تكفون يا ناس

[محتاج انسان]

بسم الله الرحمن الرحيم

السلام عليكم ورحمة الله وبركاته

أخواني أخواتي لا اود ان اطيل عليكم

الموضوع الي عندي محيرني ومعقدني واتمنى من الله عز وجل ثم منكم مساعدتي لأعود

كسابق عهدي ( الراحة النفسية ) << التي افتقدتها منذ ان تعرفت على شخص

أخواني أخواتي أنا تعرفت على شخص وفجأة احببته واحببني وحبي له وحبه لي حب شريف

أراه مثل أخواني وهو كذلك ولست ممن يعشقون الأطفال

بل هو بعمري واحبه حبا شديداً حيث انني بعض الأحيان اتمنى انه اخ لي

اخواني المشكلة الآن انني وجدت نفسي مرهق ومتعب من علاقتي معه

تطرأ عليه تغيرات فجأة ويتركني ولا يسأل علي وانا فقط من يقوم بالسؤال عليه

والله ثم والله انني اكتب لكم وقلبي مليء بالحزن والهم

واتمنى من اصحاب العقول النيره والاقلام الرائعه مساعدتي ومعاونتي لأني اخ لكم

نعم اخ لكم ,, فأرجوا من الله ثم منكم مساعدتي بالتخلص من حبه وانني اراه شخصاً عادياً

وارتاح بدنيتي

وللمعلوميه انا شخص حساس ومخلص واخلصت معه بكل شي

والآن اريد ان اعود كسابق عهدي اود ان ارتاح واطمأن

واراه شخص عادي ولا يؤثر فيني كل هذا التأثير لا اقول اكرهه وانما اريد الراحة من حبه

تكفون تكفون تكفون ساعدوا اخوكم


احترامي للجميع ولكل من يمر على هذه الصفحة

أخوكم المخلص : محتاج انسان

بإنتظاركم

[cardiac]

كم عمرك ؟

[محتاج انسان]

عمري سلمك الله 23 واقسم بالله لما رأيت الردود 1 فرحت فرحاً شديداً

[اهووو]

حبيبي العمر كله بس علاقتك باهلك بالذات ابوك اشلون ؟؟؟
علاقه قوويه والا بارده
كان يضربك ويستخدم معك اسلوب العنف والالا ؟؟

[محتاج انسان]

حبيبي العمر كله بس علاقتك باهلك بالذات ابوك اشلون ؟؟؟
علاقه قوويه والا بارده
كان يضربك ويستخدم معك اسلوب العنف والالا ؟؟

الله يوفقك ويسعد حياتك ويرفعك بالدنيا ولآخره على هذا التفاعل

علاقه بارده وماتربيت عنده يوم كنت صغير واسلوبه عنيف كان معي ومخيف

[اهووو]

الله يوفقك ويسعد حياتك ويرفعك بالدنيا ولآخره على هذا التفاعل

علاقه بارده وماتربيت عنده يوم كنت صغير واسلوبه عنيف كان معي ومخيف

حبيبي انا والله افهمك انت لقيت في صديقك هذا التفاهم والعطف الانساني اللي تفتقر وجوده داخل محيطك الاسري بس صدقني التغير شئ طبيعي خاصه بذالزمن النفوس صارت شينه
ونادرا ماتلقي شخص وفي ومخلص معك للابد
هذا اللي تغير عليك وش ترجي منه ياانك تكون صريح وتساله بشكل مباشر وش غيرك يافلان وتعرف اسباب النفور
والا تتطنشه وترا الحياه تستمر صح بتتعب شوي لانك متعود عليه بس انت اقوى من انه شخص يتحكم فيك
واذا كنت مضايق من اي شئ انا اخوك وموجود
واهديك هالقصيده
لا يضيق صدرك وعالدرب تتكدر **
خلقت لنفسك إنسان ومو أكثر
لا ترتجي من أقرب الناس لو بندر **
وما يستاهلك هاللي جرح وسكر
أخوك أو صديقك من الناس يكثر **
والشرهه عالإحساس والقدر مقدر
غليته من كل الناس وبعيني الأندر **
وصار الهوى هوجاس ونواياه أخطر


(qq22)(qq22)

[محتاج انسان]

ربي يوفقك بس لو نتواصل عبر الإيميل اذا ما منعوا الأخوان أو انت

واود أن اوضح : تغير بالسؤال والاهتمام بي كشخص ولا اذا شافني يسلم علي وبحرارة

ولكن انا بصراحة ماني مرتاح نفسياً

[لالـه]

الله يوفقك أخوي أهووو ويفرج الله كل همك وغمك

[اهووو]

ربي يوفقك بس لو نتواصل عبر الإيميل اذا ما منعوا الأخوان أو انت

واود أن اوضح : تغير بالسؤال والاهتمام بي كشخص ولا اذا شافني يسلم علي وبحرارة

ولكن انا بصراحة ماني مرتاح نفسياً

يمكن دخل بحياته اشخاص اخرين او دخل في علاقه عاطفيه مع فتاه ما وانشغل
تعرف المثل
اللي يقول اللي لقى احبابه نسى اصحابه ترها تصير كثير(qq22)

[محتاج انسان]

تسلم لي يا الغالي ولكن ما رأيك لو نتواصل عبر الايميل عندي كلام كثير ودي اطلعه

[سيمار]

انا ما ادري ليه حبه متعبك.؟!
يعني حتى لو لقيت فيه اخ وصديق لاتتعلق مره
الله يعينك

[محتاج انسان]

بارك الله فيك سيمار ولكن حتى انا نفسك مادري ليه

[سيمار]

ياشباب واحد منكم حكيم وعاقل يحتسب الاجر ويضيفه
باين الولد يبي يتكلم ولا قدر بالموضوع

[لالـه]

وأنا أظم صوتي لصوتك اختي سيمار

[محتاج انسان]

الله يوسع عليكم كلكم انشهد انكم الأخوان وانشهد انكم الأقوياء

[الجبل الشاهق]

تبي ترتاح ؟

صدقني مافيه حل ألا أنك تقطع الشك باليقين وتكلمه وتسلم عليه وتقول وينك ياخوي ماعاد تنشاف ولا تتصل علي عسى المانع خير ؟

و أكيد رااح يتعذر ويقول لك أسباب مشغلته عنك ويمكن بعدين تعذره هذي وجهة نظري

والله يوفقك

[محتاج انسان]

الجبل الشاهق بل الانسان الشاهق

هو يكلمني وما بيني وبينه شي فقط تغير علي بقل السؤال وصارحته ويقول انا ابي كذا وماني مرتاح معك بس اغليك وانا محتار

[الجبل الشاهق]

الجبل الشاهق بل الانسان الشاهق

هو يكلمني وما بيني وبينه شي فقط تغير علي بقل السؤال وصارحته ويقول انا ابي كذا وماني مرتاح معك بس اغليك وانا محتار

الله يسلمك على هذا الإطراء اللي أتمنى أكون قده

و دام أنه قال لك مرتاح معك فأنا من رأيي ماتتركه كذا بدون ماتعرف الأسباب ؟

وإذا كان كذا بدون سبب خله على راحته ولا تهتم كثير ودور على غيره من الطيبين وأكيد راح تنساه

[mrta7]

تمرجل الله يهديك

:)

[محتاج انسان]

وضح كلامك اخي هزاز

[mrta7]

يعني خل فيك صفات رجــّــــال اكثر من صفات ولد !

احس من كلامك ان بينكم علاقة حب ؟؟!!

وكأنك تتكلم عن بنت ياخوك !



ياخي خله مايشوف شر وخلك واثق من نفسك وانااخوك



مدري وش اللي ينقصك لامنه راح ولا زعل منك ولا ماعاد يسلم عليك ؟


اتمنى ماتزعل من كلامي.... هذا ( ديفنيشن ) لكلمة تمرجل


تحياتي لك

[محتاج انسان]

اي والله احبه واغليه وكلامك على عيني وراسي

وانا يوم انزل الموضوع ابي من شرواكم حل

[اعرف هاوي ثادق]

الله يوفقك ياخوي ويسدد اخطاك

[اعرف هاوي ثادق]

الله يوفق يا خوي ويسدد خطاك ويسر امرك

[الشـــــادن]

كلام هزاز صحيح
ما كأنك تتكلم عن رجل ليش يتعبك اذا ما سأل عنك ...
اللي فهمته انه بايعك وانت شاريه والدليل يقولك مو مرتاح معك
ومن باعك برخيص بيعه بتراب
ابحث عن رضا ربك ولا تبحث عن رضا انسان لا يملك لك نفعا ولا ضرا ...
وان شا الله ما راح تشوف التعب هذا

[اعرف هاوي ثادق]

الله يوفق ياخوي ويسدد خطاك ويسهل امرك اللهم امين

[اهووو]

تسلم لي يا الغالي ولكن ما رأيك لو نتواصل عبر الايميل عندي كلام كثير ودي اطلعه
اسف اخوى
تاخرت عليك
اسدح ايميلك علي الخاص اذا حبيت نتواصل

[محتاج انسان]

الله يوفقك يا الوايلي انت ومن مر على الصفحه

[محتاج انسان]

المشكلة يا الغالي الخاص ما يسمح لي الا اذا تعدت مشاركاتي 50

[محتاج انسان]

عموماً هذا ايميلي يا اهووو والمعذره يا إدارة المنتدى لأنو ما استطيع عن طريق الرسائل الخاصة الا بعد 50 مشاركة والمعذرة تلو المعذرة

*************sham

[همس الانوثه]

ياخوي كانك تقدر تزوج يمكن ان شاء الله تنحل مشكلتك مع صديقك لان حبك له مو طبيعي ويمكن اذا ماتصرفت بشكل جدي يزود ويصعب عليك تركه00الله يسهل امرنا وامرك والمسلمين

[عبادي نت]

صراحة استغرب الردود التي توافقك على التواصل معه

فمهما قلت ان علاقتكم مبنية على صداقة

ولكن واضح ان هناك حب وإعجاب

وهذه لاتحصل بين الرجال خاصةً انك في سن الـ23

لو قلت 16 و 17 وفيها ماشرهنا عليك قلنا مراهق

لكن 23 سن بداية النضوج العقلي ولازم تحكم ضميرك وعقلك فإذا كنت تريد استمرار العلاقة

مع صديقك هذا فعلى علوم الرجال والخوة والزمالة

ولكن إذا كانت العلاقة تنحى منحى الحب والغرام والمصارحة والخيطي والبيطي لاننصح بها


ومادامه بدأ يسحب عليك شوي شوي


خلها تجي من عندك انت واسحب عليه السيفون مرة وحدة (q30)



وصدقني راح تشره على نفسك بعدين وتقول اثرني كنت مغفل (q20)

[عالي المستوى]

ياخي

عارف ليه صرت تحبه كل هذا الحب

لان قلبك خالي من حب الله

[عذب السجــايا]

واضح انك انسان عاطفي جدا
وترى خويك ماتركك الا حس انك تحبه بزياده
...يعني انا مثلا احب اخوياي
وكذا...بس لاشفت واحد منهم مصخها ولزق زياده ..احاول اطنشه
فأنت ياطويل العمر تعلم من هذا الموقف خلك ثقيل واعرف تختار اصدقائك
ولاتحسس احد بانك محتاجه ترى الناس للأسف مايحبون ولايحترمون الا الانسان القوي
وخويك هذا مهوب نهاية العالم ..الناس الي فيهم خير ياكثرهم وصدقني راح تتعرف
على غيره وتنساه...بس المهم ان الواحد يكون رجل بكل ماتعني الكلمه
يعني ترى الايام هذي الدنيا فيها البشر اشكال والوان
واخاف عليك احد يستغل طيبتك ويودك في ستين داهيه
:ro258es:

[غلاةالروح]

انا مع رأي عالي المستوى

[محتاج انسان]

عالي المستوى - غلاة الروح <<< كلامكم والله محسوب عليكم وسأقف أنا وانتم امام الله ولن اتنازل عن اتهامكم بحبي لله

ومشكورين اخواني الباقين على عذوبة الكلام