المساعد الشخصي الرقمي

مشاهدة النسخة كاملة : الله يجزاكم خير .. اللي عنده خبر يفيدني


بنت السليم
28-10-04, 04:06 AM
السلام عليكم ورحمة الله وبركاته


ليت من عنده خبر يفيدنا جزاه الله خير

تخبرون نوادي أو دورات ( نسائية ) للكراتيه او التايكوندو ؟

تحديداً في الخبر ومهب مشكلة إذا فيه بالدمام أو الجبيل

وجزاكم الله كل خير

.

تراي محتاجته مره عجلوا الله لا يهينكم

ابو تميم
28-10-04, 04:22 AM
ليش كفى الله الشر
إذا في هواش الشباب ما يقصرون وإذا محتاجة مرة من يوم السبت إن شاء الله أقدم هالمشروع للبلدية ومعي علم إنهم يبي يوافقون عليه بعد عشر سنين
لكن نصيحة لا تهمك الكراتيه وهالخرابيط إذا كان الخصم إمرأة فعليكي بشعرها لما تقطعينه تقطيع ولاعاد ينفع برت بلس ولا غيره سيصبح متقصف مدى الحياة وأما إذا كان رجل ولا تبين فزعة فعليك بالبكس على خشمه على طول وركبة ببطنه وتلقينه خالص أو خلي معك عصى طول منتي ماشيةوأول مايقرب (as15j) وكذا توفرين فلوس الدورات

أم أديم
28-10-04, 04:47 AM
خير ان شاء الله يا اسومه يا عميشتنا


وشفيه :D

المتحد
28-10-04, 05:54 AM
ايه اعرف وألا تدرين

طبي من السطوح على دميجتك

ياسوبرمان العقربيه

الدندون
28-10-04, 07:06 AM
ايه اعرف وألا تدرين

طبي من السطوح على دميجتك

ياسوبرمان العقربيه



ههههههههههههههه


اضحك الله ضروسك الورانية يا متحد :)

اليمامه
28-10-04, 12:08 PM
خير يا أسماء وش طرى عليك

ناويه تدخلين معركه

عسى ما أنتي بتحررين فلسطين >>>>>>خليك رومنسيه (qq92) وبلا عنف(qq149)


ترى والله اذا عرف فارس الاحلام انك تعرفين تكفخين


انك معاد تشوفين وجهه >>>>> ماهوعايف عمره

رياضي
28-10-04, 01:31 PM
up

تعوذي من الشيطان

بنت السليم
28-10-04, 03:25 PM
هَــــه

وش بكم قبيتوا بوجهي الله يصلحكم :cl:



ابو تميم

انتظر الموافقه على طلبك

وبعدين مين قالك الله يهديك ويصلحك اني ابيه عشان المكافخ ؟





قصيمية

يا بعد تسبدي يا قصمصم حتى انتِ تضحكين علي :(

ابد ما فيني شي بس كنت مشتركة بدورة كراتيه وغبت عنها 3 اسابيع ويوم رجعت لقيتهم صاكينها(kk)

لأنها كانت ملحقة بنادي لـ السباحه , والمشتركات فيها شوي وكلهم راحوا




المتحد

هئ هئ هئ خلاااااص يكفي تحطيم

والله كل ما اقول لأحد يقولي كذا

اقول يا المتحد ما تخبر نادي للفروسية ؟




الدندون

طيّـــــــــب تعرف تسوق ؟؟ ترى ازين شي السواقه الله يجزاك خير

<< ابوآمال على غفلة



اليمامه

هلا والله بالـ قوقسية

والله يا بعد قلبي انا منيب داخلته عشان ادبغ اللي قدامي

بالعكس الكراتيه رياضه مناسبه للبنات ( لأنها ما تطلع عضلات تشوه الجسم )




رياضي

اعوذ بالله من الشيطان الرجيم



ومثل ما قلت لكم كنت مشتركه بس صكوها لأن المشتركات كلهم راحوا

الحين بدال ما ( تواسونّي ) على فقدي لرياضتي المحببه تقعدون تضحكون :(

والله لو شفتون اول ما سمعت بالخبر كان كان رحمتوني

أم أديم
28-10-04, 03:41 PM
يابعد قلبي يالغاليه هئ هئ هئ هئ هئ


(q73)


المفروض نواسيك صح بس حنا مادرينا عن هالسالفه (qq22)


ياعميشتنا الغالية الله يخليك لنا :)


ولا عدمناتس

الوافي3
28-10-04, 03:49 PM
اسماء واللي يرحم والديك

لاتفتحي هالمشاريع للحريم(qq29)

مساكين هم لكن ياويلي لاعصبوا(a28)

بعد طيران الصحون في المطابخ ، يجي التكفيخ بالايادي والرجول

الله يستر (tt)

المحــــارب **
28-10-04, 03:59 PM
:)

حــــــــــرمه ... وكراتيه ..و تايكوندو....


يازمن البعارين :)

مستغرب
28-10-04, 04:09 PM
وين اهلك عنك

وش كرتيه وش الخربطه ... عيب بنت وتلعب كرتيه

وخليني بكون واقعي معك

اذا انت بكر خطر عليك الكرتيه

بعدين الكراتيه عجزوا عنها الرجال تبين انتن تلعبنها

والا متأثر بالافلام اليابانية ... لا تصدقينهم ترى كلها خدع

يا عمشا

أم أديم
28-10-04, 04:33 PM
^




^




^



(qq22)

بنت السليم
28-10-04, 07:08 PM
وش بكم الله يصلحكم غيرتوا الموضوع ؟

انا اقول اللي يعرف نوادي او دورات كراتيه يقول لي

ما قلت خلونا نتناقش عن (تعلم البنت للرياضه)

بس بكيفكم سوو اللي تبونه



قصيمية

ايه صيحي وافركي خليني احس ان فيه احد مهتم بي

مهب مثل خالتي يوم قلت لها قالت ابرك كودتس تهجدين

ولا عدمتس يا بعد تسبدي




الوافي

ههههههههه

اثر حريمكم يطيرن الصحون لامنهن عصبن ؟

بس اكثر البنات يبدن بالحزام الأبيض ولا منهن وصلن لـ الحزام الأصفر زهقن

يعني لا تخاف


المحارب

وش فيها لامن البنت تعلمت الكراتيه؟

اتوقع ان هذي الرياضه الوحيده اللي تناسب للبنات




مستغرب

والله العظيم قبل ما انزل هالموضوع جيت على بالي

وقلت الله مير يستر

(( عيب بنت وتلعب كرتيه ))

ياخي زهقت من كلمة عيب كل ما سويت شي قالوا لي عيب

عيب البنت تقعد مع الحريم << ايام المتوسطه وبداية الثانويه

عيب البنت تراكض مع البزران << دايم يقولونها لي

عيب البنت تتأفف << صادقين

عيب البنت ما تعرف تسوي مراصيع << اليوم قايلينها لي

والحين انت تقول عيب البنت تلعب كراتيه؟

ياخي وش فيها يالله لك الحمد قاعدة مع بنات ولبسنا ساتر

(( اذا انت بكر خطر عليك الكرتيه ))

عارفه عشان كذا الحركات ( الجفسه والخطره ) ما اسويها

وبعدين ما قلت ابي اصير زي هاليابانيين بس الكراتيه رياضه مفيده للجسم وممتعه




قصيمية

الله يوسع صدرتس بالعافيه










ياناس ياعالم انا ما قلت وش رايكم بتعلم البنت لـ الكراتيه

انا قلت اللي يعرف أماكن الدورات والنوادي في الشرقيه يقول لي

الله لا يهينه

مستغرب
28-10-04, 08:47 PM
[color=#CC0066]مستغرب

والله العظيم قبل ما انزل هالموضوع جيت على بالي

وقلت الله مير يستر

(( عيب بنت وتلعب كرتيه ))

ياخي زهقت من كلمة عيب كل ما سويت شي قالوا لي عيب

عيب البنت تقعد مع الحريم << ايام المتوسطه وبداية الثانويه

عيب البنت تراكض مع البزران << دايم يقولونها لي

عيب البنت تتأفف << صادقين

عيب البنت ما تعرف تسوي مراصيع << اليوم قايلينها لي

والحين انت تقول عيب البنت تلعب كراتيه؟

ياخي وش فيها يالله لك الحمد قاعدة مع بنات ولبسنا ساتر

(( اذا انت بكر خطر عليك الكرتيه ))

عارفه عشان كذا الحركات ( الجفسه والخطره ) ما اسويها

وبعدين ما قلت ابي اصير زي هاليابانيين بس الكراتيه رياضه مفيده للجسم وممتعه



زين جيت في بالك

معليش عمشا تراني اعتبرك مثل أختي الصغيره واتمنى لك الخير مثل ما أتمنى لها

عشان كذا قلت عيب

ولا هو كل عيب ينقال عليه عيب .. بس هالعيب هو العيب

يعني ما حصلتي المتعه والوناسه الا في الكراتيه

فيه متع ثانيه للبنات احلى واحسن من الكراتيه .. ومتوفره في كل مكان

واذا أخذه حسابك بالنسبه للألعاب الخطره .. الكراتيه متعتها في خطورتها

معناته ان ما فيه متعه بالنسبة لك

وبالأخير اتمنى تشوفي لعبه غير الكراتيل ... وممكن نساعدك في الحصول على غيرها

ولا تفتحي باب مسكر في مجال يرقضه المجتمع

خنجر
28-10-04, 10:05 PM
أعوذ بالله السميع العليم من الشيطان الرجيم

حتى لو دخلو جحر ضب لدخلتموه


في في الغربية أندية ما في مسافة بين الغربية والشرقية كلها كم حرف

خليك يا عمشى على الأفلام
ترى الأذكياء مثلك يلقطوها من الأفلام

ولا أقول تزوجلك واحد مع حزام أسود في الكارتيه وبعدين يدربك


ذلحين ما في وقت تطرحين فيه موضوع الرائع إلا في رمضان

عجت لك يا زمن وقلت آه آه آه يا زمن

ناصر 150
28-10-04, 11:33 PM
السلام عليكم ورحمة الله وبركاته
الاخت الفاضله / أسماء .. آمل أن تكوني بصحه وعافيه
أرجو أن لا تعتبري كلامي هذا هو تدخل بأمورك الخاصه
ولكن من باب التفاعل معك حول موضوع الكاراتيه ..
فلعلك تكتفين بالقراءة عن الكراتيه والرياضات المماثلة ..
دون التطبيق فقد بين الأعضاء الكرام خطورة اللعبه وخصوصا
للنساء وهذا نابع من حرصهم عليك .. ويمكنك ممارسة الرياضه
الخفيفه مثل التمارين السويديه التي تساعد في بناء الجسم
دون اجهاده .
آمل أن تزوري الموقع المرفق لتري مدى صعوبة اللعبه .. وزيادة
معلوماتك حول فنونها وأنواعها ... أتمنى لك التوفيق في الدنيا والآخره
أخوك / ناصر (q75)
فنون الكراتيه (http://karate.arabgool.com/)

بنت السليم
29-10-04, 01:59 AM
مستغرب


يا بعد قلب امك وش العيب بالكراتيه ؟

اذا كنت اتدرب مع بنات ولبسنا لبس الكراتيه المعروف بنطلون ابيض وسيع

وفوقه البالطو الأبيض اللي يوصل لـ الركبه

وبعدين انا مابي الكراتيه على انه متعه بس لا متعه ورياضه

ولأن الكراتيه تعتمد على خفة الحركه ودقه الهدف وما يحتاج لقوة وما يطلع عضلات

فهوانسب شي للبنات


على فكره

تراي دارسه سنه وكم شهر كراتيه ( بتشجيع من الأهل ) ولا ضرني شي





خنجر

سمالله عليك وش جاك!!؟

((حتى لو دخلو جحر ضب لدخلتموه))

لا ياخوي هذا الحديث مهب ذا مكانه

ناخذ منهم اللي يفيدنا والي عكسه نرده

والكراتيه مافيه اي مشكله لا دينية ولا دنيوية


((خليك يا عمشى على الأفلام
ترى الأذكياء مثلك يلقطوها من الأفلام))

هـــه

لا افلام ولا هم يحزنون

بس تعلقت بهاللعبه لدرجة الجنون


((ذلحين ما في وقت تطرحين فيه موضوع الرائع إلا في رمضان))

ايه يا عمي قبل امس جاني خبر اغلاق النادي فـ ضاق صدري

وسألت عن نادي ثاني وما لقيت قلت خلني اسأل الأعضاء يمكن يفيدونن

وما توقعت ابد اننا بنطلع عن الموضوع




ناصر

(( آمل أن تزوري الموقع المرفق لتري مدى صعوبة اللعبه .. وزيادة
معلوماتك حول فنونها وأنواعها ... ))

جزاك الله خير

انا مجربتها وعارفه أنها صعبه الا انها ممتعه

وفعلا الموقع فيه معلومات اول مره اسمعها فـ جزاك الله الف خير

بونواف
29-10-04, 02:04 AM
(zm)

الله يستر من متى ذالمووضوع مطروووووووووح

خنجر
29-10-04, 07:09 AM
أختي أسماء

أقصد بجحر الضب هنا التشبّه بالرجال

بعدين تقولين انقطعتي أسبوعين ، وقفل النادي من ثلاث أيام
أسومة كم لك في النادي علشان أعرف نوع الحزام اللي تملكينه ( عندنا شوية خبره )

أختي أسماء
أشوفك ملهوفة لتمرين الكاراتيه يعني تعدين نفسك للجهاد
أشوفك متابعة الأشرطة اللي ينزلوها التكفيريين عن معركة .... هل أنت متعطّشه للدماء
بس ترى في أمور أخرى نبي البنات يعدون نفسهم فيها مثل القرآن والتفسير والفقه لأنهم مقصرين بل محلقين فيها

أختي أسماء
انقطعت أسبوعين عن التمرين ، كمليها كمان أسبوعين ، وبعد رمضان المبارك نزلي موضوعك يمكن يلاقي قبول


تحياتي لك
أتمنى ما تزعلين


خنجر ،،،،، لا يحب المسترجلات

بنت السليم
29-10-04, 11:50 AM
ابو ونواف

من سنة السبله وهو هنا







خنجر

لا اله الا الله




((أقصد بجحر الضب هنا التشبّه بالرجال))

لا ياخوي لا تشبه ولا هم يحزنون لان تدريب الرجال مهوب زي البنات

وبعض الحركات البنت ما تقدر تسويها ابد

على كل حال الكراتيه ما يحتاج لقوه ابد صح ولا غلاطانه ؟




((أشوفك ملهوفة لتمرين الكاراتيه يعني تعدين نفسك للجهاد))

تصدق ما فكرت فيها ؟ زين انك ذكرتن

خلاص من الحين بـ أحسن النية واخليها (من الاعداد للجهاد )




((أشوفك متابعة الأشرطة اللي ينزلوها التكفيريين عن معركة .... هل أنت متعطّشه للدماء ))

الله وش ذي النطه اللي مهيب صاحية !! وش دخل موضوعنا بذا ؟

هل انت متعطشه لـ الدماء ؟

لـ دماء الكفر اي نعم

لـ دماء من يستحق القتل ( يعني مهوب كفار ) ما احب بس مهوب معناه اني اعارض فكرة قتلهم

لـ دماء اللي يموتون من غير قصد ( يعني يكونون حول العملية ) عاد هذي ما تعجبني ابد

بس مو معناها نترك العملية عشان ما يموتون !!




((بس ترى في أمور أخرى نبي البنات يعدون نفسهم فيها مثل القرآن والتفسير والفقه لأنهم مقصرين بل محلقين فيها))

والله انك صادز

الله يجزاك كل خير




((انقطعت أسبوعين عن التمرين ، كمليها كمان أسبوعين ، وبعد رمضان المبارك نزلي موضوعك يمكن يلاقي قبول))

اللي افهمة ان الكراتيه ( محرم عرفياً ) ؟

والله غريبة ... هالألعاب منتشره بعايلتنا بشكل كبير

ونادر ما تشوف بنت ما تتعلم الرياضه وخاصه كرة السلة والتنس

ولأني ما اواطن هالألعاب دخلت الكراتيه




(( كم لك في النادي علشان أعرف نوع الحزام اللي تملكينه))

سنه وثلاث شهور تقريباً , الحزام الأزرق











اعيد مره ثانية اللي يعرف اماكن النوادي او الدورات لا يبخل علينا

ناوي ابعاد
30-10-04, 03:11 AM
الحين ما قويناكم بالسان اجل لو تتعلمون للكراتيه او التايكوندو ..... (وش بيصير )
(q34)

بنت السليم
30-10-04, 08:42 AM
^
^
يقلع ابو التحطيم

قوتنا بـ اللسان ياخوي , يعني تهقى انكم منتب قاوينّا اذا تعلمنا الكراتيه؟

يا حبي لنا اثرنا (qq2) وانا مدري

رامز
30-10-04, 10:24 AM
ليش ماتجربين البحرين تراها أقرب من الجبيل ، وإذا لقيتي في البحرين علميني لأن عندي بنت كفخوها في المدرسة وناوية تنتقم وتبغى تاخذ دورة .

مستغرب
30-10-04, 11:42 AM
دي المسألة كبرت يا قماعة

فيها ضرب وضريب

جرح الغدر
30-10-04, 04:27 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههه

أجل تبين الكاراتيه سهله مايحتاج دوره ولا كلام فاضي روحي لأحدى الأحياء الشعبيه وتشوفين كاراتيه غير شكل كاراتيه بالمواصير وبالسواطير والله لو حنا بعيد الضحيه

تصدقين استغربت من سؤالك وهو جد فيه كاراتيه للبنات عندنا بالسعوديه؟؟؟

القصيميه
31-10-04, 10:11 AM
يا اسماء ولا يهمك من المنكتين والمنكتات والمتهكمين والمتهكمات

على طلبك............. ترى ان اشجعك قلبا وقالبا وترى هذي امنيتي من زمان اني

اتعلم كاراتيه ....... بس العيله الكريمه قالت زي ما قالوا ( الربع) عــــيب .... وهذا

كان طبعا يوم كنا ساكنين في جده في سنه من السنين بس لو كنا بالقصيم وقلت الفكره

كان كنت اللحين ( المرحومه )......... بليز..بلييييييييييز ..... حققي لي امنيتي واكملي مسيرتك(ehg)

في تعلم هذه اللعبه المفيده في كل نواحيها فهي ليست للجسم فقط بل للعقل والتركيز واليقظه

وسرعه رد الفعل ...............

فعلا تناسب البنات في هذا الوقت من حيث الدفاع عن النفس في اوقات الضروره القصوى.....

لان الشباب اصبحوا اكثر جراءه ووقاحه في مطاراداتهم للبنات حتى المسالمات اللي مالهن في هالاشياء

السخيفه !!

مستغرب
31-10-04, 03:22 PM
ايوه فعلا العبن كراتيه عشان المغازلجيه

وانتم يا شباب العبوا كرتيه عشان برضوه !!

لو بنت معه الحزام الازرق وانت نفسك تغازلها كيف ؟

قولتي كيف ؟

انا اقول لك

يكون معك الحزام الاسود او على الأقل الازرق بهذا يكون لك الحق بمعاكستها

أما اذا كنت أقل منها مستوى فلتبحث عن اقل من ذلك

لذلك يجب على جميع الشباب توخي الحذر اذا اراد المعاكسه .. من بنات الكراتيه ( تسميه جديده )

وعلى الجميع ان يضع نصب عيناه حزامه ... وما يمنع انك تضحك عليهن وتخلي امام عيناك الاسود لو ان ما معك الا الابيض .


الله واكبر يالقصيميه ... اللحين ما لكن عذر راح يتعلمون الشباب الكراتيه

والمستفيد الأول هى الانديه ؟ والمغازل والتحرش بيكون اشد وطئة ؟ راح يكون بالكراتيه

اليمامه
31-10-04, 03:37 PM
اسومه حياتي شكلك مابتهزري


عشان كذا أقول سيري علي في الرياض


وابشري بللي يحوس فيك لين نحصل الطلب

لآني ماعر الا مراكز رجاليه

بس لازم تتحملين شويه لانه كل متر نقطة تفتيش وياليتهم يفتشون صح



وتوعديني ماتنزلين تكفخينهم ترى والله لاتبرى منك ماني ناقصه

نازف ألم
31-10-04, 03:46 PM
كراتيه شئ حلو

إذا تبيني اسال سألت لك

معنى كذا أجل تكسرين بلك وبلاط

أحلى ياقويه

بنت السليم
31-10-04, 03:48 PM
رامز

هلا والله ابو ماجد

صحيح البحرين اقرب بالمسافه , بس بالوقت اكيد الجبيل

وبعدين مين المهبول اللي بيخليني ثلاث ساعات بلحالي في البحرين ؟

والله يعين بنيتك .. بس غريبه للحين فيه ضرب ومكافخ في المدارس




مستغرب

والله من اشوف اسمك يطيح قلبي

<< مسبب لها فلم رعب

بس مسألت تعلم الكراتيه عشان الـ ( ضرب والضريب ) فأنا ما ابيها



جرح الغدر

الله يوسع صدرك بالعافيه

((تصدقين استغربت من سؤالك وهو جد فيه كاراتيه للبنات عندنا بالسعوديه؟؟؟))

ايه فيه بأرض الحرمين بس مهب كثير

ويقولون والله العالم ان الرياض فيها نادي كبير للكراتيه وعلى مستوى مهوب مثل اللي عندنا الله يخلف




القصيمية

يا بعد قلبي يا الغاليه ما وقف معي الا انت , تصدقين كنت ناويه اهون

<< امممممم تهونين اجل

((بس العيله الكريمه قالت زي ما قالوا ( الربع) عــــيب ))

سبحان الله عكس عايلتنا بالضبط


((في تعلم هذه اللعبه المفيده في كل نواحيها فهي ليست للجسم فقط بل للعقل والتركيز واليقظه
وسرعه رد الفعل ...............))

والله انتس صادقه

بس كلامتس الأخير عن المغزلجيين , تهقين اني بكفخهم من تحت العباية ؟

خخخخخخخخخخخخخخخ ما اتخيل الشكل



مستغرب

كلامك هذا موجه للقصيمية

بس انا ابي الكراتيه لأنها ريااااااضه ممتعه

و اقول المفروض كل الشباب بدال ما يقعدون ويربون شحومهم بالبيوت يتعلمون الكراتيه كـ ( رياضه )

مهوب تكفيخ وضرب وضريب وانت ماشي

بنت السليم
31-10-04, 03:55 PM
اليمامة

لا عمرتس تزورقين بين الردود يالقوقسية

والله سمعت ان عندكم نادي نسائي كبير للكراتيه صحيح ولا يلعبون علي ؟

وتوعديني ماتنزلين تكفخينهم ترى والله لاتبرى منك ماني ناقصه

حسبي الله على بليستس ميــــن قال اني ابيه عشان المكافخ

ياناس افهموا واللي يرحم والديكم(g)




عشق الليل

وانتِ الثانيه لا تزورقين بين الردود

((إذا تبيني اسال سألت لك))

وهالكلام اللي قاعده اقوله من الصبح ليه ؟

تكفين اسألي الله يجزاتس الجنة

بونواف
31-10-04, 04:12 PM
أسماء

الحين اذا لعبتوا انتي والبنات كرتيه ؟؟!!

http://www.asmilies.com/smiliespic/sport/014.gif


معكم من تمعيط شووش .؟؟!

http://www.asmilies.com/smiliespic/sport/019.gif

ومعك من عض ...!!!
http://www.asmilies.com/smiliespic/evil/013.gif

والتقبيص تقبصون والا بطلتوا من التقبيص


http://www.asmilies.com/smiliespic/happy/024.gif

هذا التقبيص وهذي اثاره






عموما اسماء وش رايتس بهاللعبه تراها زينه جربيها مع البنات

http://www.asmilies.com/smiliespic/happy/069.gif



اليمامة

لا عمرتس تزورقين بين الردود يالقوقسية



http://www.asmilies.com/smiliespic/new/009.GIFوشذا الحتسي وين تجيبينه منوهـ http://www.asmilies.com/smiliespic/new/009.GIF

oJ9Jl
31-10-04, 07:23 PM
حريم وكراتيه ما تجي ولا بالقناة الثانيه والله من الملوع والمصوع والبعج وام اسد يبي ياصل سعرها الف ريال الا ما تبن تتعلمن على الكلاشن كوف يقولن انه سهل واسرع مفعول من الكراتيه

بنت السليم
01-11-04, 06:29 AM
بونواف

متأكده مليون بالمية انك ما كتبت هالرد الا عشان تعلمنا انك تعرف تحط صور

من ( عرب سمايلز ) (qq)

تمعيط شوش / عض / تقبيص .... وين حنا قاعدين بُه :cl:

http://www.asmilies.com/smiliespic/happy/069.gif << هههههـ اذكر يوم كنا بالإبتدائي كنا نلعبها ونقول اناشيد سوريه ومصريه

تذكر ( كلن عندو سياره جِدي عندو حمار ) وذي ( ارسلتني معلمتي اشتري كَوكَو طاح مني وانكسر .... )

وبالنسبة للقوقسية والله مدري وش معناها بس اذكر الوله ومستغرب كانو يقولونها لها







الوله

صراحه مع احترامي الشديد الصورة اللي جنب اسمك http://www.qassimy.com/vb/uploaded/smiley-kots.gif

((والله من الملوع والمصوع والبعج وام اسد يبي ياصل سعرها الف ريال ))

تســـــــيف الحال ؟ (qq5) ننتظر المترجم يجي

((الا ما تبن تتعلمن على الكلاشن كوف يقولن انه سهل واسرع مفعول من الكراتيه))

تكفى تكفى يا الوله قلي بوه مركز تدريب على الأسلحة

<< ترفقي ما بقى الا ارض الحرمين ويحطون فيها هالأشياء

والله هذي امنيتي يا الوله









خلاص عاد بلا استهبال واللي يرحم والديكم , وتراي انتظرتس يا عشق الليل








.

مستغرب
01-11-04, 02:50 PM
مستغرب

والله من اشوف اسمك يطيح قلبي

<< مسبب لها فلم رعب

بس مسألت تعلم الكراتيه عشان الـ ( ضرب والضريب ) فأنا ما ابيها


لا والله بسم الله عليك

ابدأ اخليكي ما تشوفين اسمي ابدا

كلش ولا قلبك يطيح

بعدين قلبك يطيح من مستغرب ولا يطيح من هالمطامر بالكراتيه

طموح
01-11-04, 06:55 PM
أسما يقولون لك بعض الناس إلي إنتي خابرتهم إعقلي أحسن لك

ولاتنزلين هالمواضيع بالمنتدى و هنالس بسجلونك بنادي كراتيه بعد كم يوم

الشقردي
01-11-04, 07:20 PM
لا لا الله يرحم والديك..
اختي دخلت نادي بالرياض وهي بالمتوسطه...ما بقى أحد ما كفخته..
شكلك زيها..هي عربجيه ×××××××××لارج...
لا وبعد تقول أبي أدخل فروسيه...يا حياتي يا وخيتي..ركبت مره بوني بالثمامه..وطارت بوهتها..
هي يالحول متأثره بمسلسل كانت تناظره يوم كانت بزره...عسلى موب أنتي بعد ناظرتيه..الظاهر اسمه..
مدرسة الكونغ فو..
لكن عندي لك حل ..خذي كل مراتب البيت واقعدي كفخي فيها ليييييييين تحسين نفسك معضله..
وخذيلك كوره من البقاله وشوتي فيها صبح ليل..
واشتري كل شيئ جيشي بالسوق..ملابس,جزم.,شرابات.,طواقي..أيييي شيئ
أتوقع كذا بتشبعين...ومعاد تحتاجين للنادي..
صدقيني..أختي الحين صارت طبيعيه..ما تحسنت الا يوم شبعت..
ايه ونسيت شيئ...كل يوم امسكي أخوك من اذنه واقعدي صرخي عليه وقوليله...أنت لازم تصير مجاهد..ولازم أعلمك كيف..وشبعيه عاد من التمرينات الشاقه..ينقالك مدربة جيش..وسلامتكم..

بكيراوي قح
04-11-04, 01:19 AM
ايه ونسيت شيئ...كل يوم امسكي أخوك من اذنه واقعدي صرخي عليه وقوليله...أنت لازم تصير مجاهد..ولازم أعلمك كيف..وشبعيه عاد من التمرينات الشاقه..ينقالك مدربة جيش..وسلامتكم..

اي والله هو صادتس بعد اذا بغيتي اخوي الطبله تعلمينه الجهاد يكون ازين

القصيميه
04-11-04, 05:44 AM
اوووووه اي الى اللحين يا اسماء محد جابلك خبر .........(q101)

يااااااااقدمس ................ ( طلع غبار)........(q36)

السفير الحضرمي
30-04-05, 10:00 AM
انا اشكرك بعنف
مستغرب
لالالالالالا
تفتحى باب يرفضة المجتمع
انا احترم وجهة نظرك بنت السليم
لكن مجتمعنا وعرفنا يرفض

توام الياسمين
30-04-05, 01:37 PM
واللة قوية اسومة

اذا لقيتي بالشرقية

احجزي لي ولبنيتي

واللة انا نفسي فيها من زمان