهول ماراح يدقق..

بينصدم..

يعني مايعرف إن الموت من أعظم المصائب..!!(ekaj)

إنصدمت الأم وأغمي عليها..

وبعدين إتصل يقول كان يمزح..

بالله هذا مايستحق يحطونه جثة بثلاجة المستشفى نفسه..(ekaj)



بالله ماعندكم طريقة للتسليه والضحك والفرفشة حتى يتسلى بها هذا النوع..

بدل المقالب السخيفه..(qq11)

[مجدلاوي]

وفيتي الموضوع من جوانبه كلها..
يكفي انها مزح كوارثية....
ربما اعود فيما بعد,,
شكراً

[شموخ بدوية]

اكره المقالب ...سبحان الله ..احب الفرفشة والضحك .

.لكن مقلب يخوفني ..ولايجيب لي روعة اعوذ بالله ...

لايجوز ترويع المسلم ..ولاتخويفه .....



اذكر مرة دخلت انا واختي محل لبس تنكري على مستوى ..وهي قدامي تمشي وانا وراها نمشي بين الاقنعة اللي تخوف مصنوعة من جلد وشعر مصاص دماء وغيرها ...والمكان ضيق ..سيب ...

وفجأة وانا اتفرج.. الأ اختي قدامي مباشرة تلتفت علي وتقول فلانة بصوت مرعب ...(لابسه قناع رجل عجوز جاحظة عيونه .شعرأبيض طويل قبيح معني الدرجة يخوف ...)


واصرخ ذيك الصرخة من غير شعور واعطيها ذاك المخمس على وجهها رد فعل مو طبيعي ..اموت من الضحك كل ماتذكرته :SmileyBunny:

ما حسيت بنفسي الأ أنا طايحه على الأرض عجزت اتحرك من الضحك الهستيري ..واتذكرها واقفة مرتاعه االضعيفة ودمعتها وسط عينها تترقرق بس تناظرني وهي للحين ماأفاقت من الكف الفجائي :SmileyBunny:








تستاهل من قال لها تروعني (qq152)

[همكم همي]

تسلمين يالغاليه على تسليط الضوء من جديد على المقالب

الماصله كثير والقاتله احيان


مره سمعت كاست لشيخ يتكلم عن المقالب اللي يسوونها الشباب

من المقالب اللي سووها يحفرون حفره ويدفنون صديقهم

وذا مابقى الا راسه حطوا عليه قدر وراحو

وخلوه فتره ويوم رجعو حصلوه ميت الله يرحمه


ومره ثانيه يدورون بالسياره على صديقهم

وهو مقيدينه بحفره وتعرض لعادم السياره كثير


وتوفى الله يرحمه


وكثير سوو مقالب لأصدقاهم ليلة زواجهم

وكثيرين طلقوا بسبب تلك هالمقالب




انا اقول مايسويها الا ناقص ايمان

لان بعضها قاتل وبعضها تحصل بعده مصائب وفرقه واللي يخاف ربه مايسويها


http://www.youtube.com/watch?v=XffVe9FPHA4

[» سنيوره «]

وعليكم السلام

تصدقين الآن حتى المزح تغيررررر (qq89) النااس صايرن بثرين حتى المزح م يعرفون له(qq1)

قبل أسبوعين كناا ملتمين ودخلوا العيال عليناا وهم م يدرون قالوا م قدامكم أحد ادخلوا العيال كل واحد يحوص بقوة ويصدم ب الي وراه تفشلوا (qq166)

والبنات صراخ والي تاخذ الصياني وتحطها على راسهاا انا خطفت بلوزة الي جنبي وادخلت راسي (a14)(a26)>>ههههههههههه جازتلي واسعة وتضفي علي :gg4mpup:


ومره ب العيد هذا العاام قال واحد من العيال البنات وين جالسين وعمتي الله يهديه تخطط معه قالت هنااك وعلمتهم ب جهتناا

جايب قاعدة كبيررره طراطيع وفجر عندنا من ورى وحنا على عشانا وبعضهم شرقوا ومجموعة حوامل خرعوهم (qq89)

وفيه وحده عندهاا صرع وقلب مريضة من الأصل مسكينة تمددت ولا صحت الا بعد ساعة (a28)

[راوي ضما]

فية ناس
تسوي المقالب من باب المزح
اذا كان المقلب خفيف وغير مؤثر مافية مشكلة بالعكس ملح الصداقة في المقالب الخفيفة.
ولكن ان توصل لدرجة الادعاء بوفاة واحد وتبليغ اهلة
هذا بعيد جدا عن الانسانية ومايسمى مقلب

ولكن فية ناس فيهم دفاشة مي طبيعية ويفتكرون بعض المواقف مقالب
وهية ابعد ماتكون عن المقالب.
ويمكن ان تصل ردة الفعل حولها لدرجة الاغماء او حدوث مكروة لاسمح الله للشخص المستقبل للمقلب



اذكر مرة
فية واحد من الاصدقاء الطيبين
اخذني معاة وانا لابس لبس رياضي واحنا ماشين قال عطني خمسين ريال ابيها
قلت المحفظة بالبيت وماعندي .
ابتسم ابتسامة خبث وما انتبهت لة

مشى بالسيارة لمكان بعيد خارج المدينة
ودخل احدى المحطات وقال
انا ابي اعبي السيارة بنزين وخذ العشرة ريال
جيب لنا بيبسي من البقالة

عاد
انا ماكذبت خبر نزلت البقالة ولمن تأكد من دخولي البقالة

اخذ السيارة وراح البيت
عاد طلعت من البقالة ادورة مالقيتة
فتشت شوي مالة اثر

طرى على بالي سؤالة لي لمن قال عندك فلوس

عرفت انة ناويها
(qq167)

اضطريت اخذ ليموزين وحاسبتة يوم وصلت عند البيت
طبعا المقلب مابرد بسهولة
حتى رديتة لة بمقلب يحبة القلب
(q30)

[همكم همي]

شوفوا هذا بعد

ماظنتي انه سلم اخاف مات الله يرحمه

والله يسامحهم جهل وضعف ايمان


http://www.youtube.com/watch?v=1gEwvbaU650

[# النوار #]

معروف ان الهدف من المزح اساسا ادخال السرور على القلوب ..لكن للاسف المفاهيم منتكسة عند البعض !!

اقتباس ..
لقد أكد النبى صلى الله عليه وسلم عمومية الحكم بتحريم تخويف المسلم أو ترويعه، ونهى عن إدخال الرعب عليه بأى وسيلة، فقد كان الصحابة رضى الله عنهم يسيرون مرة معه فى سفر، فاستراحوا ونام رجل منهم، فقام بعضهم إلى حبل معه فأخذه، وأمرره على جسد أخيه النائم ففزع، فقال النبى صلى الله عليه وسلم: (لا يحل لمسلم أن يروع مسلماً) رواه أبو داود. وروى ابن عمر رضى الله عنهما قال: قال رسول الله صلى الله عليه وسلم: (من أخاف مؤمناً كان حقاً على الله أن لا يؤمنه من أفزاع يوم القيامة) رواه الطبراني

[توليب2]

.... الأمثله المذكوره مو مقالب سخيفه


هذي مقالب وحشيه


مايتجرأ عليها انسان سويّ صراحه

[طيـبـتـي أكبـر همـومي؟؟]

موضوع مميز وطرح راقي


بارك الله فيك انتظر جديدك

[عــزالخــوي]

هذي نهاية البطرهـ (asl)

بعض الناس مزحهم مزح صعايدهـ (qq170)

[آسيه]

مجدلاوي..حياك الله بأي وقت..


شموخ موقف إختك عادي..البلا من اللي يسوي مقالب مميته ومايجي من وراها إلا المصايب..


راوي موقفك بصراحة لاتحسد عليه..وإحساسي يقول إنك موب قلييل شر..تحب المقالب..

همكم همي بصراحة مافتحت الروابط خفت يصير بها شيء شين ويضيق الصدر..
واشكرك على إضافتك..

النوار..اشكرك على إضافتك القيمه..لاعدمناك..


سنيوره هذي أخرت المزح والحمدلله على سلامتها خنت حيلي ساعه طويله والله..

طيب هو وش حس فيه بعد ماصار لها هالشيء..
الحمدلله بعدة ماسقطن باقي الحوامل..

توليب صدقتي..هذا إجرام مالت عليه.. استغفر الله..

عز الخوي..ربعنا موب قليلين شر مافيه اشين من مزح بعضهم..
بس الحمدلله هالفئة قليلة الله لايكثر جنسهم



أم وسميه حياك الله ويعطيكي العافيه

[بنتـ المذنبـ]

ياكرهي للمقالب واللي يسوون مقالب
خاصة إذا جت من ناس مابهم ملح ودمهم ثقييييييل
واخر شي يبونك تضحك بعد ؟

[الميسم]

ياكرهي للمقالب واللي يسوون مقالب
خاصة إذا جت من ناس مابهم ملح ودمهم ثقييييييل
واخر شي يبونك تضحك بعد ؟




هههههههههههههه
أجل خانس ..وفي بعض الروايات ماسخ الزبدة انه مافيه طعم (a14)
طبعًا اي واحد يلجأ للمقالب فتأكدوا أنه من النوع الي يتصرف وبعديييين يفكر
هذا في حالة أنه كلّف على عمره وفكر ..!
طبعًا هم الحمقى ولا غيرهم ..وعلى قولتك يااااثقل دمهم

أتذكر من المواقف ..أيام الدراسة مجموعة صديقات قرروا فجأة أنهم يسوون مقلب
في وحده من البنات , ويا عمري هالبنت احساسها مرهف وقلبها هش ما تتحمل اي شيء ..
المهم وحده من البنات لبست وجه مخيييف وقالوا سوي نفسك تبكين واحنا بنادي فلانه على اساس يقولون لها تعالي كلميها وشوفي وش فيها
البنت صدقت وجت طاااايره خايفة على صديقتها ..والي تبكي كانت منزلة وجهها وحاطة ايديها عليه عشان ما تنتبه
وحاولت فيها من هنا ومن هنا تبي تشوف وش فيها وبينما هي في حالة من القلق
والإضطراب على صديقتها ..
كشفت وبشكل مفاجيء عن وجهها مع صرخة مدوية ..يعني اجتمع عليها صوت وصورة (gfp)
فما تمالكت نفسها ووقعت مغشيًا عليها مباااااشرة ..بغوها طرب وصارت نشب
وقعدوا البنات يصرخون ..ويحاولوا انهم يصحونها
البنت صحت بس بعد مشقة ..ووجهها كان أصفررررر
يعني كانت بتروح فيها والسبب هالحمقى الي طرت عليهم فجأه يستخفون دمهم ..

تذكرت الكاميرا الخفية ..طبعًا حقتنا ومقالبهم الي مثل وجيههم قمة الدلاخة والغباء الي يسون فيه مقلب شوي ويموت وهم يضحكون وياخذونه بالأحضان يعني اضحك غصب ..وأهم شي يطالع الكاميرا ..يقهروووني ..غباء متكدس ..(qq11)

[طالب رحمة الله]

نتقدم بالشكر الحزيل (a24)(a24)
للمراقبه العالميه /اسية قصيمى نت
على مثل هالمواضيع التوعويه للمجتمع السعودي
ونتمنى منها تثبيت هالموضوع اسوة ببقية مواضيعها الطيبه لكى تعم الفائده
والا مالفائده من موضوع مثل هذا وما يتثبت :544453:

[... بنت الجنوب ...]

مقلب خفيف وفرفوشي مقبول
بس زي مآذكرتي صعب ومآينقبل
عني صآرت فيني مقآلب بس عدت ع خير

[شــحيــة]

انا شخصيا لا تعجبني بتاتا

حركااااات سخيفة ونااااااااس فاضية ما عندهم شغلة إلا ترويع هالعالم

الله يهديهم
دمت بود

[راوي ضما]

راوي موقفك بصراحة لاتحسد عليه..وإحساسي يقول إنك موب قلييل شر..تحب المقالب..



كفاية ظلم

حتى لو سوينا بعض المقالب بالتأكيد مابتكون كارثية .
(q30)

[ندفات الثلج]

ماادري ايش يحسون فيه اصحاب المقالب قصدي الكوارث
مرة في واحد من اقاربي كانوا يمزحون اصحابه معه
وكانت يده على آلة نسيت ويش هي بالضبط يمكن مروحة
وهو قاعد يكلمهم فجأة فتحوا المحرك وانقطع نص اصبعه
وطاحت وقاموا يدورونها ولما لقيوها راح لأقرب مستشفى عشان يخيطوها
يعني ويش اقول عنهم هذولا ؟؟ مجانين
الله يهدي اصحاب هالمقالب الوحشية

شكراً اسية على الموضوع

[ابـــو وريـــف]

http://www.youtube.com/watch?v=Pj8T3FwsP4U

هذي المقالب .. ما عنده تفـــاهم ..

جاب العيـــد فيـــــه .. الله يكفينا شرهـا

[الأشعلي]

الله يرحم والديك يأم قصي
مالقيتي غير هاللكلمه .. وتحطينها بالعنوان بعد
يعني خلصت كلمات اللغه كلها ومافه غيرها
(q104)






والله ماقريت الموضوع
شوفي الميسم او عنفوان تراهم يفيدونك بالعناوين
&

[رجل من اقصى المدينه]

وعليكم السلام ورحمه الله وبركاته ..

انتم ليه ماتردون السلام (vv)

طيب ..

الحمد لله الذي عفانا (a21)

بصراحه ..انا اكره مثل هذه (المزاح) ...

ولا استطيع ان ابرره . ابداً

ولن تقل رده فعلي عن قطع العلاقه مع هذا الشخص ...

مثل هولا الناس البعد عنهم غنيمه ..

والله يصلح الاحوال (qq115)

[رجل من اقصى المدينه]

ياكرهي للمقالب واللي يسوون مقالب
خاصة إذا جت من ناس مابهم ملح ودمهم ثقييييييل
واخر شي يبونك تضحك بعد ؟




والله لو خففه بخل :gg4mpup:

مستحيل ان يكون صاحب دم خفيف (q87)

بصراحه العينات هذي من زمان انقرضت من عندنا ...

الحمد له والفضل .

[قلب العنا]

المقالب السخيفة ما أحبها نهائيا ودايم نتيجتها زعل ويمكن رعب وخوف


وجايز يحصل موت لاقدر الله