*&* حلا الكاسات ... جديد ورهيب *&*

[بنت نجد]

بسم الله الرحمن الرحيم
السلام عليكم ورحمة الله وبركاته

حيا الله اللي يحبون الحلا ....
هذي طريقة جديدة لحلا الكاسات ...
ويصلح حلا قهوة أو حلا سفرة ...
حسب ذوقكم ...

نشوف الحلا وكيف نسويه ...

http://food.poco.cn/images/diary/20040314/14234920040314123217.jpg

المقادير (1) :

2\1 1 بكيت بسكوت شاي أولكر
2 جالكسي
2 مارس
2 كيتكات
2 سنكرز
2 تويكس

الطريقه (1) :

- يكسر البسكوت وتقطع الشوكولاتات مربعات صغيره ونخلطهم مع بعض ثم نحطهم بصحن عميق ( زبدية ) ...
ملاحظة ...
الشوكولاته حسب الرغبة ... اي نوع تحبونه حطوه إلا الباونتي ما يصلح ... حتى البسكوت مثل ... اي نوع تحبونه تقدرون تحطونه ...

المقادير (2) :

2 كاس حليب
10 حبات جبنة كيري
2 علبة قشطة
4 ظروف دريم ويب
1حليب نستله مركز كبير

الطريقة (2) :

نخلط هذي المقادير بالخلاط ثم نصبهم على المقادير رقم 1 ونخلط الجميع كويس بس بشويش لين مايتجانس مع بعض ثم نحط الخليط في كاسات الحلا ونبرده في الفريزر ...
بعد ما يبرد نزينه باللوز المجروش المحمص وشوكولاتة هيرشي ...
وعاد كل وحده وشطارتها في التزيين .. :)

وعليكم بالعافية ...
جربوه وادعوا لي ....

حفظكم الله
أختكم
بنت نجد

[دلع عيني دلع]

يمي يمي ...’’

الصوره تخلي الواحد يروح للثلاجه على طول :p

بصراااحه شكل الطريقه روووعه ...,,

*

*

عسى ربي يسلم قلبك .. أختي .. بنت نجد ..

http://www.myqassim.com/up/uploads/e6ff189bc0.gif

[شبيـه الريـح]

شكلها لذيذه فعلا ..الله يعطيك العافيه :)

[العاذريه]

الله يعطيك العافيه
وين فريق يجي ويشوف وش سبب هالسمنة..!
الحلى يهبل خصوصا في الصيف
.

[فريق أول]

إحم إحم ...

والله يا العاذرية ..
اللي بيطبق كلام أختنا بنت نجد ..
صدقيني بس أسبوع واحد .. ما والله يدخل مع الباب ...

يعطيك العافية بنت نجد ...




الفريق أول

:)

[بنت نجد]

يمي يمي ...’’
الصوره تخلي الواحد يروح للثلاجه على طول :p
بصراااحه شكل الطريقه روووعه ...,,
*
*
عسى ربي يسلم قلبك .. أختي .. بنت نجد ..
http://www.myqassim.com/up/uploads/e6ff189bc0.gif

صدقتي حبيبتي ... دلع ...
الصورة تخلي الواحد يشتهي الحلا ويروح يدور عليه :)
إن شاء الله تجربين الحلا ويعجبك يا الغلا ...
والله يسلم قلبك وكل من سكن فيه ...
مشكورة على هالطلة ...

حفظك الله
أختك
بنت نجد

[بنت نجد]

شكلها لذيذه فعلا ..الله يعطيك العافيه :)

والحلا فعلاً لذيذ ...
وإن شاء الله تذوقه ويعجبك أخوي ... شبيه الريح ...
والله يعافيك ويجزاك خير على هالتواجد ...

حفظك الله
أختك
بنت نجد

[بنت نجد]

الله يعطيك العافيه
وين فريق يجي ويشوف وش سبب هالسمنة..!
الحلى يهبل خصوصا في الصيف
.

الله يعافيك حبيبتي ... العاذرية ...
واكيد الحلى يهبل إذا سويتيه أنتِ ...
والذكي اللي ياكل قدر المعقول ... ;)
مشكورة على هالطلة ...

حفظك الله
أختك
بنت نجد

[بنت نجد]

يعطيك العافية بنت نجد ...

الفريق أول

:)

الله يعافيك أخوي ... فريق أول ...
ومشكور على هالطلة ...

حفظك الله
أختك
بنت نجد

[أميرة الإحساس]

تسلم يدينك